the best newspaper in Gujarat Nirmal Metro daily Gujarati newspaper, Gujarati news IPO analysis, IPO analysis in gujarati, IPO analysis by dilip davda in gujarati, Ahmedabad leading newspaper nirmal metro visit.www.nirmalmetro.com

પાંચમી માર્ચથી બી એસ ઈ વધુ ૩૬ કંપનીઓને ડિલિસ્ટ કરશે

નવી દિલ્હીઃઅગ્રણી શેરબજાર બોમ્બે સ્ટોક એક્ષચેંજ આવતા સપ્તાહથી એટલે કે તા. પ મી માર્ચથી વધુ ૩૬ કંપનીને ડિલિસ્ટ કરશે તેવી જાહેરાત કરવામાં આવી છે,આ પાછળનું કારણ એ છે કે આ કંપનીઓના શેર્સમાં છેલ્લાં ત્રણેક વર્ષથી ટ્રેડિંગ જ થયું નથી. બી એસ ઈ એ બે અલગ અલગ સર્ક્યુલર્સમાં જણાવ્યું હતું કે, આ કંપનીઓને પાંચમી માર્ચથી ડિલિસ્ટ કરવામાં આવશે. આ કંપનીઓ ટેક્સટાઇલ્સ, કેમિકલ્સ, ફાર્મા અને ટેક્‌નોલોજી સહિતનાં સેક્ટર્સની છે.
ગેરકાનૂની રીતે નાણાં મેળવવા બદલ શેલ કંપનીઓ (લિસ્ટેડ તેમજ અનલિસ્ટેડ) પર સત્તાવાળાઓ ત્રાટકી રહ્યા છે તેવા સમયે બી એસ ઈ દ્વારા આ હિલચાલ કરવામાં આવી છે. સેબીએ ઓગસ્ટમાં શેરબજારોને ૩૩૧ શંકાસ્પદ શેલ કંપનીઓ સામે કાર્યવાહી કરવાની સૂચના આપી હતી જ્યારે સરકારે લાંબા સમયથી બિઝનેસ પ્રવૃત્તિ ન કરનાર બે લાખથી પણ વધુ કંપનીઓનું રજિસ્ટ્રેશન રદ કરી દીધું છે. બી એસ ઈ એ એક સર્ક્યુલરમાં જણાવ્યું હતું કે, ત્રણ વર્ષ કરતાં વધુ સમયથી સસ્પેન્ડેડ અને લિક્વિડેશન હેઠળની ૨૮ કંપનીઓને ડિલિસ્ટ કરવામાં આવશે.
જે કંપનીઓને ડિલિસ્ટ કરવામાં આવશે તેમાં મફતલાલ ડાઇસ એન્ડ કેમિકલ્સ, વેરોનિકા લેબોરેટરીઝ, પોલાર ફાર્મા ઇન્ડિયા, શોંખ ટેક્‌નોલોજિસ ઇન્ટરનેશનલ અને બેલારી સ્ટીલ્સ એન્ડ એલોય્સનો સમાવેશ થાય છે.
એક્સ્ચેન્જે અન્ય એક સર્ક્યુલરમાં જણાવ્યું છે કે, અન્ય આઠ કંપની ત્રણ વર્ષ કરતાં પણ વધારે સમયથી સસ્પેન્ડેડ રહી હોવાથી તેમને ફરજિયાતપણે ડિલિસ્ટ કરવામાં આવશે. આ આઠ કંપનીમાં વોલપ્લાસ્ટ, અશોકા કોટસીડ્‌સ, વિજયકુમાર મિલ્સ, ગ્રેટ વેસ્ટર્ન ઇન્ડસ્ટ્રીઝ, અશોકા કોટસીડ્‌સ, રૂપલ લેમિનેટ્‌સ, એન્વાઇરો-ક્લીન સિસ્ટમ્સ અને ગાંધીધામ સ્પિનિંગ અને મેન્યુફેક્ચરિંગ કો લિનો સમાવેશ થાય છે.
ફરજિયાતપણે ડિલિસ્ટિંગના નિયમન હેઠળ, ડિલિસ્ટ થનારી કંપનીના હોલ-ટાઇમ ડિરેક્ટર્સ, પ્રમોટર્સ અને ગ્રૂપ કંપનીઓએ ૧૦ વર્ષ સુધી સિક્યોરિટીઝ માર્કેટથી દૂર રહેવું પડે છે. આવી કંપનીઓના પ્રમોટર્સે મ્જીઈ દ્વારા નીમવામાં આવેલા સ્વતંત્ર વેલ્યુઅરે નક્કી કરેલા ભાવે પબ્લિક શેરહોલ્ડર્સ પાસેથી શેર્સ ખરીદવા પડે છે.