the best newspaper in Gujarat Nirmal Metro daily Gujarati newspaper, Gujarati news IPO analysis, IPO analysis in gujarati, IPO analysis by dilip davda in gujarati, Ahmedabad leading newspaper nirmal metro visit.www.nirmalmetro.com

બિહાર પેટાચૂંટણી: અરરિયા-ભભુઆમાં BJP, જહાનાબાદમાં RJD આગળ

પટના: બિહારની અરરિયા લોકસભા અને જહાનાબાદ વિધાનસભા સીટ પર થયેલી પેટાચૂંટણીના પહેલા રાઉન્ડના કાઉન્ટિંગમાં આરજેડી આગળ ચાલી રહી છે. આ ઉપરાંત, ભભુઆ વિધાનસભા સીટ પર બીજેપીના રિંકી રાની પાંડેય આગળ ચાલી રહ્યા છે. આ પેટાચૂંટણીમાં એનડીએ અને મહાગઠબંધન વચ્ચે સીધી હરિફાઇ છે. મહાગઠબંધનથી અલગ થનારા મુખ્યમંત્રી નીતિશ કુમારની પ્રતિષ્ઠા દાવ પર લાગી છે. બીજેપી-જેડીયુ વચ્ચે ફરીથી ગઠબંધન થયા પછી આ પહેલી ચૂંટણી છે. બીજી બાજુ લાલુપ્રસાદ યાદવના જેલમાં હોવાને કારણે વિપક્ષના નેતા તેજસ્વી યાદવની પણ આ પહેલી ચૂંટણી પરીક્ષા થઇ રહી છે. આ વખતે અરરિયામાં 61%, જહાનાબાદમાં 57.85% અને ભભુઆમાં 59.68% મતદાન થયું છે.

10.30 વાગે

અરરિયા: બીજેપીના પ્રદીપસિંહ આરજેડીના સરફરાઝ આલમથી 4203 વોટ્સથી આગળ

જહાનાબાદ: આરજેડીના કૃષ્ણકુમાર યાદવ જેડીયુના અભિરામ શર્માથી 6127 વોટ્સથી આગળ ચાલી રહ્યા છે.
ભભુઆ: બીજેપી ઉમેદવાર રિંકી રાની પાંડેય કોંગ્રેસના શંભુ સિંહ પટેલથી 3267 વોટ્સથી આગળ ચાલી રહ્યા છે.

શા માટે થઇ અરરિયા, જહાનાબાદ અને ભભુઆ સીટ પર ચૂંટણી?

1. અરરિયા, લોકસભા સીટ- રાષ્ટ્રીય જનતાદળ (આરજેડી) સાંસદ તસ્લીમુદ્દીનના નિધન પછી ખાલી થઇ હતી.

2. જહાનાબાદ, વિધાનસભા સીટ- આરજેડી ધારાસભ્ય મુદ્રિકા સિંહ યાદવના નિધન પછી ખાલી થઇ હતી.
3. ભભુઆ, વિધાનસભા સીટ- બીજેપીના ધારાસભ્ય આનંદ ભૂષણ પાંડેયના નિધન પછી ખાલી થઇ હતી.