ફરાહ ખાને હાઈ ફીવર પર પ્રથમ સંતાન વિશે વાતો કરી

ફરાહ ખાને હાઈ ફીવર પર પ્રથમ સંતાન વિશે વાતો કરી

&TV પર હાઈ ફીવર… ડાન્સ કા નયા તેવર અન્ય ડાન્સ રિયાલિટી શો કરતાં સાવ અનોખો છે. આ શો બે લોકો વચ્ચેના જોડાણની ઉજવણી કરે છે, જે ફક્ત રક્તરેખાથી જોડાયેલા હોય એવું જરૂરી નથી. બોલીવૂડ સ્પેશિયલના આગામી એપિસોડમાં દર્શકોને ડાન્સિંગ જગતની પ્રતિષ્ઠિત જોડી- નામાંકિત કોરિયોગ્રાફર, ડાયરેક્ટર, એક્ટર ફરાહ ખાન અને તેની શિષ્યા કોરિયોગ્રાફર ગીતા કપૂર વચ્ચે આવું જ જોડાણ જોવા મળશે.

સૂત્રો અનુસાર ગીતા કપૂરે તેની ગુરુ ફરાહ ખાન, જેને તે મા તરીકે સંબોધે છે તેને માટે હૃદયસ્પર્શી પત્રના સ્વરૂપમાં હાઈ ફીવરની ટીમ સાથે સુંદર સરપ્રાઈઝ આપ્યું હતું. ગીતાએ પત્રમાં પોતાની ભાવનાઓ વ્યક્ત કરી હતી અને સેલિબ્રિટી જજ લારા દત્તાએ ગીતાના ઉષ્માભર્યા શબ્દો માટે અવાજ આપ્યો હતો. આ પત્રમાં ગીતા અને ફરાહ વચ્ચે ભલે લોહીનો નાતો નહીં હોય, પરંતુ તેમની વચ્ચેનો નાતો આ જીવનકાળની પણ પાર જાય છે. તેણે ફરાહને પોતાની ગુરુ હોવા સાથે માતાતુલ્ય હોવા બદલ આભાર માન્યો હતો. તેણે પોતાને ફરાહનું પ્રથમ સંતાન છે અને તે ઝાર, દિવા અને અન્યા સિવાય પોતાની પણ માતા કઈ રીતે રહેશે તે વિશે વાતો કરી છે.

ગીતાના આ હૃદયસ્પર્શી પત્રથી અત્યંત ભાવનાત્મક બનેલી ફરાહ ખાને જણાવ્યું કે લારા, તેં આ પત્ર વાંચવાનો શરૂ કર્યો ત્યારે જ મને ખ્યાલ આવી ગયો કે તે ગીતાએ જ લખ્યો હશે. ગીતા મારી પ્રથમ બાળકી જેવી છે તે બદલ મને ગૌરવ થાય છે. ગુરુ અને શિષ્યા વચ્ચે માતા અને સંતાન જેવા નિર્ભેળ સંબંધો સ્થાપિત થાય એવું ભાગ્યે જ બનતું હોય છે. આજે ગીતા જ્યાં પહોંચી છે તે જોઈને મને ગર્વ થાય છે. તે બહુ સારું કામ કરી રહી છે અને પોતાને પણ ઉત્તમ રીતે આગળ લઈ જઈ રહી છે. લોકો સફળ અને વિખ્યાત બને ત્યારે તેઓ તેમની સાથે સંઘર્ષના સમયમાં કોણ હતા તેમને ભૂલી જાય છે, પરંતુ ગીતા તે ભૂલી નથી. આજે પણ વિખ્યાત બનવા છતાં હું ગીત કોરિયોગ્રાફી કરતી હોઉં ત્યારે તે બધાં કામ છોડીને મારી પડખે આવીને ઊભી રહે છે, મને સહાય કરે છ અને મને સંપૂર્ણ ટેકો આપે છે. તેણે મારી કારકિર્દીમાં ઉત્તમ ભૂમિકા ભજવી છે. ગીતા, હું તને પ્રેમ કરું છું, મને સામાન્ય મુજબ જ રડાવવા બદલ તારો આભાર (હસે છે).

ખરેખર આવા સુંદર સંબંધો વિશે સાંભળીને પ્રેરણા મળે છે.

વધુ જાણવા માટે જોતા રહો હાઈ ફીવર… ડાન્સ કા નયા તેવર, દર શનિવાર અને રવિવારે રાત્રે 9.30, ફક્ત &TV પર!