ડિમોલિશન-ગેરકાયદે પાર્કિંગ મુદ્દે ગુજરાત હાઈકોર્ટ ખુબ જ આક્રમક

કોર્પોરેશન-સરકારી કર્મીઓ દબાણમાં આવ્યા વિના કામ કરે
ડિમોલિશન-ગેરકાયદે પાર્કિંગ મુદ્દે ગુજરાત હાઈકોર્ટ ખુબ જ આક્રમક
રખડતા ઢોરોની સમસ્યાના નિવારણ સરકાર અને તંત્ર અસરકારક કાર્યવાહી કરે : કોર્પોરેશન ટીમ પર હુમલો કરનારા સામે કડક હાથે પગલા લેવા હુકમ

અમદાવાદ, તા.૬
શહેરમાં બિસ્માર રસ્તાઓ, રખડતા ઢોરોના મામલે ગુજરાત હાઇકોર્ટમાં ચાલી રહેલા કેસની સુનાવણી દરમ્યાન આજે ફરી એકવાર જસ્ટિસ એમ.આર.શાહ અને જસ્ટિસ એ.વાય.કોગજેની ખંડપીઠે અમ્યુકો તંત્રની રખડતા ઢોરોની સમસ્યા યથાવત્‌ રહેવાના મુદ્દે ભારે નારાજગી વ્યકત કરી હતી. હાઇકોર્ટે શહેરમાં રખડતા ઢોરોની સમસ્યાના નિવારણ માટે સરકાર અને અમ્યુકો તંત્રને અસરકારક કાર્યવાહી કરવા અને રખડતા ઢોર પકડવા જતી અમ્યુકોની ટીમ પર હુમલો કરનારા તત્વો વિરૂધ્ધ કડક હાથે પગલા લેવાનો મહત્વનો નિર્દેશ કર્યો હતો. એટલું જ નહી, શહેરમાં ગેરકાયદે દબાણો, બાંધકામ અને પાર્કિંગ વિરૂધ્ધ ચાલી રહેલી ડિમોલિશન ડિમોલિશન.
અને ટ્રાફિક ડ્રાઇવ અંગે હાઇકોર્ટે બહુ મહત્વની અને માર્મિક ટકોર કરતાં જણાવ્યું હતું કે, સરકાર અને અમ્યુકોના કર્મચારીઓ આ મામલે કોઇના પણ દબાણ કે શેહશરમમાં આવ્યા વિના કાર્યવાહી કરે. હાઇકોર્ટે શહેરમાં હજુ રીક્ષાચાલકોના કારણે થઇ રહેલી ટ્રાફિક અવ્યવસ્થા અને હાલાકીને મામલે પણ ટકોર કરતાં પોલીસ તંત્રને નિર્દેશ કર્યો હતો કે, આ માટે જરૂર પડયે રીક્ષાચાલકોને મુસાફરોને રીક્ષામાં કયાંથી બેસાડવા, રીક્ષાઓ કયાં પાર્ક કરવી તે સહિતના મુદ્દે તાલીમ અને માર્ગદર્શન આપવું જોઇએ. રીક્ષાચાલકોએ પણ સ્વયં જાગૃતિ કેળવી શહેરમાં ટ્રાફિક નિયમન અને સુવ્યવસ્થિત પાર્કિંગની ઝુંબેશમાં પૂરતો સહકાર આપવો જોઇએ. દરમ્યાન હાઇકોર્ટે અમ્યુકો તંત્ર અને સરકારના સત્તાવાળાઓને એવું સૂચન પણ કર્યું હતું કે, શહેરમાં ટ્રાફિકની સમસ્યા હલ કરવા તેમ જ ટ્રાફિક નિયમન માટે પબ્લીક અને ટ્રાન્સપોર્ટ સેવા વધુ અસરકારક, સરળ અને આકર્ષક બનાવો. પબ્લીક ટ્રાન્સપોર્ટનો ઉપયોગ વધુ હશે તેટલી ટ્રાફિકની સમસ્યા હળવી થઇ શકશે. હાઇકોર્ટે શહેરમાં રખડતા ઢોરોની સમસ્યાનું જોઇએ એ પ્રકારે નિવારણ થયું નહી હોવાની ગંભીર ટકોર કરી અમ્યુકોની કામગીરી પરત્વે નારાજગી વ્યકત કરી હતી. જો કે, અમ્યુકોએ બચાવ રજૂ કર્યો હતો કે, રખડતા ઢોરોના મામલે અમ્યુકો તંત્ર દ્વારા અત્યારસુધીમાં કુલ ૮૯૫થી વધુ ફરિયાદો દાખલ કરવામાં આવી છે અને લાખો રૂપિયાનો દંડ વસૂલી કાર્યવાહી હાથ ધરવામાં આવી છે. જો કે, હાઇકોર્ટે અમ્યુકોને સાફ શબ્દોમાં સુણાવ્યું હતું કે, તમારી ઝુંબેશ છતાં શહેરમાં માર્ગો પર તેની અસરકારકતા કે પરિણામ દેખાતા નથી, શહેરના માર્ગો પર હજુ પણ રખડતા ઢોરોની સમસ્યા યથાવત્‌ જોવા મળી રહી છે, જે તંત્રની બિનઅસરકારકતા દર્શાવી રહી છે. આ મામલાને ગંભીરતાથી લઇ હજુ અસરકારક અને પરિણામલક્ષી કાર્યવાહી કરવા હાઇકોર્ટે અમ્યુકો તંત્રને કડક તાકીદ કરી હતી.

કોર્ટ સંકુલ પાસેથી જ રજૂઆત માટે આવેલાની અટકાયત થઇ
કેસની સુનાવણી દરમિયાન રજૂઆત ધ્યાને લેવાશે પરંતુ આ પ્રકારે વિરોધ કરવાની પદ્ધતિ વાજબી નથી : હાઈકોર્ટ

અમદાવાદ, તા.૬
શહેરમાં બિસ્માર રસ્તાઓ, રખડતા ઢોરોના મામલે ગુજરાત હાઇકોર્ટમાં ચાલી રહેલા કેસની સુનાવણી દરમ્યાન આજે ફરી એકવાર જસ્ટિસ એમ.આર.શાહ અને જસ્ટિસ એ.વાય.કોગજેની ખંડપીઠે અમ્યુકો તંત્રની રખડતા ઢોરોની સમસ્યા યથાવત્‌ રહેવાના મુદ્દે ભારે નારાજગી વ્યકત કરી હતી. હાઇકોર્ટે શહેરમાં રખડતા ઢોરોની સમસ્યાના નિવારણ માટે સરકાર અને અમ્યુકો તંત્રને અસરકારક કાર્યવાહી કરવા અને રખડતા ઢોર પકડવા જતી અમ્યુકોની ટીમ પર હુમલો કરનારા તત્વો વિરૂધ્ધ કડક હાથે પગલા લેવાનો મહત્વનો નિર્દેશ કર્યો હતો. એટલું જ નહી, શહેરમાં ગેરકાયદે દબાણો, બાંધકામ અને પાર્કિંગ વિરૂધ્ધ ચાલી રહેલી ડિમોલિશન કોર્ટ ગલ્લાવાળા અને પાથરણાંવાળા પોતાની રજૂઆત કરવા હાઇકોર્ટમાં આવ્યા હતા. અમ્યુકો તંત્રની ડિમોલિશન ડ્રાઇવ અને ગેરકાયદે પાર્કિંગ વિરૂધ્ધની પોલીસની ઝુંબેશને લઇ તેઓની રોજીરોટી છીનવાઇ ગઇ છે અને હવે તેઓ ભારે મુશ્કેલીમાં મૂકાઇ ગયા છે ત્યારે તેઓને હાઇકોર્ટે યોગ્ય રાહત આપવી જોઇએ તેવી રજૂઆત કરવા માંગતા હતા પરંતુ તે પહેલા જ પોલીસને બાતમી મળી જતાં પોલીસે ૩૫થી વધુ લારી ગલ્લાવાળા અને પાથરણાવાળાઓને ઝડપી લઇ અટકમાં લીધા હતા. પોલીસના આકરા વલણને લઇ બીજા લારીગલ્લાવાળા અને પાથરણાવાળા ત્યાંથી ભાગી છૂટવામાં સફળ રહ્યા હતા. પોલીસે લારી ગલ્લાવાળા અને પાથરણાંવાળાની અટક કરતાં મામલો ગરમાયો હતો અને હાઇકોર્ટની સામે પકડાપકડીના દ્રશ્યો જોવા મળ્યા હતા. દરમ્યાન આ સમગ્ર મામલે હાઇકોર્ટને જાણ થતાં હાઇકોર્ટે આ પ્રકારના વર્તનની ગંભીર નોંધ લીધી હતી અને ટકોર કરી હતી કે, લારી ગલ્લાવાળા કે પાથરણાવાળાઓની જે કોઇ રજૂઆત હોય તે કેસની સુનાવણી દરમ્યાન યોગ્ય પધ્ધતિ મારફતે કરી શકે છે પરંતુ આ પ્રકારે વિરોધ કરવાની પધ્ધતિ કોઇપણ સંજોગોમાં વાજબી નથી, તેને સાંખી નહી લેવાય. પોલીસે તમામ લોકોની અટકાયત બાદ પાછળથી મુકત કરી દીધા હતા.