the best newspaper in Gujarat Nirmal Metro daily Gujarati newspaper, Gujarati news IPO analysis, IPO analysis in gujarati, IPO analysis by dilip davda in gujarati, Ahmedabad leading newspaper nirmal metro visit.www.nirmalmetro.com

સાઉદી એમ્બેસેડરના ઘરના બગીચામાંથી મળ્યા ખશોગીના શબના ટૂકડાં, આ પૂર્વનિયોજિત હત્યાઃ તુર્કી પ્રેસિડન્ટ

સાઉદી એમ્બેસેડરના ઘરના બગીચામાંથી મળ્યા ખશોગીના શબના ટૂકડાં, આ પૂર્વનિયોજિત હત્યાઃ તુર્કી પ્રેસિડન્ટ

 

2 ઓક્ટોબરના રોજ ઇસ્તાંબુલ સ્થિત સાઉદી એમ્બેસીમાં ગયા હતા ખશોગી, ત્યારબાદથી ગુમ હતા

– તુર્કીના પ્રેસિડન્ટ અર્દોગનનો દાવો – 28 સપ્ટેમ્બરના રોજ સાઉદી અરેબિયાના લોકોએ જ રચ્યું હતું હત્યાનું કાવતરું
– તપાસમાં સામે આવ્યું – સાઉદીથી 15 સભ્યોની ટીમ 2 ઓક્ટોબરના ઇસ્તાંબુલ આવી, હત્યા બાદ પરત ગઇ

અર્દોગને કહ્યું, અમારી પાસે હત્યાના પુરાવા

– તુર્કીના પ્રેસિડન્ટનું કહેવું છે કે, આ હત્યાને અંજામ આપવા માટે સાઉદીથી 15 સભ્યોની એક ટીમ 2 ઓક્ટોબરના રોજ જ ઇસ્તાંબુલ આવી હતી. એર્દોગને આ મામલાને રાજકીય હત્યા ગણાવી છે.
– આજે તુર્કીમાં સંસદને સંબોધિત કરતા એર્દોગને કહ્યું કે, તુર્કીની સિક્યોરિટી સર્વિસની પાસે તેના પર્યાપ્ત પુરાવા પણ છે.
– ખશોગી તુર્કીમાં રહેતી પોતાની ગર્લફ્રેન્ડ સાથે લગ્ન કરવા ઇચ્છતા હતા. આ માટે જરૂરી પેપર વર્ક કરવા માટે તેઓ 2 ઓક્ટોબરના રોજ ઇસ્તાંબુલ સ્થિત સાઉદી કોન્સ્યુલેટ ગયા હતા. ત્યારબાદ તેઓ ગુમ થઇ ગયા.
– 20 ઓક્ટોબરના રોજ સાઉદીની પૂછપરછ દરમિયાન ખશોગીની હત્યા થઇ હોવાની કબૂલાત કરી હતી.

અન્ય દેશોએ પણ તપાસમાં સામેલ થવું જોઇએ


– તુર્કીના ન્યૂઝપેપર હુર્રિયત ડેલી ન્યૂઝ અનુસાર, એર્દોગને કહ્યું કે, ખશોગી સાઉદીના ક્રાઉન પ્રિન્સ મોહમ્મદ બિન સલમાનની ટીકા કરતા હતા. આ કારણે તેઓની હત્યા થઇ.
– બીજાં દેશોએ પણ આ મામલાની તપાસમાં સામેલ થવું જોઇએ.
– તુર્કીના તપાસ અધિકારીઓએ જણાવ્યું કે, 28 સપ્ટેમ્બરના રોજ ખશોગી ઇસ્તાંબુલ પહોંચ્યા હતા અને સાઉદી કોન્સ્યુલેટ ગયા હતા. જ્યાં તેઓને 2 ઓક્ટોબરના રોજ આવવાનું કહ્યું હતું.
– પ્રેસિડન્ટ એર્દોગનનો દાવો છે કે, સાઉદીએ પત્રકારની હત્યાનું કાવતરું 28 સપ્ટેમ્બરના રોજ ઘડી લીધું હતું.
– તપાસ અધિકારીઓ અનુસાર, 1 ઓક્ટોબરના સાઉદીના ત્રણ નાગરિક ઇસ્તાંબુલ આવ્યા હતા. જ્યારે 2 ઓક્ટોબરના રોજ 15 લોકોનું અન્ય ગ્રુપ ઇસ્તાંબુલ આવ્યું અને સાઉદી કોન્સ્યુલેટ ગયું.
– તપાસમાં સામે આવ્યું છે કે, સાઉદીથી આવેલા નવા દળના કોન્સ્યુલેટમાં લાગેલા સિક્યોરિટી કેમરાની હાર્ડ ડિસ્ક કાઢી લેવામાં આવી હતી.
ફિયાન્સે રાત્રે 1 વાગ્યા સુધી રાહ જોઇ
– 2 ઓક્ટોબરના રોજ બપોરના સમયે ખશોગી કોન્સ્યુલેટમાં ગયા અને ફરીથી જોવા મળ્યા નહીં, જ્યારે તેમની ફિયાન્સે કોન્સ્યુલેટની બહાર જ રાત્રે 1 વાગ્યા સુધી રાહ જોતી રહી.
– જો કે, સાઉદી અરેબિયાના અધિકારીઓ પત્રકાર વિશે જાણકારી હોવા અંગે સતત ઇનકાર કરતા રહ્યા.
– એર્દોગને કહ્યું, મેં 14 ઓક્ટોબરના રોજ સાઉદી કિંગ સલમાનને તપાસ માટે સંયુક્ત ટીમ બનાવવાનું કહ્યું, જેથી અમારાં અધિકારીઓ એમ્બેસીની અંદર જઇ શકે.
– 17 દિવસ બાદ સાઉદી અરેબિયાએ કબૂલાત કરી કે કોન્સ્યુલેટમાં ખશોગીની હત્યા થઇ હતી.
– તુર્કીના પ્રેસિડન્ટ અનુસાર, અમે હત્યામાં સામેલ સાઉદીના 18 સભ્યોની ટીમ અંગે ખુલાસો કર્યો હતો. આ લોકોની સાઉદીમાં ધરપકડ કરી દેવામાં આવી છે. પુરાવાઓ પરથી જાણકારી મળી છે કે, ખશોગીને ક્રૂરતાથી મારી નાખવામાં આવ્યા.