the best newspaper in Gujarat Nirmal Metro daily Gujarati newspaper, Gujarati news IPO analysis, IPO analysis in gujarati, IPO analysis by dilip davda in gujarati, Ahmedabad leading newspaper nirmal metro visit.www.nirmalmetro.com

મકરપુરા GIDCમાં થયેલી ચોરી CCTVમાં કેદ, પોલીસે ગણતરીના કલાકોમાં 2 આરોપીને ઝડપી પાડ્યા

  • બંને તસ્કરો પતરૂં કાપીને કંપનીમાં ઘૂસ્યા હતા

  • સીસીટીવી મદદથી પોલીસે ચોરીને ભેદ ઉકેલ્યો

વડોદરાઃ વડોદરા શહેરની મકરપુરા જીઆઇસીડી સ્થિત એબીબી કંપનીમાં રાત્રીના સમયે બે તસ્કરો ત્રાટક્યા હતા. અને આ તસ્કરો 26 હજારથી વધુના પાર્ટસની ચોરી કરીને ફરાર થઇ ગયા હતા. પોલીસે સીસીટીવીની મદદથી ગણતરીના કલાકોમાં જ બે તસ્કરોને ઝડપી પાડ્યા છે.

કંપનીમાંથી એલ્યુમિનિયમના પાર્ટસ ચોરી કર્યાં
મકરપુરા સ્થિત એબીબી કંપનીમાં ત્રાટકેલા તસ્કરોએ શેડનું પતરૂ કાપી નાખ્યું હતું. ત્યારબાદ એક શખ્સ કંપનીની અંદર દાખલ થયો હતો, જ્યારે બીજો શખ્સ કંપનીની બહાર જ ઉભો રહ્યો હતો. કંપનીની અંદર ચોરી કરવા માટે ઘૂસેલો શખ્સ સતત ફોન પર વાત કરતો હતો. અને બહાર ઉભેલા શખ્સને કંપનીમાંથી એલ્યુમિનિયમના પાર્ટસ આપી દીધા હતા. અને બન્ને તસ્કર 26 હજારથી વધુના પાર્ટસની ચોરી કરી ફરાર થઇ ગયા હતા.

પોલીસે સીસીટીવીની મદદથી આરોપીઓને ઝડપી પાડ્યા
એબીબી કંપનીના સત્તાધિશોએ ચોરીના મામલે માંજલપુર પોલીસ સ્ટેશન ખાતે ફરિયાદ નોંધી હતી. કંપનીમાં લાગેલા સીસીટીવી કેમેરામાં સમગ્ર ઘટના કેદ થઇ હતી. જેથી પોલીસે સીસીટીવીની મદદથી ચોરી કરતા કેદ થયેલા કમલેશ કાશીનાથ બલગુજર અને દિપક ઉર્ફે કાંગો રમણભાઇ ઠાકોરની ધરપકડ કરી લીધી હતી. પોલીસે બન્ને તસ્કરો પાસેથી ચોરી થયેલો મુદ્દામાલ કબજે કર્યો હતો અને બન્ને સામે કાર્યવાહી હાથ ધરી હતી.