the best newspaper in Gujarat Nirmal Metro daily Gujarati newspaper, Gujarati news IPO analysis, IPO analysis in gujarati, IPO analysis by dilip davda in gujarati, Ahmedabad leading newspaper nirmal metro visit.www.nirmalmetro.com

ભારતમાં વધુ સ્પષ્ટ દેખાઈ રહી છે વૈશ્વિક મંદીની અસરઃ IMF પ્રમુખ ક્રિસ્ટાલિના જિયોરજીવા

  • વર્ષ 2019-20 દરમિયાન વૃદ્ધિ દર આ દશકાની શરૂઆતથી અત્યાર સુધીના નિમ્નસ્તરે પહોંચવાની શકયતા

  • વિશ્વનો 90 ટકા હિસ્સો ઓછી વૃદ્ધિનો સામનો કરશેઃ ક્રિસ્ટાલિના

  • અમેરિકા અનેે જર્મનીમાં બેરોજગારીમાં એતિહાસિક ઘટાડો થયો છે

વોશિંગ્ટનઃ આતંરરાષ્ટ્રીય મુદ્રા કોષ(ઈન્ટરનેશનલ મોનિટરી ફન્ડ)ના નવા મેનેજિંગ ડાયરેક્ટર ક્રિસ્ટાલિના જિયોરજીવાનું કહેવું છે કે હાલ સમગ્ર વિશ્વની ઈકોનોમિ મંદીનો સામનો કરી રહી છે, પરંતુ ભારત જેવા સૌથી મોટા ઉભરતા બજારની ઈકોનોમિમાં આ વર્ષે તેની અસર સ્પષ્ટ દેખાઈ રહી છે.

ક્રિસ્ટાલિના જિયોરજીવાએ મંગળવારે સંકેત આપ્યા કે ચારે બાજુ ફેલાયેલી મંદીનો અર્થ છે કે વર્ષ 2019-20 દરમિયાન વૃદ્ધિ દર આ દશકની શરૂઆતથી અત્યાર સુધીના નિમ્નતમ સ્તરે પહોંચી જશે. ક્રિસ્ટાલિના જણાવ્યા પ્રમાણે, વિશ્વનો 90 ટકા હિસ્સો ઓછી વૃદ્ધિનો સામનો કરશે.

આઈએમએફના એમડીના રૂપમાં પ્રથમ ભાષણમાં ક્રિસ્ટાલિના જિયોરજીવાએ કહ્યું કે બે વર્ષ પહેલા, વૈશ્વિક ઈકોનોમિ સમકાલિક રૂપથી ઉંચાઈ તરફ જઈ રહી હતી, અને વિશ્વનો લગભગ 75 ટકા હિસ્સો વધી રહ્યો હતો. હવે વૈશ્વિક અર્થવ્યવસ્થા મંદીમાં છે. વર્ષ 2019માં મને લાગે છે કે વિશ્વના લગભગ 90 ટકા ભાગમાં વૃદ્ધિ ઘટશે.

તેમણે કહ્યું અમેરિકા અનેે જર્મનીમાં બેરોજગારીમાં એતિહાસિક ઘટાડો છે. તેમ છતાં પણ અમેરિકા, જાપાન અને વિશેષ રૂપથી યુરો ક્ષેત્રની વિકસિત અર્થવ્યવસ્થાઓમાં આર્થિક ગતિવિધિઓમાં નરમાઈ જોવા મળી છે. જોકે ભારત અને બ્રાઝીલ જેવા કેટલાક ઉભરતા બજારની અર્થવ્યવસ્થાઓમાં આ વર્ષે મંદીની વધુ સ્પષ્ટ જોવા મળી રહી છે.

આઈએમએફના એમડીએ કહ્યું કે વૈશ્વિક વેપારની વૃદ્ધિ લગભગ અટકી ગઈ છે. આઈએમએફએ ઘરેલું માંગ વધાવાની શકયતાઓના કારણે ભારતની આર્થિક વૃદ્ધિનું અનુમાન નાણાકીય વર્ષ 2019-20 માટે 0.3 ટકા ઘટાડી તેને 7 ટકા કર્યું છે.

આ મહિને ક્રિસ્ટીન લાગાર્ડેના સ્થાન પર આઈએમએફનું ટોપ પદ સંભાળનાર ક્રિસ્ટાલિના જિયોરજીવાએ કહ્યું કે મુદ્રાઓ એક વાર ફરી મહત્વની થઈ ગઈ છે અને વિવાદ ઘણા દેશો તથા અન્ય મુદ્દાઓ સુધી ફેલાયો છે.