સિસિલિયન પ્રીમિયર લીગ સાથે પંદર દિવસ સુધી રોમાંચક ક્રિકેટિંગ એક્શન જોવા મળશે
અમદાવાદ, ગુજરાત | ૧૪મી માર્ચ ૨૦૨૬ — બિઝનેસ નેટવર્ક ઇન્ટરનેશનલ (BNI) ના મેમ્બર્સ માટે એક રોમાંચક ક્રિકેટ ટુર્નામેન્ટ, સિસિલિયન પ્રીમિયર લીગ (SPL) ની ચોથી એડિશન 13 થી 28 માર્ચ દરમિયાન યોજાનારી મેચો સાથે શરૂ થઈ ગઈ છે.
BNI કોમ્યુનિટીમાં સૌથી વધુ અપેક્ષિત રમતોના કાર્યક્રમોમાંથી એક ગણાતી સિસિલિયન પ્રીમિયર લીગ હવે માત્ર ક્રિકેટ ટૂર્નામેન્ટ પૂરતી સીમિત નથી રહી, પરંતુ રમત દ્વારા ઉદ્યોગસાહસિકો અને વ્યવસાયિક નેતાઓને એકત્ર લાવતું એક મહત્વપૂર્ણ પ્લેટફોર્મ બની ગયું છે.
વર્ષોથી આ લીગ એક વાઈબ્રન્ટ સ્પોર્ટીંગ કલ્ચર તરીકે વિકસતી ગઈ છે, જે BNI દ્વારા તેના મેમ્બર્સ વચ્ચે અર્થપૂર્ણ સંબંધો અને લાંબા ગાળાના જોડાણો સ્થાપિત કરવાની ભાવનાને પ્રતિબિંબિત કરે છે. આ કાર્યક્રમ ક્રિકેટની સ્પર્ધાત્મક ભાવનાને વ્યવસાયિક સમુદાયની સહકારની સંસ્કૃતિ સાથે જોડે છે, જેના કારણે સભ્યોને વ્યાવસાયિક માહોલની બહાર પણ પરસ્પર જોડાવાનો અવસર મળે છે.
એસપીએલ અમારી કોમ્યુનિટી માટે માત્ર એક ક્રિકેટ ટૂર્નામેન્ટ જ નહીં, પણ તે સહકાર, નેતૃત્વ અને મિત્રતાની તે ભાવનાનું પ્રતિનિધિત્વ કરે છે જે BNI ને વ્યાખ્યાયિત કરે છે. આ પ્લેટફોર્મ દ્વારા અમારા મેમ્બર્સ માત્ર સ્પર્ધા કરવા માટે જ નહીં, પરંતુ પરસ્પર સંબંધોને મજબૂત કરવા અને અમારા ઉદ્યોગસાહસિક કોમ્યુનિટીની એનર્જીનો ઉત્સવ મનાવવા માટે પણ એકત્ર થાય છે,” તેમણે જણાવ્યું.
આ વર્ષની એડિશન BCCI દ્વારા મંજૂર સ્થળે યોજાઈ રહી છે, જ્યાં પ્રીમિયમ ગ્રાઉન્ડ કન્ડિશન્સ, ત્રણ ક્વોલિટીવાળી પિચ, સારી લાઇટિંગ અને ભાગ લેનાર ખેલાડીઓ માટે હાઈ-ક્વોલિટી રમતોનો અનુભવ સુનિશ્ચિત કરવા માટે રચાયેલ આધુનિક સુવિધાઓ ઉપલબ્ધ છે.
ટીમ ઓનર્સનું નેતૃત્વ અને ઉત્સાહ, જે આગળ આવી પોતાની ટીમો બનાવે છે અને તેમને માર્ગદર્શન આપે છે, ટૂર્નામેન્ટની ભાવનાને આકાર આપવા તેમજ BNI અંદરના સંબંધોને વધુ મજબૂત બનાવવા માટે મહત્વપૂર્ણ ભૂમિકા ભજવે છે.
આ લીગ BNI અમદાવાદના ચેપ્ટર્સમાંથી સો જેટલા ઉદ્યોગસાહસિકોને એકસાથે લાવશે તેવી અપેક્ષા છે, જે ક્રિકેટની રોમાંચક સીઝન, મજબૂત ટીમ સ્પિરિટ અને મેદાન પર અને મેદાનની બહાર યાદગાર ક્ષણો સર્જવાનું વચન આપે છે.
BNI અમદાવાદ, વિશ્વની લીડીંગ બિઝનેસ રિફરલ સંસ્થા BNI નો એક ભાગ છે, જેના 79 દેશોમાં ત્રણ લાખથી વધુ મેમ્બર્સ છે. અમદાવાદમાં BNI ના 60 ચેપ્ટર્સમાં 3,000થી વધુ મેમ્બર્સ જોડાયેલા છે, જે તેને ભારતમાં સૌથી મોટું રિજન બનાવે છે. રેગ્યુલર ચેપ્ટર મીટિંગ્સ ઉપરાંત અર્થપૂર્ણ કનેક્શન અને નેટવર્કિંગની તકોને પ્રોત્સાહન આપી BNI અમદાવાદ પોતાની સક્રિય કોમ્યુનિટીને સતત વધુ મજબૂત બનાવી રહ્યું છે.
