૧૫ હજારના પાસ છતાં પાણીના પણ ફાફાં
ખેલૈયાઓના હોબાળા બાદ આયોજકો સ્થળ પરથી ફરાર થઈ ગયાનો પણ દાવો કરવામાં આવી રહ્યો છે
(સંપૂર્ણ સમાચાર સેવા)
અમદાવાદ| ૧૭મી ઓક્ટોબર ૨૦૨૬ | અમદાવાદમાં સફેદ પરિંદેના આયોજકો ફરી વિવાદમાં આવ્યા છે. રોજના પ્રતિ વ્યક્તિ રૂ.૧૫ હજાર સુધીના પાસ વેચીને ફફૈંઁ ટ્રીટમેન્ટ આપવાના દાવા કરનારા આયોજકો સામે ખેલૈયાઓમાં ભારે આક્રોશ જોવા મળી રહ્યો છે. પાસ ખરીદનારા કેટલાક ખેલૈયાઓએ નાસ્તા-પાણીની વ્યવસ્થા ન હોવા, પાર્કિંગ માટે બે કિલોમીટર દૂર ચાલવું પડતું હોવા અને આયોજનમાં જરૂરી સુવિધાઓનો અભાવ હોવાના આક્ષેપ કર્યા છે. ખેલૈયાઓના હોબાળા બાદ આયોજકો સ્થળ પરથી ફરાર થઈ ગયાનો પણ દાવો કરવામાં આવી રહ્યો છે. જોકે, આ તમામ આક્ષેપોની સ્વતંત્ર પુષ્ટિ થવી જરૂરી છે. અમદાવાદમાં સફેદ પરિંદેના આયોજનને લઈને ફરી વિવાદ ઊભો થયો છે. ઊંચી કિંમતના પાસ વેચીને ખેલૈયાઓને ફફૈંઁ સુવિધાઓ આપવાનો દાવો કરનારા આયોજકો સામે હવે સવાલો ઊઠી રહ્યા છે. પાસ માટે હજારો રૂપિયા ચૂકવવા છતાં અપેક્ષા મુજબની સુવિધાઓ ન મળ્યાનો આક્ષેપ ખેલૈયાઓ દ્વારા કરવામાં આવ્યો છે. આયોજનમાં પ્રવેશ માટે રોજના પ્રતિ વ્યક્તિ રૂ.૧૫ હજાર સુધીની કિંમતના પાસ વેચવામાં આવ્યા હોવાના દાવા વચ્ચે સુવિધાઓના અભાવને લઈને નારાજગી જોવા મળી રહી છે. ખેલૈયાઓના આક્ષેપ મુજબ, પાસ ખરીદતી વખતે જે સુવિધાઓ આપવાનું કહેવામાં આવ્યું હતું, તે સ્થળ પર ઉપલબ્ધ ન હતી.
સફેદ પરિંદેના આયોજનમાં નાસ્તા અને પાણી સહિતની સુવિધાઓ આપવાના દાવા કરવામાં આવ્યા હોવા છતાં ખેલૈયાઓને આ સુવિધાઓ મળી ન હોવાનો આરોપ છે. કેટલાક ખેલૈયાઓના જણાવ્યા અનુસાર, તેમણે પાસ માટે મોટી રકમ ચૂકવી હતી, પરંતુ પીવાના પાણી જેવી પાયાની સુવિધા માટે પણ મુશ્કેલીનો સામનો કરવો પડ્યો હતો.
આ ઉપરાંત, પાર્કિંગની વ્યવસ્થાને લઈને પણ સવાલો ઊઠ્યા છે. ખેલૈયાઓના દાવા મુજબ, વાહનો પાર્ક કર્યા બાદ કાર્યક્રમના સ્થળ સુધી પહોંચવા માટે આશરે બે કિલોમીટર ચાલીને જવું પડ્યું હતું. ઊંચી કિંમતના પાસ અને ફફૈંઁ ટ્રીટમેન્ટના દાવા વચ્ચે આવી અસુવિધાઓને લઈને આયોજકો સામે નારાજગી વધી છે.
આયોજન દરમિયાન સુવિધાઓના અભાવને લઈને ખેલૈયાઓએ હોબાળો કર્યો હોવાનો દાવો કરવામાં આવી રહ્યો છે. ખેલૈયાઓના આક્ષેપ મુજબ, લોકોની નારાજગી વધ્યા બાદ આયોજકો સ્થળ પરથી જતા રહ્યા હતા. જોકે, આયોજકો ખરેખર સ્થળ પરથી ફરાર થયા હતા કે નહીં, તેની સ્વતંત્ર પુષ્ટિ ઉપલબ્ધ નથી. બીજી તરફ, કેટલાક લોકોને ફ્રી પાસ આપીને વિરોધના અવાજને દબાવવાનો પ્રયાસ કરવામાં આવતો હોવાના પણ આક્ષેપો થયા છે. આ ગંભીર આક્ષેપોની સત્યતા અંગે સ્વતંત્ર તપાસ અને સંબંધિત પક્ષોનો ખુલાસો જરૂરી છે.
સફેદ પરિંદેના આયોજનમાં પાસની ઊંચી કિંમત, સુવિધાઓના અભાવ અને ખેલૈયાઓની નારાજગીને લઈને હવે પ્રશાસનની ભૂમિકા અંગે પણ સવાલો ઊઠી રહ્યા છે. જો પાસ વેચતી વખતે દર્શાવેલી સુવિધાઓ આપવામાં આવી ન હોય, તો આયોજકોની જવાબદારી નક્કી કરવાની માગ ઊઠી શકે છે. હાલમાં ખેલૈયાઓ દ્વારા કરવામાં આવેલા આક્ષેપો અંગે આયોજકોનો સત્તાવાર પક્ષની પ્રતિક્રિયા સામે આવે તે જરૂરી છે. ઊંચી કિંમતના પાસ ખરીદનારા લોકોને વચન મુજબની સુવિધાઓ મળી હતી કે નહીં, તે તપાસ બાદ જ સ્પષ્ટ થશે. આ મામલે હજુ સુધી આયોજક દ્રારા સત્તાવાર કરોઇ નિવેદન નથી આવ્યું
