પશ્ચિમ બંગાળના રાજકારણમાં મોટી નવાજૂની
સીવી આનંદ બોસે ૧૭ નવેમ્બર ૨૦૨૨ના રોજ પશ્ચિમ બંગાળના રાજ્યપાલ તરીકે કાર્યભાર સંભાળ્યો હતો
(સંપૂર્ણ સમાચાર સેવા)
નવી દિલ્હી, તા.૫ માર્ચ ૨૦૨૬ — પશ્ચિમ બંગાળમાં ટૂંક સમયમાં વિધાનસભા ચૂંટણી યોજાવાની છે. જોકે ચૂંટણી યોજાય તે પહેલા જ અહીંના રાજકારણમાં એક મોટો ઘટનાક્રમ સામે આવ્યો છે.
અહીંના રાજ્યપાલ સીવી આનંદ બોસે અચાનક પોતાના પદ પરથી રાજીનામું આપી દીધું છે. તેમના આ નિર્ણયને લઈને પશ્ચિમ બંગાળના રાજકારણમાં ગરમાવો જોવા મળી રહ્યો છે. કારણ કે બરાબર ચૂંટણી પહેલા જ રાજ્યપાલ દ્વારા પોતાનું પદ છોડી દેવામાં આવ્યું, જેથી આ ઘટનાક્રમને મહત્ત્વનો માનવામાં આવી રહ્યો છે.
સીવી આનંદ બોસે ૧૭ નવેમ્બર ૨૦૨૨ના રોજ પશ્ચિમ બંગાળના રાજ્યપાલ તરીકે કાર્યભાર સંભાળ્યો હતો. તેમણે ૫ માર્ચે સાંજે ૫ વાગ્યાની આસપાસ રાજીનામું આપ્યું હોવાની માહિતી સામે આવી છે. હાલ તેઓ દિલ્હીમાં છે અને તેમણે રાજીનામું કેમ આપ્યું છે તેને લઈને હજુ કોઈ સત્તાવાર કારણ સામે નથી આવી શક્યું.
