ભારતીય એરલાઇન્સને સૌથી વધુ નુકસાન
દુબઈએ ૩૧ મે સુધી તેના એરપોર્ટ પર વિદેશી એરલાઇન્સ કામગીરીને દરરોજ માત્ર એક ફ્લાઇટ સુધી મર્યાદિત કરી છે
(સંપૂર્ણ સમાચાર સેવા)
દુબઈ, તા.૧૦ એપ્રિલ ૨૦૨૬ — અમેરિકા-ઈરાન યુદ્ધને કારણે દુબઈએ ૩૧ મે સુધી તેના એરપોર્ટ પર વિદેશી એરલાઇન્સ કામગીરીને દરરોજ માત્ર એક ફ્લાઇટ સુધી મર્યાદિત કરી છે. આ નિર્ણયથી ભારતીય એરલાઇન્સને સૌથી વધુ નુકસાન થવાની ધારણા છે. એજન્સી દ્વારા મળતા અહેવાલ મુજબ, આ પ્રતિબંધથી ભારતીય એરલાઇન્સમાં આવકના નુકસાન અંગે ચિંતા વધી છે. આ એરલાઇન્સે શરૂઆતમાં અન્ય કોઈપણ દેશ કરતાં દુબઈ માટે વધુ ફ્લાઇટ્સનું આયોજન કર્યું હતું.
આ એવા સમયે થયો છે જ્યારે ભારતીય એરલાઇન્સ પહેલાથી જ ઊંચા ઇંધણના ભાવને કારણે નાણાકીય દબાણનો સામનો કરી રહી છે. મીડિયા અહેવાલો અનુસાર, ભારતમાં એવિએશન ટર્બાઇન ફ્યુઅલ (ATF)) ના ભાવ લગભગ બમણા થઈ ગયા છે, જે દિલ્હીમાં પ્રતિ કિલોલિટર રૂ.૨.૦૭ લાખથી વધુ પહોંચી ગયા છે. વધુમાં, ભારતીય એરલાઇન્સ પશ્ચિમી દેશોમાં લાંબા રૂટ પર ઉડાન ભરવાની ફરજ પડી છે કારણ કે ગયા વર્ષે બંને દેશો વચ્ચે લશ્કરી તણાવ બાદ તેમને પાકિસ્તાની હવાઈ ક્ષેત્રનો ઉપયોગ કરવાની મનાઈ ફરમાવવામાં આવી છે. એજન્સીએ અહેવાલ આપ્યો છે કે આનાથી તેમના ખર્ચના દબાણમાં વધુ વધારો થયો છે.
ઈન્ડિગો, એર ઇન્ડિયા અને સ્પાઇસજેટ જેવી મોટી એરલાઇન્સનું પ્રતિનિધિત્વ કરતી ફેડરેશન ઓફ ઇન્ડિયન એરલાઇન્સ (ATF) એ ૩૧ માર્ચે મોકલેલા પત્રમાં ભારત સરકારને આ પ્રતિબંધો હટાવવા માટે દુબઈના અધિકારીઓ સાથે વાટાઘાટો કરવા વિનંતી કરી છે. જો આ પ્રયાસ નિષ્ફળ જાય, તો ATF એ સરકારને દુબઈ એરલાઇન્સ – જેમાં એમિરેટ્સ અને ફ્લાયદુબઈનો સમાવેશ થાય છે – સામે બદલો લેવાનો વિચાર કરવા પણ કહ્યું છે.
૨૭ માર્ચના રોજ એક ખાનગી ઇ-મેઇલમાં, દુબઈ એરપોર્ટ્સે એરલાઇન્સને જાણ કરી હતી કે ઉનાળાની ઋતુ દરમિયાન, ૨૦ એપ્રિલથી ૩૧ મે વચ્ચે, તેમને દુબઈ ઇન્ટરનેશનલ એરપોર્ટ (DXB) – સામાન્ય રીતે વિશ્વના સૌથી વ્યસ્ત આંતરરાષ્ટ્રીય ટ્રાવેલ હબ – અને નાના અલ મક્તૂમ ઇન્ટરનેશનલ એરપોર્ટ (DWC) વચ્ચે દરરોજ ફક્ત એક રાઉન્ડ-ટ્રીપ ફ્લાઇટ ચલાવવાની મંજૂરી આપવામાં આવશે.
FIA એ ભારત સરકારને જાણ કરી હતી કે આ પ્રતિબંધો દુબઈની પોતાની એરલાઇન્સ – જેમ કે એમિરેટ્સ અને ફ્લાયદુબઈ પર લાગુ કરવામાં આવી રહ્યા નથી. FIA કહે છે કે આ પગલાથી ભારતીય એરલાઇન્સ પર અપ્રમાણસર અસર પડશે અને “નોંધપાત્ર” આવક નુકસાન થઈ શકે છે.
૨૦૨૫માં, ભારત દુબઈ ઇન્ટરનેશનલ એરપોર્ટ (DXB) માટે મુસાફરોનો સૌથી મોટો સ્ત્રોત હતો, જે ૧૧.૯ મિલિયન મુસાફરોનું સંચાલન કરતા હતા. સિરિયમના એપ્રિલ અને મે મહિનાના શેડ્યૂલ ડેટા અનુસાર, દુબઈ દ્વારા લાદવામાં આવેલા નવા પ્રતિબંધોની ભારતીય એરલાઇન્સ પર નોંધપાત્ર અસર પડશે.
એર ઇન્ડિયા અને તેની બજેટ એરલાઇન, એર ઇન્ડિયા એક્સપ્રેસ, એ આ સમયગાળા દરમિયાન DXB માટે ૭૫૦ થી વધુ ફ્લાઇટ્સ શેડ્યૂલ કરી છે. ઇન્ડિગો પાસે ૪૮૧ ફ્લાઇટ્સ છે, ત્યારબાદ સાઉદિયા અને ગલ્ફ એર છે, જેમણે અનુક્રમે ૪૮૦ અને ૪૦૪ ફ્લાઇટ્સનું આયોજન કર્યું છે. રોઇટર્સ અનુસાર, ભારતની સ્પાઇસજેટે ૬૧ ફ્લાઇટ્સનું આયોજન કર્યું હતું.
