અમદાવાદ, ગુજરાત | ૨૦મી જૂન ૨૦૨૬ | યુથ એમ્બેસેડર વિદિત શર્માએ ગુજરાત નર્સિંગ કાઉન્સિલના પ્રમુખ ડૉ. એમ. એમ. પ્રભાકર તથા અગ્રણી તબીબી મહાનુભાવોની ઉપસ્થિતિમાં નર્સિંગ વિદ્યાર્થીઓના શપથવિધિ સમારોહને સંબોધિત કર્યો; કોલેજ અને યુનિવર્સિટીઓની 38મી મુલાકાત પૂર્ણ
ગુજરાતમાં ચાલી રહેલા યુવા જાગૃતિ અભિયાનના એક મહત્વપૂર્ણ માઈલસ્ટોન તરીકે યુથ એમ્બેસેડર વિદિત શર્માએ તેમની 38મી કોલેજ અને યુનિવર્સિટી મુલાકાત દરમિયાન એસ. એમ. શાહ નર્સિંગ કોલેજ ખાતે આયોજિત “ઓથ ટેકિંગ સેરેમની એન્ડ યુથ અવેરનેસ પ્રોગ્રામ”માં મુખ્ય અતિથિ તરીકે હાજરી આપી હતી.
કાર્યક્રમમાં ગુજરાત નર્સિંગ કાઉન્સિલના માનનીય પ્રમુખ ડૉ. એમ. એમ. પ્રભાકર, ડૉ. પુરવેશ શાહ, ડૉ. એ. ટી. લૌવા, ડૉ. એમ. એમ. વેગડ, ડૉ. એસ. ટી. મલ્હાન, ડૉ. ચૈત્રી શાહ અને શ્રીમતી કૃપા પટેલ સહિતના મહાનુભાવો ઉપસ્થિત રહ્યા હતા.
કાર્યક્રમની શરૂઆત દીપ પ્રાગટ્ય, પ્રાર્થના અને શપથવિધિ સાથે કરવામાં આવી હતી. વિદ્યાર્થીઓએ દર્દી સેવા, નૈતિકતા અને માનવતાના મૂલ્યો જાળવવાનો સંકલ્પ લીધો હતો.
વિદિત શર્માએ વિદ્યાર્થીઓને સંબોધિત કરતાં માનસિક સ્વાસ્થ્ય, યુવા સશક્તિકરણ અને “નો ટુ ડ્રગ્સ, નો ટુ સુસાઇડ” અભિયાન અંગે માર્ગદર્શન આપ્યું. તેમણે જણાવ્યું કે આ અભિયાન દ્વારા ગુજરાતની 38 કોલેજો અને યુનિવર્સિટીઓ સુધી પહોંચી લાખો વિદ્યાર્થીઓને પ્રેરણા આપવામાં આવી છે.
કાર્યક્રમમાં ઉપસ્થિત મહાનુભાવોએ વિદ્યાર્થીઓને નૈતિકતા, કરુણા અને સેવા ભાવનાથી સમાજની સેવા કરવા માટે પ્રોત્સાહિત કર્યા.
અંતમાં ઇનામ વિતરણ, આભારવિધિ અને રાષ્ટ્રગાન સાથે કાર્યક્રમનું સમાપન કરવામાં આવ્યું.
== સમાપ્ત ==
