એપ્રિલમાં ફરી એકવાર માવઠાનું સંકટ
પૂર્વ ગુજરાત, મધ્ય ગુજરાત, ઉત્તર ગુજરાતમાં આ રાઉન્ડમાં વરસાદની શક્યતા નહિવત છે
(સંપૂર્ણ સમાચાર સેવા)
અમદાવાદ, તા.૧૨ એપ્રિલ ૨૦૨૬ — ગુજરાતમાં ફરી એકવાર વાતાવરણમાં પલટો આવી શકે છે. હવામાન વિભાગે ૧૯ એપ્રિલથી વાતાવરણમાં પલટાના સંકેત આપ્યાં છે. હાલ ગુજરાતમાં કાળઝાળ ગરમી પડી રહી છે.મોટા ભાગના વિસ્તારમાં તાપમાન ૪૦ ડિગ્રીને પાર પહોંચ્યું છે.
જો કે આ આકરા ઉનાળા વચ્ચે ફરી એકવાર માવઠાના રાઉન્ડ શરૂ થશે, ૧૯ એપ્રિલથી ૨૧ એપ્રિલ સુધીમાં કમોસમી વરસાદનું અનુમાન છે. હવામાન વિભાગની મોડલ મુજબ ફરી એકવાર ગુજરાતમાં વરસાદ લાવતી સિસ્ટમ એક્ટિવ થતાં સૌરાષ્ટ્ર અને દક્ષિણ ગુજરાતમાં કમોસમમી વરસાદ વરસી શકે છે.
આ વરસાદ ભારે પવન અને ગાજવીજ સાથે વરશે તેવી શરૂઆત. આ વખતના માવઠાના રાઉન્ડમાં ગુજરાતના બે ઝોનને કમોસમવી વરસાદ ઘમરોળશે, જેમાં સૌરાષ્ટ્ર અને દક્ષિણ ગુજરાતનો સમાવેશ થાય છે. વાતાવરણમાં પલટાની શરૂઆત દક્ષિણ ગુજરાતથી થશે અને સૌરાષ્ટ્રના દરિયાકાંઠાના જિલ્લામાં તેની સૌથી વધુ અસર વર્તાશે. પૂર્વ ગુજરાત, મધ્ય ગુજરાત, ઉત્તર ગુજરાતમાં આ રાઉન્ડમાં વરસાદની શક્યતા નહિવત છે. ગુજરાત સહિત મધ્ય મહારાષ્ટ્ર મુંબઇ, કોંકણમાં કમોસમી વરસાદનું અનુમાન છે.
એપ્રિલ મહિનાની ગરમી હવે દેશભરમાં શરૂ થઈ રહી છે, અને આજે, રવિવારથી, હવામાન સ્પષ્ટપણે બદલાઈ રહ્યું છે. ઉત્તર ભારતના મેદાની વિસ્તારો, ખાસ કરીને દિલ્હી-એનસીઆર, પંજાબ, હરિયાણા અને રાજસ્થાનમાં સૂર્ય તપાવવાની તૈયારીમાં છે, જ્યાં તાપમાન ઝડપથી ૪૦ ડિગ્રી સેલ્સિયસની નજીક પહોંચી રહ્યું છે. દરમિયાન, ગુજરાત અને દરિયાકાંઠાના શહેર મુંબઈ જેવા પશ્ચિમી ભાગોમાં ગરમી અને ભેજ લોકોની અગવડતામાં વધારો કરશે.
બીજી તરફ, પર્વતીય રાજ્યોમાં હવામાનમાં થોડી રાહત મળવાની ધારણા છે. ઉત્તરાખંડમાં વાદળો, હળવો વરસાદ અને ઠંડા પવનો ગરમીમાં થોડી રાહત આપશે. દરમિયાન, દક્ષિણ ભારતમાં ચોમાસા પહેલાની પ્રવૃત્તિઓ શરૂ થઈ ગઈ છે, જે કેરળ અને કર્ણાટકના ઘણા ભાગોમાં સુખદ હવામાન લાવી શકે છે.
દિલ્હી-એનસીઆરમાં આજે હવામાન સ્વચ્છ રહેશે, પરંતુ બપોર દરમિયાન હિટવેવની સ્થિતિ સર્જાઇ શકે છે. મહત્તમ તાપમાન ૩૮-૪૦ઝ્ર અને લઘુત્તમ તાપમાન ૨૨-૨૪ઝ્ર વચ્ચે રહેવાની ધારણા છે. પવનની ગતિ ૧૫-૨૦ કિમી/કલાક રહેવાની ધારણા છે, જેમાં ધૂળના તોફાનની થોડી શક્યતા છે. હવાની ગુણવત્તા મધ્યમથી નબળી શ્રેણીમાં રહેવાની ધારણા છે.
પંજાબ અને હરિયાણામાં આકરો તાપ અને લૂની સ્થિતિ રહેશે. મહત્તમ તાપમાન ૩૭-૪૧ઝ્ર સુધી પહોંચી શકે છે, ખાસ કરીને બપોરે હિટવેવની સ્થિતિ અનુભવાઇ શકે છે. જોકે સાંજે હળવા વાદળો થોડી રાહત આપી શકે છે, વરસાદની શક્યતા ઓછી છે.
