- ભારતીય નૌસેનાના યુદ્ધજહાજમાં વપરાયેલા 100% વિશિષ્ટ સ્ટીલનું ઉત્પાદન એએમ/એનએસ ઇન્ડિયાના હજીરા સ્થિત પ્લાન્ટ ખાતે કરવામાં આવ્યું છે
- હજીરા પ્લાન્ટની ઉત્પાદન ક્ષમતાઓ ભારતને સંરક્ષણ ક્ષેત્રે આત્મનિર્ભર બનાવવાના પ્રયાસોને વધુ મજબૂત બનાવી રહી છે.
- આ નવી સિદ્ધિ સાથે સુરતે દેશની વધુ એક ઐતિહાસિક ઉપલબ્ધિ અપાવી
સુરત, ગુજરાત | ૦૫ ઓગસ્ટ ૨૦૨૬ | ભારતીય નૌસેનાનું સ્વદેશી ટેક્નોલોજીથી નિર્માણ પામેલું અદ્યતન એન્ટિ-સબમરીન વૉરફેર શેલો વૉટરક્રાફ્ટ (એએસડબ્લ્યુ-એસડબ્લ્યુસી) આઇએનએસ માલવન એએમ/એનએસ ઇન્ડિયાના હજીરા સ્થિત પ્લાન્ટમાંથી સપ્લાય કરવામાં આવેલા 100% વિશિષ્ટ સ્ટીલનો ઉપયોગ કરીને તૈયાર કરવામાં આવ્યું છે. આ સિદ્ધિ સુરત માટે ગૌરવની ક્ષણ બની છે અને ભારતની વ્યૂહાત્મક તથા સંરક્ષણ ક્ષમતાઓને મજબૂત બનાવવામાં શહેરના મહત્વપૂર્ણ યોગદાનને ઉજાગર કરે છે.
22 જુલાઈ, 2026ના રોજ કર્ણાટકના કારવાર ખાતે ભારતીય નૌસેનામાં સામેલ કરવામાં આવેલું આ યુદ્ધજહાજ હજીરા ખાતે વિકસાવવામાં આવેલી અદ્યતન ઉત્પાદન ક્ષમતાઓને પ્રતિબિંબિત કરે છે. આ સિદ્ધિ દર્શાવે છે કે, સુરતમાં ઉત્પાદિત સ્ટીલ ભારતની વિકસી રહેલી સંરક્ષણ ઉત્પાદન ઇકોસિસ્ટમ અને સમુદ્રી સુરક્ષા ક્ષેત્રેની મહત્વકાંક્ષાઓને મજબૂત બનાવવામાં મહત્વપૂર્ણ યોગદાન આપી રહ્યું છે.
આ સિદ્ધિ સાથે સુરતે દેશની વધુ એક ઐતિહાસિક ઉપલબ્ધિ અપાવી છે, જેમાં હજીરા ખાતે ઉત્પાદિત સ્ટીલ ભારતીય નૌસેનાના એક મહત્વપૂર્ણ યુદ્ધજહાજના નિર્માણમાં યોગદાન આપી રહ્યું છે. ભારત સંરક્ષણ ક્ષેત્રે આત્મનિર્ભર બનવા તરફ આગળ વધી રહ્યો છે, ત્યારે હજીરા પ્લાન્ટ સતત એ વાત સાબિત કરી રહ્યો છે કે, સુરતમાં વિકસાવવામાં આવેલી વિશ્વકક્ષાની ઉત્પાદન ક્ષમતાઓ દેશ માટે મહત્વપૂર્ણ પ્રોજેક્ટ્સને મજબૂત આધાર પૂરો પાડી રહી છે. ભારતના કેટલાક સૌથી મહત્વપૂર્ણ ઇન્ફ્રાસ્ટ્રક્ચર પ્રોજેક્ટ્સમાં યોગદાન આપવાથી લઈને નૌસેનાના અગ્રહરોળના યુદ્ધજહાજોને મજબૂત આધાર પૂરો પાડવા સુધી, હજીરા પ્લાન્ટ દેશના વિકાસ, વ્યૂહાત્મક હિતો અને આત્મનિર્ભર ભારતના સંકલ્પને વેગ આપતા એક મહત્વપૂર્ણ ઉત્પાદન કેન્દ્ર તરીકે ઊભરી આવ્યો છે. આઇએનએસ માલવનના નિર્માણમાં આપવામાં આવેલા યોગદાનને કારણે ભારતના સ્વદેશી સંરક્ષણ ઉત્પાદન અને રાષ્ટ્રીય સુરક્ષાની દિશામાં એક મહત્વપૂર્ણ સહભાગીદારી તરીકેની સુરતની ભૂમિકા વધુ મજબૂત બની છે.
એએમ/એનએસ ઇન્ડિયાના સેલ્સ એન્ડ માર્કેટિંગ વિભાગના ડિરેક્ટર અને વાઇસ પ્રેસિડેન્ટ શ્રી રંજન ધારએ જણાવ્યું હતું કે, ‘આઇએનએસ માલવનને ભારતીય નૌસેનામાં સામેલ કરવું એ એએમ/એનએસ ઇન્ડિયાના હજીરા પ્લાન્ટ માટે ગૌરવપૂર્ણ સિદ્ધિ છે, જ્યાં આ યુદ્ધજહાજ માટેના વિશિષ્ટ સ્ટીલનું ઉત્પાદન કરવામાં આવ્યું હતું. આ સિદ્ધિ હજીરા પ્લાન્ટ ખાતે વિકસાવવામાં આવેલી અદ્યતન ઉત્પાદન ક્ષમતાઓ, ટેક્નિકલ કુશળતા અને ઉચ્ચ ગુણવત્તાના ધોરણોને પ્રતિબિંબિત કરે છે. સુરતમાં ઉત્પાદિત સ્ટીલ ભારતીય નૌસેનાના આધુનિકીકરણમાં યોગદાન આપી રહ્યું છે તેમજ સંરક્ષણ ઉત્પાદન ક્ષેત્રે ભારતને આત્મનિર્ભર બનાવવાના વિઝનને સાકાર કરવામાં સહભાગી બની રહ્યું છે, તેનો અમને ગર્વ છે.’
કોચીન શિપયાર્ડ લિમિટેડ દ્વારા નિર્માણ પામેલું આઇએનએસ માલવન, માહે-ક્લાસ એએસડબ્લ્યુ-એસડબ્લ્યુસી શ્રેણીના કુલ આઠ યુદ્ધજહાજોમાંથી બીજું તેમજ ભારતીય નૌસેનામાં સામેલ થનારું આ શ્રેણીનું બીજું યુદ્ધજહાજ છે. 80%થી વધુ સ્વદેશી ઘટકો ધરાવતો આ પ્રોગ્રામ ભારત સરકારની ‘આત્મનિર્ભર ભારત’ અને ‘વિકસિત ભારત’ પહેલને મજબૂત બનાવે છે તેમજ નૌસેના માટેના યુદ્ધજહાજોની ડિઝાઇન, એન્જિનીયરિંગ, સિસ્ટમ્સ ઇન્ટીગ્રેશન અને સંરક્ષણ જહાજના નિર્માણ ક્ષેત્રે દેશની વિકસી રહેલી ક્ષમતાઓને પણ ઉજાગર કરે છે. સમુદ્રમાં સર્વેલન્સ, એન્ટિ-સબમરીન વૉરફેર, માઇન વૉરફેર અને દરિયાકાંઠાની સુરક્ષા માટે ડિઝાઇન કરવામાં આવેલું આઇએનએસ માલવન ભારતના દરિયાકાંઠા અને સમુદ્રી હિતોની સુરક્ષા કરવામાં મહત્વપૂર્ણ ભૂમિકા ભજવશે.
એએમ/એનએસ ઇન્ડિયા ભારતીય નૌસેના માટે નિર્માણાધીન એએસડબ્લ્યુ-એસડબ્લ્યુસી શ્રેણીના તમામ આઠ યુદ્ધજહાજો માટે જરૂરી 100% વિશિષ્ટ સ્ટીલને સપ્લાય કરી રહી છે. આ ઉપરાંત, કંપની આઇએનએસ વિશાખાપટ્ટનમ અને આઇએનએસ સુરત સહિતના અનેક મહત્વપૂર્ણ નૌસેના પ્લેટફોર્મ્સ માટે પણ વિશિષ્ટ સ્ટીલ સપ્લાય કરે છે.
સંરક્ષણ ક્ષેત્રમાં યોગદાન આપવા ઉપરાંત, હજીરા પ્લાન્ટમાં ઉત્પાદિત સ્ટીલ ચિનાબ રેલવે બ્રિજ, અંજી ખાડ રેલવે બ્રિજ, બોગિબીલ બ્રિજ અને ભારતમાં આવેલા ન્યુટ્રિનો ઑબ્ઝર્વેટરી સહિત ભારતના કેટલાક સૌથી મહત્વપૂર્ણ ઇન્ફ્રાસ્ટ્રક્ચર પ્રોજેક્ટ્સમાં પણ મહત્વપૂર્ણ યોગદાન આપ્યું છે.
ભારતની સમુદ્રી સુરક્ષાને મજબૂત બનાવવાથી લઈને દેશના સીમાચિહ્નરૂપ આંતરમાળખાકીય પ્રોજેક્ટ્સને સાકાર કરવામાં યોગદાન આપવા સુધી, આ તમામ પ્રોજેક્ટ્સ દેશની વ્યૂહાત્મક અને વિકાસલક્ષી પ્રાથમિકતાઓને સમર્થન આપવામાં હજીરા પ્લાન્ટમાં ઉત્પાદિત સ્ટીલની વધી રહેલી ભૂમિકાને ઉજાગર કરે છે. આ સાથે જ, તે રાષ્ટ્રનિર્માણમાં રાષ્ટ્રીય સ્તરે સુરતના મહત્વપૂર્ણ યોગદાનને પણ રેખાંકિત કરે છે.
== સમાપ્ત ==
