Nirmal Metro – Best Gujarati Newspaper – Daily – ગુજરાતી સમાચાર – Gujarat
Gujarat

કેપ્ટન સ્મિતને હનુમંત કૃપા પ્રસાદ રુપે રુપિયા ૨૧ લાખ અર્પણ કરતા મોરારી બાપુ

અમદાવાદ, ગુજરાત | ૦૪ ઓક્ટોબર ૨૦૨૬ | સમગ્ર વિશ્વમાં જેમની શૌર્ય ગાથા ગવાઈ રહી છે તેવા કેપ્ટન સ્મિતના જેટલાં વખાણ કરીએ તેટલાં ઓછાં છે. ભારતનાં આ સપૂતે સમગ્ર વિશ્વમાં દેશનું નામ રોશન કર્યું છે. પળનાં પણ વિલંબ વિના હિંમતપૂર્વક જેણે ૧૮૦ મુસાફરોનો જીવ બચાવ્યો હતો તેવા યુવાન કેપ્ટન સ્મિતને પૂજય મોરારી બાપુએ ધન્યવાદ આપ્યા હતા. કેપ્ટનના આ અદભૂત કાર્યને વધુ કઈ રીતે બિરદાવી શકાય તેવો શુભ વિચાર પૂજય બાપુને આવ્યો હતો. પૂ બાપુને આ સમયે કોઈ અવિવેક પણ ન થાય તેવો સહજ સંકોચ પણ થતો હતો. સમયે મળતી માહિતી મુજબ દંતાલી આશ્રમના પૂજય સચ્ચિદાનંદજી તરફથી રુપિયા ૨૫ લાખની સન્માન રાશિ જાહેર થઈ હતી.

એ ઉપરાંત ગુજરાત સરકારે પણ ગૌરવ પુરસ્કારમાં રુપિયા ૨૫ લાખ, એક ફાર્માસ્યુટિકલ કંપની તરફથી ૧ કરોડની રાશિ જાહેર કર્યા છે. પૂજય મોરારી બાપુએ  શ્રી હનુમંત કૃપા પ્રસાદ રુપે રુપિયા ૨૧ લાખ જાંબાઝ કેપ્ટન સ્મિતને અર્પણ કર્યા છે. પુનઃ ફરી એકવાર બાપુએ કેપ્ટન સ્મિતના આ હનુમંત કાર્યને હ્રદયપૂર્વક બિરદાવ્યું છે અને તેમનાં પરિવારજનોને પણ શુભેચ્છાઓ પાઠવી છે. 

== સમાપ્ત ==

Related posts

સુરેન્દ્રનગરમાં લખતર-વિરમગામ હાઈવે પર ટ્રકે ૧૦ પદયાત્રીને કચડ્યાં

Master Admin

વડોદરામાં BMW ગોલ્ફ કપ 2026ની નેશનલ ક્વોલિફાયરનું સમાપન

Master Admin

સ્થાનિક સંગઠન દ્વારા આયોજિત એક કાર્યક્રમમાં મોટો ફિયાસ્કો થયો

Master Admin

Leave a Comment

Translate »