અમદાવાદ, ગુજરાત | ૦૬ ઓક્ટોબર ૨૦૨૬ | આઈબીએલ ફાઇનાન્સ લી. (“IBL Finance” અથવા “કંપની”), જે ટેક્નોલોજી-આધારિત નોન-બેંકિંગ ફાઇનાન્શિયલ કંપની (NBFC) છે, તે Rs.1,000ની ફેસ વેલ્યુ (અંકિત મૂલ્ય) ધરાવતા Rs.50 કરોડ સુધીના સુરક્ષિત, રેટેડ, લિસ્ટેડ અને રિડીમેબલ નોન-કન્વર્ટિબલ ડિબેન્ચર્સ (“NCDs”)નો પબ્લિક ઈશ્યુ લાવવાની દરખાસ્ત કરે છે.

આ ઈશ્યુમાં Rs.25 કરોડનો બેઝ ઈશ્યુ (મૂળ ઈશ્યુ) અને Rs.25 કરોડ સુધીના ઓવર-સબ્સ્ક્રિપ્શનને જાળવી રાખવા માટે ‘ગ્રીન શૂ ઓપ્શન’નો સમાવેશ થાય છે, જે કુલ મળીને Rs.50 કરોડ સુધીની રકમ બનાવે છે. આ NCDsને BSE Limited પર લિસ્ટ કરવાની દરખાસ્ત છે.

પ્રોસ્પેક્ટસની શરતોને આધીન રહેનારો આ ઈશ્યુ 12 ઓક્ટોબર, 2026ના રોજ ખુલશે અને 26 ઓક્ટોબર, 2026ના રોજ બંધ થશે. આ ઈશ્યુમાં 13 મહિના, 24 મહિના, 36 મહિના અને 60 મહિનાના સમયગાળા (ટેન્યોર) અને વ્યાજની ચુકવણીના વિવિધ વિકલ્પો ઉપલબ્ધ છે, જેમાં વાર્ષિક 12.12% સુધીનું વળતર (યીલ્ડ) મળે છે. અરજી માટેની ન્યૂનતમ મર્યાદા 10 NCDs છે, જેમાં દરેકની ફેસ વેલ્યુ Rs.1,000 છે.

વ્યવસ્થાપકનું નિવેદન

“દરખાસ્ત કરાયેલ NCD પબ્લિક ઈશ્યુ અમારી ભંડોળ ઊભું કરવાની વ્યૂહરચનાનો એક ભાગ છે કારણ કે અમે વ્યક્તિઓ અને નાણાકીય સંસ્થાઓને ધિરાણ આપવાની અમારી કામગીરી ચાલુ રાખી રહ્યા છીએ. ઈશ્યુમાંથી મળતી રકમનો ઉપયોગ મુખ્યત્વે આગળ ધિરાણ (ઓનવર્ડ લેન્ડિંગ), ફાઇનાન્સિંગ અને કંપનીના હાલના દેવાની ચુકવણી અથવા પ્રી-પેમેન્ટ (સમય પહેલાં ચુકવણી) માટે કરવામાં આવશે, જે પ્રોસ્પેક્ટસમાં જણાવેલ ઉદ્દેશ્યોને અનુરૂપ હશે.” -શ્રી મનીષ પટેલ, મેનેજિંગ ડિરેક્ટર, આઈબીએલ ફાઇનાન્સ લી.

ઈશ્યુના ઉદ્દેશ્યો

– આગળ ધિરાણ (ઓનવર્ડ લેન્ડિંગ), ફાઇનાન્સિંગ અને કંપનીના હાલના દેવા પરના મુદ્દલ અને વ્યાજની ચુકવણી/પ્રી-પેમેન્ટના હેતુ માટે

– સામાન્ય કોર્પોરેટ હેતુઓ માટે

ઇસ્યુ અંગે….

કમ્ફર્ટ સિક્યોરિટીઝ લિમિટેડ આ ઇશ્યૂના લીડ મેનેજર છે, બીકોન ટ્રસ્ટીશીપ લિમિટેડ આ ઇશ્યૂના ડિબેન્ચર ટ્રસ્ટી છે જ્યારે કેફિન ટેક્નોલોજીસ લિમિટેડ આ ઇશ્યૂના રજિસ્ટ્રાર છે.

== સમાપ્ત ==