ક્યુરેટેડ ડાઇનિંગ ફેસ્ટિવલની બીજી આવૃત્તિ ત્રણ શહેરોથી વિસ્તરીને દસ શહેરો સુધી પહોંચી છે, જે 16 ઓક્ટોબરથી 1 નવેમ્બર, 2026 સુધી યોજાશે. તેમાં 100થી વધુ રેસ્ટોરન્ટ્સ અને મર્યાદિત ‘વન સર્વિસ ઓન્લી’ વિશેષ આયોજનોનો સમાવેશ થશે. તમામ કોટક ક્રેડિટ કાર્ડધારકોને 48 કલાકનો પ્રાયોરિટી એક્સેસ મળશે.
મુંબઈ | ૧૪ ઓક્ટોબર ૨૦૨૬ | ડાઇનિંગ કલેક્ટિવ દ્વારા કોટક મહિન્દ્રા બેંકના કોટક સોલિટેર સાથેની ભાગીદારીમાં આયોજિત રેસ્ટોરન્ટ વીક ઇન્ડિયા (RWI) હવે રાષ્ટ્રીય સ્તરે પહોંચી રહ્યું છે. એપ્રિલમાં ત્રણ શહેરોમાં શરૂઆત કર્યા બાદ આ ફેસ્ટિવલ તેની ઓટમ એડિશન સાથે 16 ઓક્ટોબરથી 1 નવેમ્બર, 2026 દરમિયાન ફરી આવી રહ્યો છે, જેમાં દેશભરની 100થી વધુ અગ્રણી રેસ્ટોરન્ટ્સ ભાગ લેશે.
સમર એડિશને આ કોન્સેપ્ટની સફળતા સાબિત કરી: 6,000થી વધુ ડાઇનર્સ, ભાગ લેનાર રેસ્ટોરન્ટ્સ માટે ₹1 કરોડથી વધુની આવક, અને બુકિંગ બંધ થયું ત્યારે પણ આશરે 1,700 લોકો વેઇટલિસ્ટમાં હતા. આ માંગને ધ્યાનમાં રાખીને ઓટમ એડિશનમાં વધુ શહેરો, વધુ રેસ્ટોરન્ટ્સ, ત્રણ વીકએન્ડ સુધી ફેલાયેલો સત્તર દિવસનો લાંબો સમયગાળો અને બે નવા ફોર્મેટ રજૂ કરવામાં આવ્યા છે.
ભોજનના ત્રણ વિકલ્પો
પ્રી-ફિક્સ મેનૂ. ભાગ લેનાર રેસ્ટોરન્ટ્સ ક્યુરેટેડ થ્રી-કોર્સ મેનૂ પીરસશે, જેમાં તેમની સિગ્નેચર વાનગીઓ અને રાંધણ શૈલીની ઝલક જોવા મળશે. લંચ મેનૂ ₹1,300થી શરૂ થશે, જ્યારે ડિનર મેનૂ ₹1,600થી ₹2,200 સુધીના રહેશે; લાગુ પડતા કર અલગથી.
‘વન સર્વિસ ઓન્લી’. ફેસ્ટિવલ દરમિયાન ભોજન પર વિશેષ ભાર મૂકતા પસંદગીના બાર આ પ્રસંગ માટે ખાસ તૈયાર કરાયેલા થ્રી-કોર્સ મેનૂ સાથે પોતાના કિચનને કેન્દ્રસ્થાને લાવશે. દરરોજ સાંજે મર્યાદિત બેઠકો સાથે બે સિટિંગ્સ રહેશે. માત્ર RWI ગ્રાહકો માટેનું વિશેષ ડ્રિંક્સ મેનૂ સ્થળ પર અલગથી ખરીદી શકાશે.
તમામ રિઝર્વેશન પ્રીપેડ રહેશે અને તે ડિસ્ટ્રિક્ટ એપ પર જ કરવાના રહેશે.
કોટક કાર્ડધારકોને સૌથી પહેલો મોકો
કોટક મહિન્દ્રા બેંકના તમામ ક્રેડિટ કાર્ડધારકોને 15 ઓક્ટોબર, 2026ના રોજ સામાન્ય રિઝર્વેશન શરૂ થાય તે પહેલાં, 13 અને 14 ઓક્ટોબર, 2026ના રોજ 48 કલાકની પ્રાયોરિટી બુકિંગ વિન્ડો મળશે.
કોટક સોલિટેર કાર્ડધારકોને વધારાના લાભ મળશે: દરેક ભાગ લેનાર રેસ્ટોરન્ટમાં ખાસ ક્યુરેટ કરાયેલો એક વધારાનો કોર્સ, ‘વન સર્વિસ ઓન્લી’ સાંજની જાહેરાત થતાં જ તેમાં સૌથી પહેલો એક્સેસ, તેમજ પસંદગીની ભાગ લેનાર રેસ્ટોરન્ટ્સમાં માત્ર સોલિટેર કાર્ડધારકો માટેનો એક્સેસ.
કોટક મહિન્દ્રા બેંકનાં એક્ઝિક્યુટિવ વાઇસ પ્રેસિડેન્ટ, હેડ ઓફ પ્રપોઝિશન્સ એન્ડ રિટેલ બેંક માર્કેટિંગ જ્યોતિ સમાજપતિએ જણાવ્યું હતું કે, “રેસ્ટોરન્ટ વીક ઇન્ડિયાની બીજી આવૃત્તિ સાથે જોડાતાં કોટક સોલિટેર અત્યંત આનંદ અનુભવે છે, કારણ કે અમે સાથે મળીને ભારતના જીવંત રાંધણ વિશ્વની ઉજવણી કરી રહ્યા છીએ. તમામ કોટક ક્રેડિટ કાર્ડધારકોને અર્લી એક્સેસ આપતાં અમને ગર્વ થાય છે. કોટક સોલિટેર ક્રેડિટ કાર્ડધારકોને લિમિટેડ એડિશન આયોજનો અને એક ક્યુરેટેડ વધારાના કોર્સનો વિશેષ એક્સેસ મળશે. આ સહયોગ અમારા ગ્રાહકો માટે અનોખા અને રોમાંચક અનુભવોના દ્વાર ખોલવાની અમારી પ્રતિબદ્ધતાને પ્રતિબિંબિત કરે છે.”
સમર એડિશનમાંથી શું સામે આવ્યું
સમર એડિશન સાથે રેસ્ટોરન્ટ વીક ઇન્ડિયાએ દસ વર્ષના અંતરાલ બાદ પુનરાગમન કર્યું હતું. મુંબઈ, દિલ્હી-એનસીઆર અને બેંગલુરુમાં દસ દિવસ ચાલેલા આ ફેસ્ટિવલમાં 2,100થી વધુ બુકિંગ દ્વારા 6,000થી વધુ ડાઇનર્સ ભાગ લેનાર રેસ્ટોરન્ટ્સ સુધી પહોંચ્યા, જેનાથી રેસ્ટોરન્ટ્સને ₹1 કરોડથી વધુની આવક થઈ. માંગ પુરવઠા કરતાં વધારે રહી અને વેઇટલિસ્ટની આશરે 1,700 વિનંતીઓ પૂરી કરી શકાઈ નહીં.
ફેસ્ટિવલ દરમિયાન કેટલાક યુઝર્સે એકથી વધુ વખત બુકિંગ કર્યું. દસ દિવસમાં 81 યુઝર્સે ત્રણ કે તેથી વધુ વખત બુકિંગ કર્યું, જે એ વાતનો પ્રારંભિક સંકેત છે કે RWI વારંવાર આવતા ડાઇનર્સનો વર્ગ ઊભો કરી રહ્યું છે.
“રેસ્ટોરન્ટ વીક ઇન્ડિયાની બીજી આવૃત્તિ દર્શાવે છે કે અત્યારે ભારતીય રેસ્ટોરન્ટ્સમાં કેટલું બધું થઈ રહ્યું છે. આ આવૃત્તિ સમગ્ર દેશને આવરી લે છે, જેમાં અમદાવાદથી કોલકાતા અને એનસીઆરથી બેંગલુરુ સુધીની રેસ્ટોરન્ટ્સ સામેલ છે. ગત આવૃત્તિની જેમ, ડાઇનર્સ પોતાના શહેરને નવેસરથી શોધે અને નવાં મનપસંદ સ્થળો શોધી કાઢે, એ જ લક્ષ્ય છે,” એમ RWIના સહ-સ્થાપક આતિશ નાથે જણાવ્યું હતું.
બુકિંગ અને વિગતો
બુકિંગ શરૂ થાય તે પહેલાં ‘વન સર્વિસ ઓન્લી’ કેલેન્ડર સહિત રેસ્ટોરન્ટ્સની સંપૂર્ણ યાદી જાહેર કરવામાં આવશે. રિઝર્વેશન અંગેની વિગતો ડિસ્ટ્રિક્ટ એપ પર ઉપલબ્ધ રહેશે. તમામ બુકિંગ ડિસ્ટ્રિક્ટ એપ અને પ્લેટફોર્મ પર થશે.
== સમાપ્ત ==
