રાહુલ ગાંધીએ રવિવારે દિલ્હીમાં શક્તિપ્રદર્શનનું કર્યું એલાન
અગાઉ ૯ ઓક્ટોબરે વિપક્ષી નેતાઓના પ્રતિનિધિમંડળે રાષ્ટ્રપતિ દ્રૌપદી મુર્મૂ સાથે મુલાકાત કરી હતી
(સંપૂર્ણ સમાચાર સેવા)
નવી દિલ્હી, તા.૩૧ ઓક્ટોબર ૨૦૨૬ — દેશના રાજકારણમાં ફરી એકવાર ‘વોટ ચોરી’નો મુદ્દો ગરમાયો છે. વિપક્ષી ગઠબંધન I.N.D.I.A આ મુદ્દે કેન્દ્ર સરકાર અને ચૂંટણી પંચ સામે વિરોધ પ્રદર્શન વધુ તેજ કરવાની તૈયારીમાં છે. લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ જાહેરાત કરી છે કે, ગઠબંધનના નેતાઓ અને કાર્યકરો રવિવાર, ૧ નવેમ્બરના રોજ દિલ્હીના મિંટો રોડથી રામલીલા મેદાન સુધી કૂચ કરશે. આ દરમિયાન રાષ્ટ્રપતિ દ્રૌપદી મુર્મૂને ફરી મળીને કથિત ‘વોટ ચોરી’ના પુરાવા રજૂ કરવાની શક્યતા પણ વ્યક્ત કરવામાં આવી રહી છે.રાહુલ ગાંધીના જણાવ્યા અનુસાર, રવિવારે બપોરે ૧૨ વાગ્યે મિંટો રોડ-કનોટ પ્લેસ જંક્શનથી કૂચ શરૃ થશે અને રામલીલા મેદાન ખાતે પૂર્ણ થશે. આ કાર્યક્રમને ‘ચલો દિલ્હી’ નામ આપવામાં આવ્યું છે. તેમાં I.N.D.I.A ગઠબંધનના વિવિધ પક્ષોના નેતાઓ, કાર્યકરો અને નાગરિક સમાજના લોકોને જોડાવા આમંત્રણ આપવામાં આવ્યું છે. વિપક્ષનો દાવો છે કે મતદાર યાદીમાં ગેરરીતિઓ અને મતદારોના નામ કથિત રીતે દૂર કરવાના મુદ્દે આ વિરોધ યોજાઈ રહ્યો છે.અગાઉ ૯ ઓક્ટોબરે વિપક્ષી નેતાઓના પ્રતિનિધિમંડળે રાષ્ટ્રપતિ દ્રૌપદી મુર્મૂ સાથે મુલાકાત કરી હતી. મુલાકાત બાદ રાહુલ ગાંધીએ જણાવ્યું હતું કે રાષ્ટ્રપતિએ ‘વોટ ચોરી’ના આરોપો અંગે પુરાવા રજૂ કરવા કહ્યું હતું. હવે ગઠબંધન ફરી મુલાકાત માટે સમય માગી શકે છે અને એકત્રિત કરેલા પુરાવા રજૂ કરવાની તૈયારી કરી રહ્યું છે.વિપક્ષે મુખ્ય ચૂંટણી કમિશનર (CEC) જ્ઞાાનેશ કુમારના રાજીનામાની માગ પણ ઉઠાવી છે. તેમની સામે પ્રતીકાત્મક ‘પબ્લિક ઇમ્પીચમેન્ટ’નો કાર્યક્રમ ૩૦ ઓક્ટોબરે યોજાવાનો હતો, પરંતુ દિલ્હીમાં વરસાદને કારણે તેને ૩૧ ઓક્ટોબરે ખસેડવામાં આવ્યો છે. વિપક્ષનો આરોપ છે કે મતદાર યાદીની વિશેષ સઘન સુધારણા પ્રક્રિયા (SIR) દરમિયાન ગેરરીતિઓ થઈ છે.“પપ્પા ક્યારે આવશે?” ૩ વર્ષના દીકરાની રાહ વચ્ચે પાકિસ્તાનમાં ૭ મહિનાથી ફસાયેલા ૬ ભારતીય નાવિકો!બીજી તરફ, ભાજપે વિપક્ષના આરોપો સામે સવાલો ઉઠાવ્યા છે. કેન્દ્રીય ગૃહમંત્રી અમિત શાહે ‘વોટ ચોરી’ના મુદ્દે સંસદનું વિશેષ સત્ર બોલાવી ચર્ચા કરવાની તૈયારી દર્શાવી હતી. આમ, આગામી દિવસોમાં આ મુદ્દે સત્તાપક્ષ અને વિપક્ષ વચ્ચે રાજકીય ટકરાવ વધુ તેજ બને તેવી શક્યતા છે. જોકે, ‘વોટ ચોરી’ અંગેના આરોપો હજુ વિપક્ષના દાવા છે; તેની સત્યતા અંગે સત્તાવાર તપાસ અને પુરાવામહત્ત્વના રહેશે.
