Nirmal Metro – Best Gujarati Newspaper – Daily – ગુજરાતી સમાચાર – Gujarat
international

આર્થિક સંકટે ઈરાનીઓને ઘેર્યા, કિડનીથી લિવર સુધી વેચવાની જાહેરાતો

ઈરાનમાં મોંઘવારીથી અંગો વેચવાની નોબત

ટેલિગ્રામ પર ૬૦૦થી વધુ જાહેરાતો સામે આવી, દેવું ચૂકવવા અને પરિવારના ભવિષ્ય માટે લોકો અંગો વેચવા તૈયાર

(સંપૂર્ણ સમાચાર સેવા)
તહેરાન, તા.૧૬ નવેમ્બર ૨૦૨૬ — ઈરાનમાં વધી રહેલા આર્થિક સંકટ અને વધતા દેવાએ સામાન્ય લોકોને પોતાના શરીરના અંગો વેચવા માટે મજબૂર કરી દીધા છે. ‘ઈરાન ઈન્ટરનેશનલ’ના એક તપાસ અહેવાલ મુજબ, ટેલિગ્રામ પર ૬૦૦ થી વધુ એવી જાહેરાતો મળી આવી છે જેમાં લોકો કિડની, બોન મેરો, લિવર, અંડકોષ અને આંખોની કીકી એટલે કે કોર્નિયા વેચવાની ખુલ્લી ઓફર કરી રહ્યા છે.અંગોની વિગતોઃ ગત મે માસથી ઓક્ટોબર વચ્ચે એક ટેલિગ્રામ ચેનલ પર મળેલી ૬૦૦ થી વધુ જાહેરાતોની તપાસમાં સામે આવ્યું છે કે, ૪૯૮ જાહેરાતોમાં કિડની, ૨૭૯માં બોન મેરો, ૫૧માં લિવર, ૧૫માં અંડકોષ અને ૨ જાહેરાતોમાં કોર્નિયા વેચવાની દરખાસ્ત મૂકવામાં આવી હતી. લગભગ દર ત્રીજી જાહેરાતમાં એકથી વધુ અંગો વેચવાની ઓફર હતી.મજબૂરીની કહાનીઓઃ એક પિતાએ પોતાની પુત્રીનું ભવિષ્ય સુરક્ષિત કરવા માટે, તો એક નિષ્ફળ વ્યાપારીએ દેવું ચૂકવવા માટે પોતાના અંગો વેચવાની તૈયારી દર્શાવી છે. બે દીકરીઓની સંભાળ રાખતી એક સિંગલ મધરે પણ ઘરના મૂળભૂત ખર્ચ માટે ખરીદદાર શોધતી હોવાનું જણાવ્યું છે.મિડલ ઈસ્ટના તણાવ, અમેરિકી નૌસેનાની નાકેબંધી અને કડક પ્રતિબંધોએ ઈરાનની અર્થવ્યવસ્થાની કમર તોડી નાખી છે. અમેરિકાના વિદેશ મંત્રી માર્કો રૂબિયોએ ચેતવણી આપી છે કે આગામી મહિનાઓમાં ઈરાનની આર્થિક સ્થિતિ વધુ વણસી શકે છે. બીજી તરફ, રાષ્ટ્ર પ્રમુખ મસૂદ પેજેશકિયાનનું પ્રશાસન લાંબા સમય સુધી પ્રતિબંધોનો સામનો કરવા તૈયાર હોવાનો દાવો કરી રહ્યું છે.

Related posts

ભારત-ઈઝરાયેલ વચ્ચે અનેક મહત્વના કરારો પર હસ્તાક્ષર

Master Admin

ગુંડાગીરી નહીં, સન્માનથી વાત કરો; આંતરરાષ્ટ્રીય કાયદાનું પાલન કરો

Master Admin

ડઝનબંધ ફ્લાઈટ્‌સના રૂટ બદલાયા, યુરોપના એરપોર્ટ પર હાઈ એલર્ટ

Master Admin

Leave a Comment

Translate »