હરિકાન્તા ઓવરસીઝ બીએસઈ એસએમઈ આઈપીઓ સમીક્ષા

Courtesy:  https://www.chittorgarh.com/

Review By Dilip Davda on May, 2026

• કંપની મુખ્યત્વે સિન્થેટિક ટેક્સટાઇલ ફેબ્રિક્સના ઉત્પાદનના વ્યવસાયમાં કાર્યરત છે.
• સ્ટેન્ડઅલોન ધોરણે, તેણે નાણાકીય વર્ષ ૨૩ અને નાણાકીય વર્ષ ૨૪ માટે નબળી નાણાકીય કામગીરી દર્શાવી છે.
• નાણાકીય વર્ષ ૨૫ થી થયેલો બમ્પર નફો આશ્ચર્ય પેદા કરે છે અને તેની ટકાઉપણું અંગે ચિંતા ઊભી કરે છે, કારણ કે તે અત્યંત સ્પર્ધાત્મક અને વિખરાયેલા સેગમેન્ટમાં કામ કરી રહી છે.
• મર્ચન્ટ બેન્કરનો ટ્રેક રેકોર્ડ નબળો છે.
• જો કે તે નાણાકીય વર્ષ ૨૫ અને ૮ મહિના-નાણાકીય વર્ષ ૨૬ ના આંકડાઓના આધારે સંપૂર્ણ કિંમતનો દેખાય છે, તેમ છતાં અન્યથા તે આક્રમક કિંમતનો દેખાય છે.
• આ મોંઘા અને જોખમી આઈપીઓ ને છોડી દેવામાં (સ્કીપ કરવામાં) કોઈ નુકસાન નથી.

કંપની વિશેઃ
હરિકાન્તા ઓવરસીઝ લિમિટેડ સિન્થેટિક ટેક્સટાઇલ ફેબ્રિક્સના ઉત્પાદનમાં કાર્યરત છે. તેના પ્રોડક્ટ પોર્ટફોલિયોમાં ઇકત ફેબ્રિક્સ, પોલિએસ્ટર ગારમેન્ટ ફેબ્રિક્સ, સાડી ફેબ્રિક્સ, ધૂપિયન ફેબ્રિક્સ, પોલી લીનન અને નેચરલ ફાઈબરનો સમાવેશ થાય છે. કંપની મુખ્યત્વે મહિલાઓના વસ્ત્રો માટે ફેબ્રિક સપ્લાય કરે છે, જે સાડી, ડ્રેસ મટિરિયલ અને કુર્તા માટે ફેબ્રિક્સનું ઉત્પાદન કરે છે, જ્યારે પુરુષોના કુર્તા માટે પણ ફેબ્રિક્સ ઓફર કરે છે. જો કે તેના ફેબ્રિક્સના બહુવિધ અંતિમ ઉપયોગો છે, પરંતુ તેમાંથી મોટા ભાગનો ઉપયોગ વિવિધ પ્રકારની સાડીઓના ઉત્પાદનમાં થાય છે.

વિદેશી ગ્રાહકોને ઉત્પાદનો સપ્લાય કરવાના ઉદ્દેશ્ય સાથે, તેણે સુરત, ગુજરાત ખાતે મેન્યુફેક્ચરિંગ યુનિટ સ્થાપ્યું છે. તેના શરૂઆતના વર્ષોમાં, કંપની મર્ચન્ટ એક્સપોર્ટર્સ દ્વારા તેના ઉત્પાદનોનું માર્કેટિંગ કરતી હતી. નિપુણતા અને વધતી જતી આંતરરાષ્ટ્રીય માંગ સાથે, તેણે ધીમે ધીમે ડાયરેક્ટ એક્સપોર્ટ એટલે કે સીધી નિકાસ પર પણ ધ્યાન કેન્દ્રિત કરવાનું શરૂ કર્યું, અને ટેક્સટાઇલ નિકાસ બજારમાં એક પ્લેયર તરીકે પોતાને સ્થાપિત કરી લીધી. કંપનીએ શરૂઆતમાં કંબોડિયા અને સુરતના સ્થાનિક બજારમાં ઉત્પાદનો સપ્લાય કર્યા હતા.

સમય જતાં, તેનું નિકાસ નેટવર્ક બહેરીન, સિંગાપોર અને થાઇલેન્ડનો સમાવેશ કરવા માટે વિસ્તર્યું, જ્યારે સ્થાનિક મોરચે, કંપનીએ દિલ્હી, બેંગલોર, કર્ણાટક, મહારાષ્ટ્ર, ઉત્તર પ્રદેશ, પંજાબ અને રાજસ્થાન જેવા અન્ય મુખ્ય બજારોમાં પોતાની હાજરી વિસ્તારી. હાલમાં, તે સ્થાનિક બજારો તેમજ આંતરરાષ્ટ્રીય બજારોની જરૂરિયાતો પૂરી કરે છે. કેટલીકવાર, પ્રોડક્શન ઓવરલોડ અને ડિસ્પેચ ટાઇમલાઇનને પહોંચી વળવાની જરૂરિયાતને કારણે, કંપની થર્ડ-પાર્ટી જોબ વર્કર્સને પણ જોડે છે અથવા બહારની એજન્સીઓ પાસેથી તૈયાર માલ મેળવે છે. આવી ખરીદીઓ ત્યારબાદ તેની ફેસિલીટી પર પ્રોસેસ કરવામાં આવે છે, જ્યાં તે ગ્રાહકોને ઉત્પાદનો વેચતા પહેલા ફિનિશિંગ, પેકેજિંગ અને ક્વોલિટી ચેક હાથ ધરે છે. ફેબ્રુઆરી ૨૮, ૨૦૨૬ ના રોજ, તેના પેરોલ પર ૧૧૧ કર્મચારીઓ હતા.

ઇશ્યૂની વિગતો / મૂડીનો ઇતિહાસઃ
કંપની તેની ઉપલી મર્યાદા પર રૂ ૨૫.૬૩ કરોડ એકત્ર કરવા માટે રૂ ૧૦ ના દરેક એવા ૨૬૭૦૦૦૦ ઇક્વિટી શેરનો તેનો પ્રથમ બુક બિલ્ડિંગ રૂટ આઈપીઓ લાવી રહી છે. કંપનીએ રૂ ૧૦ ના દરેક એવા શેર માટે રૂ ૯૧ – રૂ ૯૬ ની પ્રાઇસ બેન્ડ જાહેર કરી છે. લઘુત્તમ અરજી ૨૪૦૦ શેર માટે અને ત્યાર પછી તેના ૧૨૦૦ શેરના ગુણાંકમાં કરવાની રહેશે. આ ઇશ્યૂ સબ્સ્ક્રિપ્શન માટે મે ૨૦, ૨૦૨૬ ના રોજ ખુલશે અને મે ૨૨, ૨૦૨૬ ના રોજ બંધ થશે. શેરોનું લિસ્ટિંગ બીએસઈ એસએમઈ પર થશે. આઈપીઓ કંપનીની આઈપીઓ પછીની પેઇડ-અપ મૂડીના ૨૭.૦૬% હિસ્સો ધરાવે છે. નવી ઇક્વિટી ઇશ્યૂની ચોખ્ખી આવકમાંથી, તે ફેક્ટરી પરિસર પર મૂડી ખર્ચ માટે રૂ ૫.૪૦ કરોડ, પ્લાન્ટ અને મશીનરી પર મૂડી ખર્ચ માટે રૂ ૯.૩૩ કરોડ, કાર્યકારી મૂડી માટે રૂ ૪.૭૫ કરોડ અને બાકીની રકમ સામાન્ય કોર્પોરેટ હેતુઓ માટે ઉપયોગ કરશે.

આ આઈપીઓનું એકમાત્ર લીડ મેનેજમેન્ટ ઇન્ટરેક્ટિવ ફાઇનાન્સિયલ સર્વિસીસ લિમિટેડ દ્વારા કરવામાં આવી રહ્યું છે, અને બિગશેર સર્વિસીસ પ્રાઇવેટ લિમિટેડ આ ઇશ્યૂના રજિસ્ટ્રાર છે. આફ્ટરટ્રેડ બ્રોકિંગ પ્રાઇવેટ લિમિટેડ માર્કેટ મેકર છે, અને બીલાઇન બ્રોકિંગ લિમિટેડ સિન્ડિકેટ મેમ્બર છે. આ આઈપીઓ ઇન્ટરેક્ટિવ ફાઇનાન્સિયલ દ્વારા ૧૫% અને ઇરુડોર કેપિટલ પ્રાઇવેટ લિમિટેડ દ્વારા ૮૫% સુધી અંડરરાઇટ કરવામાં આવ્યો છે.

ફેસ વેલ્યુ પર પ્રારંભિક ઇક્વિટી મૂડી ઇશ્યૂ કર્યા પછી, તેણે નવેમ્બર ૨૦૨૪ અને જાન્યુઆરી ૨૦૨૫ વચ્ચે શેર દીઠ રૂ ૧૦૦ ની નિશ્ચિત કિંમતે વધુ ઇક્વિટી શેર ઇશ્યૂ કર્યા હતા. તેણે ડિસેમ્બર ૨૦૨૪ માં ૬ માટે ૧ ના ગુણોત્તરમાં બોનસ શેર પણ ઇશ્યૂ કર્યા છે. પ્રમોટર્સ દ્વારા શેર દીઠ સરેરાશ સંપાદન કિંમત રૂ ૭.૭૩ છે. આશ્ચર્યની વાત એ છે કે, ઓફર દસ્તાવેજના પાના ક્રમાંકિત નથી. જો કે, પીડીએફ ફાઇલ પાના નંબર ૩૪ મુજબ સરેરાશ કિંમત રૂ ૭.૭૩ દર્શાવવામાં આવી છે, અને પાના નંબર ૬૯ પર શેર દીઠ રૂ ૭.૮૯ દર્શાવવામાં આવી છે. પ્રમોટર્સ/મર્ચન્ટ બેન્કર પાસેથી આ અંગે સ્પષ્ટતા જરૂરી છે.

આઈપીઓ પછી, કંપનીની વર્તમાન પેઇડ-અપ ઇક્વિટી મૂડી રૂ ૭.૨૦ કરોડથી વધીને રૂ ૯.૮૭ કરોડ થશે. આઈપીઓ પ્રાઇસિંગની ઉપલી બેન્ડના આધારે, કંપની રૂ ૯૪.૭૧ કરોડનું માર્કેટ કેપ શોધી રહી છે.

નાણાકીય કામગીરીઃ
નાણાકીય કામગીરીના મોરચે, બે નાણાકીય વર્ષો માટે, કંપનીએ (સ્ટેન્ડઅલોન ધોરણે) કુલ આવક/ચોખ્ખો નફો, રૂ ૧૫.૦૬ કરોડ / રૂ ૦.૨૫ કરોડ (નાણાકીય વર્ષ ૨૩), રૂ ૧૧.૨૭ કરોડ / રૂ ૦.૮૨ કરોડ (નાણાકીય વર્ષ ૨૪) નોંધાવ્યો છે. એકત્રિત ધોરણે, કંપનીએ રૂ ૩૫.૫૦ કરોડ / રૂ ૪.૪૭ કરોડ (નાણાકીય વર્ષ ૨૫) ની કુલ આવક/ચોખ્ખો નફો અહેવાલ કર્યો છે, અને નવેમ્બર ૩૦, ૨૦૨૫ ના રોજ સમાપ્ત થયેલા નાણાકીય વર્ષ ૨૬ ના ૮ મહિના માટે, તેણે રૂ ૨૬.૨૮ કરોડની કુલ આવક પર રૂ ૫.૦૯ કરોડનો ચોખ્ખો નફો નોંધાવ્યો હતો. આમ, તેણે અહેવાલ કરેલા સમયગાળા માટે અસંગત નાણાકીય કામગીરી દર્શાવી છે.

છેલ્લા ત્રણ નાણાકીય વર્ષ માટે, કંપનીએ રૂ ૩.૮૪ ની સરેરાશ ઈપીએસ અને ૩૩.૭૬% ની સરેરાશ આરઓએનડબલ્યુ અહેવાલ કરી છે. નવેમ્બર ૩૦, ૨૦૨૫ ના રોજ શેર દીઠ રૂ ૨૬.૦૮ ની તેની એનએવી ના આધારે ઇશ્યૂની કિંમત ૩.૬૮ ના પી/બીવી પર છે, પરંતુ તેના આઈપીઓ પછીના એનએવી ના ડેટા ઓફર દસ્તાવેજોમાંથી ખૂટે છે.

જો આપણે નાણાકીય વર્ષ ૨૬ ની વાર્ષિક સુપર કમાણીને તેના આઈપીઓ પછીની સંપૂર્ણ ડાઇલ્યુટેડ પેઇડ-અપ ઇક્વિટી મૂડીને આધારે ગણતરી કરીએ, તો માંગવામાં આવેલી કિંમત ૧૨.૪૨ ના પી/ઈ પર છે, અને નાણાકીય વર્ષ ૨૫ ની કમાણીના આધારે, પી/ઈ ૨૧.૧૯ પર છે. તાજેતરની બમ્પર કમાણી છતાં ઇશ્યૂ આક્રમક કિંમતનો દેખાય છે. લિસ્ટેડ સાથીદારોની તુલનામાં તેના આઉટપરફોર્મિંગ માર્જિન એક મોટું આશ્ચર્ય છે અને ભવિષ્યમાં તેની ટકાઉપણું અંગે ચિંતા ઊભી કરે છે.

કંપનીએ સંબંધિત સમયગાળા માટે અનુક્રમે ૧.૬૯% (નાણાકીય વર્ષ ૨૩), ૭.૩૮% (નાણાકીય વર્ષ ૨૪), ૧૨.૭૦% (નાણાકીય વર્ષ ૨૫), ૧૯.૫૦% (૮ મહિના-નાણાકીય વર્ષ ૨૬) ના પીએટી માર્જિન અને ૧૯.૦૩%, ૩૫.૧૧%, ૩૭.૫૬%, ૩૧.૯૯% ના આરઓસીઈ માર્જિન નોંધાવ્યા છે. કંપનીએ અવિશ્વસનીય માર્જિન દર્શાવ્યા છે.

ડિવિડન્ડ નીતિઃ
કંપનીએ ઓફર દસ્તાવેજના અહેવાલ કરેલા સમયગાળા માટે ઇક્વિટી શેર પર કોઈ ડિવિડન્ડ ચૂકવ્યું નથી. તે તેની નાણાકીય કામગીરી અને ભવિષ્યની સંભાવનાઓના આધારે વિવેકપૂર્ણ ડિવિડન્ડ નીતિ અપનાવશે.

લિસ્ટેડ સાથીદારો સાથે સરખામણીઃ
ઓફર દસ્તાવેજ મુજબ, કંપનીએ બેટેક્સ ઇન્ડિયા અને સ્વાસ્તી વિનાયક સિન્થ. ને તેના લિસ્ટેડ સાથીદારો તરીકે દર્શાવ્યા છે. તેઓ હાલમાં ૧૬.૦ અને ૧૫.૮ ના પી/ઈ પર ટ્રેડિંગ કરી રહ્યા છે (મે ૧૪, ૨૦ર૬ ના રોજ સુધી). જો કે, તેઓ ખરેખર ચૂસ્ત રીતે ે તુલનાત્મક નથી. આ સરખામણી માત્ર આંખમાં ધૂળ નાખવા જેવી લાગે છે.

મર્ચન્ટ બેન્કરનો ટ્રેક રેકોર્ડઃ
છેલ્લા પાંચ નાણાકીય વર્ષમાં (ચાલુ નાણાકીય વર્ષ સહિત) ઇન્ટરેક્ટિવ ફાઇનાન્સિયલ તરફથી આ ૩૧મું મેન્ડેટ છે. છેલ્લા ૧૧ લિસ્ટિંગમાંથી, ૬ ડિસ્કાઉન્ટ પર, ૧ ફેસ વેલ્યુ પર, અને બાકીના લિસ્ટિંગની તારીખે ૧.૧૦% થી ૧૫.૪૩% સુધીના પ્રીમિયમ સાથે ખુલ્યા હતા. આમ, લીડ મેનેજરનો ટ્રેક રેકોર્ડ નબળો છે.

નિષ્કર્ષ / રોકાણ વ્યૂહરચનાઃ
હરિકાન્તા ઓવરસીઝ લિમિટેડ મુખ્યત્વે સિન્થેટિક ટેક્સટાઇલ ફેબ્રિક્સના ઉત્પાદનના વ્યવસાયમાં કાર્યરત છે. સ્ટેન્ડઅલોન ધોરણે, તેણે નાણાકીય વર્ષ ૨૩ અને નાણાકીય વર્ષ ૨૪ માટે નબળી નાણાકીય કામગીરી દર્શાવી છે. નાણાકીય વર્ષ ૨૫ થી થયેલો બમ્પર નફો આશ્ચર્ય પેદા કરે છે અને તેની ટકાઉપણું અંગે ચિંતા ઊભી કરે છે, કારણ કે તે અત્યંત સ્પર્ધાત્મક અને વિખરાયેલા સેગમેન્ટમાં કામ કરી રહી છે. આઈપીઓ પછી નાની પેઇડ-અપ ઇક્વિટી મૂડી લાંબો સમયગાળો સૂચવે છે. મર્ચન્ટ બેન્કરનો ટ્રેક રેકોર્ડ નબળો છે. જો કે તે નાણાકીય વર્ષ ૨૫ અને ૮ મહિના-નાણાકીય વર્ષ ૨૬ ના આંકડાઓના આધારે સંપૂર્ણ કિંમતનો દેખાય છે, તેમ છતાં અન્યથા તે આક્રમક કિંમતનો દેખાય છે. આ મોંઘા અને જોખમી આઈપીઓ ને છોડી દેવામાં કોઈ નુકસાન નથી.

Review By Dilip Davda on May, 2026

Review Author

DISCLAIMER: No financial information whatsoever published anywhere here should be construed as an offer to buy or sell securities, or as advice to do so in any way whatsoever. All matter published here is purely for educational and information purposes only and under no circumstances should be used for making investment decisions. My reviews do not cover GMP market and operators game plans. Readers must consult a qualified financial advisor before making any actual investment decisions, based the on information published here. With entry barriers, SEBI wants only well-informed investors to participate in such offers. With crazy listings in the recent past, SME IPOs drew the attention of investors across the board and lead to seer madness. However, as SME issues have entry barriers and continued low preference from the broking community, any reader taking decisions based on any information published here does so entirely at their own risk. The above information is based on information available as of date coupled with market perceptions. The Author has no plans to invest in this offer.

About Dilip Davda

Dilip Davda is veteran journalist associated with stock market since 1978. He is contributing to print and electronic media on stock markets/insurance/finance since 1985.

Dilip Davda is a leading reviewer of public issues and NCDs in the primary stock market in India. The knowledge he gained over 3 decades while working in the stock market and a strong relationship with popular lead managers makes his reviews unique. His detailed fundamental and financial analysis of companies coming up with IPOs helps investors in the primary stock market. Dilip Davda has a special interest in analyzing the SME companies and writing reviews about their public issues. His reviews are regularly published online and in news papers.

(Dilip Davda -SEBI registered Research Analyst-Mumbai,

Registration no. INH000003127 (Perpetual)

Email id: dilip_davda@rediffmail.com ).

Courtesy:  https://www.chittorgarh.com/