અમદાવાદ, જૂન 2025: ઈન્ડિયન ઓઈલ યુટીટી સિઝન-6માં શુક્રવારે અમદાવાદના એકા અરેનામાં રમાયેલ બીજી મેચમાં દબંગ દિલ્હી ટીટીલી એ કોલકાતા થંડરબ્લેડ્સને અંતિમ ક્ષણોમાં હરાવી રોમાંચક જીત મેળવી. દિલ્હીની જીતની મુખ્ય સ્ટાર દિયા ચિતાલે બની, જેણે અંતિમ મેચમાં અનન્યા ચાંદેને સીધી ગેમમાં હરાવી ટીમને 8-7થી નિર્ણાયક જીત અપાવી હતી. દબંગ દિલ્હી આ જીત સાથે પોઈન્ટ ટેબલમાં ટોચના સ્થાને પહોંચ્યું છે, જ્યારે ડેમ્પો ગોવા ચેલેન્જર્સ બીજા ક્રમે છે.
દિલ્હી અને કોલકાતાની મેચ 2 યુવા સ્ટાર વચ્ચેની મેચથી થઈ હતી. 18 વર્ષીય અંકુર ભટ્ટાચાર્યએ પોતાના અજેય અભિયાનને યથાવત્ રાખતા સિંગાપુરના ઈજાક ક્વેકને ગોલ્ડન પોઈન્ટ પર હરાવી 2-1થી જીત મેળવી. જે પછી પુએર્ટો રિકોની એડ્રિયાના ડિયાઝે મારિયા શિયાઓને 2-1થી હરાવી કોલકાતાને લીડ અપાવી. સાથિયાન જ્ઞાનશેખરન અને મારિયા શિયાઓનું મિક્સ્ડ ડબલ્સમાં કમબેક કરાવતા 2-1થી જીત મેળવી હતી. જોકે, કોલકાતાના અરુણા કાદરીએ સાથિયાનને હરાવી ફરી ટીમને લીડ અપાવી. નિર્ણાયક મેચમાં દિયા ચિતાલે એ પરિપક્વતા દાખવતા અનન્યા ચાંદેને 3-0થી હરાવી જીત અપાવી. ડિયાઝ ફોરન પ્લેયર ઓફ ધ ટાઈ અને શૉટ ઓફ ધ ટાઈનો એવોર્ડ જીતી, જ્યારે દિયા ઈન્ડિયન પ્લેયર ઓફ ધ ટાઈ રહી.
