અમદાવાદ, ગુજરાત | ૧૨ સપ્ટેમ્બર ૨૦૨૬ | ભારત ઝડપથી વૈશ્વિક ઇલેક્ટ્રોનિક્સ મેન્યુફેક્ચરિંગ અને ઇનોવેશન હબ તરીકે પોતાની ઓળખ મજબૂત કરી રહ્યું છે. ભારતની આ વધતી ભૂમિકા ઇલેક્ટ્રોનિકા ઇન્ડિયા અને પ્રોડક્ટ્રોનિકા ઇન્ડિયા 2026માં ખાસ રીતે રજૂ કરવામાં આવશે. Messe München Groupનો ભાગ Messe Muenchen India આ કાર્યક્રમનું આયોજન 16 થી 18 સપ્ટેમ્બર દરમિયાન બેંગલુરુના Bangalore International Exhibition Centre (BIEC) ખાતે કરશે.
ભૂપિંદર સિંહ, President – IMEA (India, Middle East, Africa), Messe München અને CEO, Messe Muenchen Indiaએ કહ્યું, “ભારતનો ઇલેક્ટ્રોનિક્સ ક્ષેત્ર હવે એક મહત્વપૂર્ણ તબક્કે પહોંચી ગયો છે. મેન્યુફેક્ચરિંગનો વિસ્તાર, નીતિગત સપોર્ટ અને ગ્લોબલ વેલ્યૂ ચેઇનમાં વધતી ભાગીદારી આ વૃદ્ધિને આગળ ધપાવી રહી છે. ઇલેક્ટ્રોનિકા ઇન્ડિયા અને પ્રોડક્ટ્રોનિકા ઇન્ડિયા 2026નું વિશાળ સ્તર અને આંતરરાષ્ટ્રીય ભાગીદારી આ જ ગતિ દર્શાવે છે. બેંગલુરુમાં અમારો ફોકસ ઉદ્યોગની મહત્ત્વાકાંક્ષાઓને યોગ્ય ટેક્નોલોજી, સપ્લાયર્સ અને ભાગીદારી સાથે જોડવાનો છે, જેથી મજબૂત મેન્યુફેક્ચરિંગ ક્ષમતા ઉભી કરી શકાય અને વધુ સારા બિઝનેસ પરિણામો મેળવી શકાય.”
ઇલેક્ટ્રોનિકા ઇન્ડિયા અને પ્રોડક્ટ્રોનિકા ઇન્ડિયા 2026ની National Advisory Committeeના સભ્ય સંજીવ કેસકરે કહ્યું, “ભારતના ઇલેક્ટ્રોનિક્સ ક્ષેત્રમાં મોટી સંભાવનાઓ છે. પરંતુ આ વૃદ્ધિને જાળવી રાખવા માટે દેશની ક્ષમતાઓ મજબૂત કરવી અને એડવાન્સ મેન્યુફેક્ચરિંગ ટેક્નોલોજીને ઝડપથી અપનાવવી જરૂરી છે. આ પ્રદર્શનો નિર્ણય લેનારાઓને અલગ-અલગ સોલ્યુશન્સની તુલના કરવા, ભારતીય અને આંતરરાષ્ટ્રીય સપ્લાયર્સ સાથે સીધા જોડાવા અને પોતાના આગળના વિસ્તરણ માટે જરૂરી ટેક્નોલોજી તથા ભાગીદારી ઓળખવા માટે પ્રેક્ટિકલ તક આપે છે.”
ડૉ. રેનહાર્ડ ફાઇફર, CEO, Messe München GmbHએ કહ્યું, “ભારત વૈશ્વિક ઇલેક્ટ્રોનિક્સ ઉદ્યોગમાં ઝડપથી વધુ અસરકારક ભૂમિકા ભજવી રહ્યું છે. ભારત માત્ર ઝડપથી વધતો બજાર જ નથી, પરંતુ એક ઉભરતું મેન્યુફેક્ચરિંગ બેઝ પણ છે. 50થી વધુ દેશોના પ્રદર્શકો અને મુલાકાતીઓની ભાગીદારી આ પ્લેટફોર્મનું આંતરરાષ્ટ્રીય મહત્વ દર્શાવે છે. આ કાર્યક્રમ ભારતીય અને વૈશ્વિક કંપનીઓને ટેક્નોલોજી શેર કરવા, ભાગીદારી વિકસાવવા અને ભારતના ઇલેક્ટ્રોનિક્સ ક્ષેત્રની આગામી વૃદ્ધિમાં યોગદાન આપવા માટે મહત્વપૂર્ણ તકો પૂરી પાડે છે.”
ELCINAના Secretary General રાજુ ગોયલે કહ્યું, “ભારતના ઇલેક્ટ્રોનિક્સ ક્ષેત્રની આગામી વૃદ્ધિ માટે કોમ્પોનન્ટ્સ, પ્રોડક્શન ટેક્નોલોજી અને સપ્લાય ચેઇનને વધુ મજબૂત કરવી જરૂરી છે. આ માટે ઉદ્યોગ, સરકાર અને ટેક્નોલોજી પ્રોવાઇડર્સ વચ્ચે વધુ સારો સમન્વય જરૂરી છે. CEO Forum અને Bharat PCB Tech Conference દ્વારા ELCINA, ઇલેક્ટ્રોનિકા ઇન્ડિયા અને પ્રોડક્ટ્રોનિકા ઇન્ડિયા 2026માં ઉદ્યોગના નેતાઓના વિચારો અને ભારતની PCB મેન્યુફેક્ચરિંગ ક્ષમતા મજબૂત કરવા પર કેન્દ્રિત ચર્ચાઓ રજૂ કરશે. આ પ્લેટફોર્મ્સ ઇલેક્ટ્રોનિક્સ મેન્યુફેક્ચરિંગ ઇકોસિસ્ટમમાં વ્યવહારુ સહકારને આગળ વધારવામાં મદદ કરશે.”
કાર્યક્રમમાં કર્ણાટક સરકારના મોટા અને મધ્યમ ઉદ્યોગ તથા ઈન્ફ્રાસ્ટ્રક્ચર ડેવલપમેન્ટ મંત્રી શ્રી એમ.બી. પાટીલ અને કર્ણાટક સરકારના ઇલેક્ટ્રોનિક્સ, ઇન્ફોર્મેશન ટેક્નોલોજી, બાયોટેક્નોલોજી, સાયન્સ અને ટેક્નોલોજી વિભાગના સચિવ ડૉ. મંજુલા એન., IAS સહિત અનેક મહાનુભાવો ભાગ લે તેવી અપેક્ષા છે.
‘ઇલેક્ટ્રોનિક્સમાં ભારતનો પાવરપ્લે’ થીમ હેઠળ યોજાનારી આ બંને પ્રદર્શનો ભારતના ઇલેક્ટ્રોનિક્સ ક્ષેત્રની આગામી વૃદ્ધિને આગળ ધપાવતી ટેક્નોલોજી અને ઔદ્યોગિક ભાગીદારીને એક જ પ્લેટફોર્મ પર લાવશે.
બેંગલુરુ આવૃત્તિ કુલ 60,000 ચોરસ મીટર પ્રદર્શન વિસ્તારમાં યોજાશે. તેમાં 30થી વધુ દેશોના 750+ પ્રદર્શકો ભાગ લેશે. સાથે જ 50થી વધુ દેશોમાંથી 50,000થી વધુ બિઝનેસ વિઝિટર્સ આવવાની અપેક્ષા છે. કાર્યક્રમ દરમિયાન 18 કોન્ફરન્સ, સમિટ અને ઇન્ડસ્ટ્રી ફોરમમાં 150થી વધુ વક્તાઓ ભાગ લેશે.
આ મોટાપાયે યોજાનાર કાર્યક્રમ ગ્લોબલ ઇલેક્ટ્રોનિક્સ વેલ્યૂ ચેઇનમાં ભારતનું વધતું મહત્વ દર્શાવે છે. સાથે જ તે એવા મજબૂત રાષ્ટ્રીય પ્લેટફોર્મની જરૂરિયાત પણ દર્શાવે છે, જે ટેક્નોલોજી કંપનીઓ, ઉત્પાદકો, ખરીદદારો, નીતિ નિર્માતાઓ અને રોકાણકારોને એક સાથે જોડે.
ભારતમાં ઇલેક્ટ્રોનિક્સ મેન્યુફેક્ચરિંગને Production Linked Incentive (PLI) યોજનાઓ અને Electronics Components Manufacturing Scheme (ECMS) દ્વારા સતત પ્રોત્સાહન મળી રહ્યું છે. તેના કારણે દેશ હવે માત્ર એસેમ્બલીથી આગળ વધી કોમ્પોનન્ટ મેન્યુફેક્ચરિંગને મજબૂત કરવાની દિશામાં આગળ વધી રહ્યો છે.
17 ઓગસ્ટ 2026 સુધી MeitYએ ECMS હેઠળ 106 પ્રોજેક્ટ્સને મંજૂરી આપી હતી. આ પ્રોજેક્ટ્સ દ્વારા ₹69,548 કરોડનું રોકાણ અને 74,628 સીધી રોજગારી ઊભી થવાની અપેક્ષા છે. જેમાંથી 38 પ્લાન્ટમાં ઉત્પાદન શરૂ થઈ ગયું છે.
આ પૃષ્ઠભૂમિમાં ઇલેક્ટ્રોનિકા ઇન્ડિયા અને પ્રોડક્ટ્રોનિકા ઇન્ડિયા ઉત્પાદકો, કોમ્પોનન્ટ સપ્લાયર્સ, ઇલેક્ટ્રોનિક્સ પ્રોડક્શન ટેક્નોલોજી પ્રોવાઇડર્સ, ખરીદદારો અને નીતિ નિર્માતાઓને પોતાની ક્ષમતાઓ સમજવા અને નવી બિઝનેસ ભાગીદારી બનાવવા માટે એક સામાન્ય પ્લેટફોર્મ આપશે.
બજારના વિસ્તરણ સાથે બે શહેરોનું રાષ્ટ્રીય પ્લેટફોર્મ પણ વધુ મજબૂત
ઇલેક્ટ્રોનિકા ઇન્ડિયા અને પ્રોડક્ટ્રોનિકા ઇન્ડિયા અગાઉ દિલ્હી-NCR અને બેંગલુરુમાં વારેવારે યોજાતા હતા. 2026થી બંને શહેરોમાં દર વર્ષે આ પ્રદર્શનો યોજવાની શરૂઆત કરવામાં આવી છે. આ વિસ્તૃત બે-શહેર મોડલ હેઠળ કાર્યક્રમમાં 50% વૃદ્ધિ થઈ છે.
આ બદલાવથી આ પ્લેટફોર્મ ભારતના બે મુખ્ય ઇલેક્ટ્રોનિક્સ મેન્યુફેક્ચરિંગ વિસ્તારોની વધુ નજીક આવ્યું છે. તેના કારણે ઉદ્યોગને સપ્લાયર્સ, નવી ટેક્નોલોજી અને મહત્વપૂર્ણ બિઝનેસ નિર્ણય લેનારાઓ સાથે વધુ તકોમાં જોડાવાનો મોકો મળશે.
બેંગલુરુ આવૃત્તિ દક્ષિણ ભારતના મજબૂત ઇલેક્ટ્રોનિક્સ ઇકોસિસ્ટમને ધ્યાનમાં રાખીને યોજવામાં આવી રહી છે. તેમાં ઇલેક્ટ્રોનિક્સ મેન્યુફેક્ચરિંગ સર્વિસ કંપનીઓ, કોમ્પોનન્ટ ઉત્પાદકો, સેમીકન્ડક્ટર કંપનીઓ, સંશોધન સંસ્થાઓ, સ્ટાર્ટઅપ્સ અને ગ્લોબલ ટેક્નોલોજી કંપનીઓનો સમાવેશ થાય છે.
આ કાર્યક્રમના રાષ્ટ્રીય અને આંતરરાષ્ટ્રીય સ્તરને કારણે કંપનીઓને અલગ-અલગ સોર્સિંગ વિકલ્પોની તુલના કરવા, પ્રોડક્શન ટેક્નોલોજીને સમજવા અને સંભવિત બિઝનેસ તથા ટેક્નોલોજી પાર્ટનર્સ સાથે સીધો સંપર્ક કરવાની તક મળશે.
== સમાપ્ત ==
