Nirmal Metro – Best Gujarati Newspaper – Daily – ગુજરાતી સમાચાર – Gujarat
businessnational

મર્ક્યુરી ઈવી-ટેકે માલાવીની લિલોંગ્વે સિટી કાઉન્સિલ સાથે 150 ઇલેક્ટ્રિક બસોની તૈનાતી અને સ્થાનિક ઈવી એસેમ્બલી પ્લાન્ટ સ્થાપવા માટે સમજૂતી કરી

વડોદરા, ગુજરાત | ૧૭મી નવેમ્બર ૨૦૨૬ | મર્ક્યુરી ઈવી-ટેક લિમિટેડ (BSE: 531357, NSE: MERCURYEV)એ આફ્રિકન દેશ માલાવીની લિલોંગ્વે સિટી કાઉન્સિલ સાથે સમજૂતી કરાર (MoU) પર હસ્તાક્ષર કર્યા. આ સમજૂતીનો ઉદ્દેશ માલાવીના લિલોંગ્વે શહેરમાં 150 ઇલેક્ટ્રિક બસોની તૈનાતી અને સ્થાનિક સ્તરે ઇલેક્ટ્રિક વાહનોનું એસેમ્બલી યુનિટ સ્થાપવાની શક્યતાઓ અંગે સહયોગ કરવાનો છે.

સમજૂતી કરાર પર હસ્તાક્ષર પ્રસંગે મર્ક્યુરી ઈવી-ટેક લિમિટેડના સેલ્સ અને ઇન્ટરનેશનલ બિઝનેસના વડા યોગેશ કુમાર સિંહ તથા લિલોંગ્વે સિટી કાઉન્સિલના મુખ્ય કાર્યકારી અધિકારી ક્લેમેન્ટ સ્ટામ્બુલી ઉપસ્થિત રહ્યા હતા.

સમજૂતી કરારના મુખ્ય ઉદ્દેશો નીચે મુજબ છે:

  1. **ઇલેક્ટ્રિક બસોની તૈનાતી:** લિલોંગ્વે શહેરમાં જાહેર પરિવહન વ્યવસ્થાને પર્યાવરણને અનુકૂળ અને ટકાઉ બનાવવા માટે 150 ઇલેક્ટ્રિક બસોની સપ્લાય અને સંચાલનમાં સહયોગ કરવો.
  2. **સ્થાનિક એસેમ્બલી પ્લાન્ટની સ્થાપના:** પરસ્પર ચર્ચા, વ્યવહાર્યતા અભ્યાસ અને જરૂરી નિયમનકારી મંજૂરીઓના આધારે લિલોંગ્વેમાં ઇલેક્ટ્રિક બસોના સ્થાનિક એસેમ્બલી યુનિટની સ્થાપનાની શક્યતાઓને આગળ વધારવી.
  3. **ટેક્નોલોજી અને જ્ઞાનનું આદાનપ્રદાન:** ઇલેક્ટ્રિક મોબિલિટી ક્ષેત્રે ટેક્નોલોજી ટ્રાન્સફર, ટેક્નિકલ સહાય, તાલીમ અને સ્થાનિક સ્તરે જરૂરી ક્ષમતાઓના વિકાસ માટેની તકો શોધવી.
  4. **ટકાઉ શહેરી પરિવહનને પ્રોત્સાહન:** કાર્બન ઉત્સર્જન ઘટાડવા તથા સ્વચ્છ, કાર્યક્ષમ અને પર્યાવરણને અનુકૂળ જાહેર પરિવહન વ્યવસ્થા વિકસાવવાના લિલોંગ્વે શહેરના પ્રયાસોમાં સહયોગ કરવો.

લિલોંગ્વે સિટી કાઉન્સિલના જણાવ્યા અનુસાર, આ ઇલેક્ટ્રિક બસોનો ઉપયોગ શહેરની જાહેર પરિવહન વ્યવસ્થામાં કરવાનો પ્રસ્તાવ છે. આ પહેલ કાઉન્સિલના ‘ક્લીન એન્ડ ગ્રીન સિટી’ (સ્વચ્છ અને હરિયાળું શહેર)ના લક્ષ્યને અનુરૂપ છે.

મર્ક્યુરી ઈવી-ટેક માટે આ સમજૂતી આફ્રિકાના ઇલેક્ટ્રિક મોબિલિટી બજારમાં વ્યાવસાયિક તકો શોધવાની દિશામાં એક મહત્ત્વપૂર્ણ વ્યૂહાત્મક પહેલ છે. કંપનીનું માનવું છે કે તેનાથી આફ્રિકન બજારમાં તેની હાજરી મજબૂત બનાવવા અને આંતરરાષ્ટ્રીય કારોબારના વિસ્તરણને નવી દિશા મળશે.

જોકે, પ્રસ્તાવિત પ્રવૃત્તિઓને બંને પક્ષોની પરસ્પર સંમતિ, લાગુ કાયદાઓ અને જરૂરી નિયમનકારી મંજૂરીઓ અનુસાર આગળ વધારવામાં આવશે. પ્રોજેક્ટની વ્યાવસાયિક શરતો, અમલીકરણની સમયમર્યાદા અને અન્ય અંતિમ વ્યવસ્થાઓ બંને પક્ષો વચ્ચે અલગથી નક્કી કરવામાં આવશે.

ઊર્જાના વધુ હરિત, સ્વચ્છ અને બિનપરંપરાગત સ્ત્રોતોની વધતી જરૂરિયાતને ધ્યાનમાં રાખીને મર્ક્યુરી ઈવી-ટેક લિમિટેડ (BSE: 531357, NSE: MERCURYEV)એ નવીન અને અદ્યતન ઇલેક્ટ્રિક મોબિલિટી સોલ્યુશન્સ વિકસાવવા પર પોતાનું ધ્યાન કેન્દ્રિત કર્યું છે. ટકાઉ પરિવહનના ભવિષ્યમાં યોગદાન આપવાના વિઝન સાથે કંપનીએ ઇલેક્ટ્રિક ટુ-વ્હીલર, થ્રી-વ્હીલર અને કોમર્શિયલ ફોર-વ્હીલર વાહનોના ક્ષેત્રમાં પોતાની ક્ષમતાઓ વિકસાવી છે.

કંપનીના સ્થાપક જયેશ ઠક્કરના વિઝન હેઠળ કંપનીએ ઇલેક્ટ્રિક વાહનોને ભવિષ્ય માટેના શ્રેષ્ઠ મોબિલિટી સોલ્યુશન્સ પૈકીના એક તરીકે ઓળખ્યા છે. આ સાથે ઇલેક્ટ્રિક ટુ-વ્હીલર, થ્રી-વ્હીલર અને કોમર્શિયલ ફોર-વ્હીલર વાહનો માટે વ્યાપક R&D (સંશોધન અને વિકાસ) ક્ષમતાઓ તથા ટેક્નિકલ નિપુણતા પણ પ્રાપ્ત કરી છે.

હાલમાં કંપનીનું સંચાલન ગુજરાતના વડોદરા નજીક ‘પોર’ (Por) ખાતે આવેલી 18 એકરમાં ફેલાયેલી અત્યાધુનિક ઉત્પાદન સુવિધા (મેન્યુફેક્ચરિંગ ફેસિલિટી)માંથી થાય છે. આ એકમ વ્યૂહાત્મક રીતે ‘ગોલ્ડન ક્વાડ્રિલેટરલ’ (સ્વર્ણિમ ચતુર્ભુજ)ની નજીક સ્થિત છે. કંપનીની ઉત્પાદન ક્ષમતાઓ ઇલેક્ટ્રિક મોબિલિટી સોલ્યુશન્સના વિકાસમાં સહાયક બને છે. આ સાથે પરંપરાગત ઇંધણમાંથી સ્વચ્છ ઇલેક્ટ્રિક મોબિલિટી તરફના પરિવર્તનને શક્ય બનાવીને ‘આત્મનિર્ભર ભારત’ અને ‘ટકાઉ વિકાસ’ (સસ્ટેનેબલ ડેવલપમેન્ટ)ના વ્યાપક લક્ષ્યોમાં પણ યોગદાન આપે છે.

ઇન-હાઉસ (કંપનીની અંદર જ) ઉત્પાદન અને ‘મેક ઇન ઇન્ડિયા’ પહેલ પર ધ્યાન કેન્દ્રિત કરીને કંપની ગુણવત્તા અને ખર્ચ પર વધુ સારું નિયંત્રણ રાખે છે. આ સાથે થર્ડ-પાર્ટી વેન્ડર્સ પરની પોતાની નિર્ભરતા પણ ઘટાડે છે. કંપની પોતાના એકમમાં ઇલેક્ટ્રિક વાહનોના મુખ્ય પાર્ટ્સનું ઉત્પાદન કરે છે, જેમાં ઈવી બેટરી, ચેસિસ, કોમર્શિયલ ચાર્જર અને ઇલેક્ટ્રિક વાહન ચાર્જરનો સમાવેશ થાય છે. આ માટે કંપની પાસે પોતાનો ‘કેથોડિક ઇલેક્ટ્રો ડિપોઝિશન’ (CED) કોટિંગ પ્લાન્ટ પણ છે, જે ગુજરાત રાજ્યના સૌથી મોટા પ્લાન્ટ્સ પૈકીનો એક છે.

ઇલેક્ટ્રિક વાહનોના વિવિધ પાર્ટ્સથી લઈને સંપૂર્ણ ઇલેક્ટ્રિક વાહનો સુધી, મર્ક્યુરી ઈવી-ટેક એક એવું સંકલિત ઉત્પાદન ઇકોસિસ્ટમ વિકસાવી રહી છે, જેનો મુખ્ય ઉદ્દેશ ભારતને સ્વચ્છ અને ટકાઉ મોબિલિટી તરફ આગળ લઈ જવાનો છે.

== સમાપ્ત ==

Related posts

ટ્રાન્સમોન્ટિનાએ હેરિટેજ આયર્ન રેંજ સાથે ભારતીય રસોઈની પરંપરાઓને નવું સ્વરૂપ આપ્યું

Master Admin

હિમાચલમાં આફતની હિમવર્ષા, ૧૦ જિલ્લામાં એલર્ટ આપ્યું

Master Admin

Tata Motors strengthens CSR footprint, benefits 1.47 million lives in FY’25 ~Engages with untapped communities through a sustainable model ~

Reporter1

Leave a Comment

Translate »