ગુજરાત, અમદાવાદ | ૦૪ ફેબ્રુઆરી ૨૦૨૬ — વર્લ્ડ કેન્સર ડે નિમિત્તે HCG આસ્થા કેન્સર સેન્ટર, સોલા દ્વારા ‘પિંક પાવર વોકાથોન – સ્ટેપ અપ. સ્પીક આઉટ.’ નું આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ કેન્સર અંગે જાગૃતિ ફેલાવવી, વહેલી તકે નિદાનતા સમજાવવી અને રોકથામ અંગે જનજાગૃતિ વધારવી હતો. વર્લ્ડ કેન્સર ડેની સવારે HCG આસ્થા કેન્સર સેન્ટર (HACC) દ્વારા યોજાયેલી પિંક પાવર વોકાથોનની સફળ શરૂઆત થઈ, જેમાં 220 મહિલાઓએ ઉત્સાહપૂર્વક ભાગ લીધો અને કેન્સર જાગૃતિ ફેલાવી સમાજને સ્વસ્થ ભવિષ્ય તરફ પ્રેરિત કર્યો.
આ વોકાથોનમાં ઓન્કોલોજી નિષ્ણાતો, ડૉક્ટરો, કેન્સર સર્વાઈવર્સ, દર્દીઓ, તેમના પરિવારજનો, હોસ્પિટલ સ્ટાફ તેમજ સામાન્ય નાગરિકોએ ઉત્સાહપૂર્વક ભાગ લીધો હતો. તમામ ભાગ લેનારોએ એકસાથે ચાલીને એ સંદેશ આપ્યો કે કેન્સર સામેની લડતમાં જાગૃતિ અને સમયસર સારવાર જીવન બચાવી શકે છે.
આ પ્રસંગે HCG આસ્થા કેન્સર સેન્ટરના તજજ્ઞ ડૉક્ટરોએ જણાવ્યું કે સ્તન અને ગાયનેકોલોજીકલ કેન્સર સહિત ઘણા કેન્સર વહેલી તકે શોધાઈ શકે છે, જો નિયમિત તપાસ અને યોગ્ય સ્ક્રીનિંગ કરવામાં આવે. તેમણે કેન્સર સંબંધિત ભય, ગેરસમજ અને સામાજિક કલંક દૂર કરવાની જરૂરિયાત પર પણ ભાર મૂક્યો.
કાર્યક્રમ દરમિયાન મહિલાઓને સ્વ-પરીક્ષણ, નિયમિત સ્ક્રીનિંગ અને સ્વસ્થ જીવનશૈલી અંગે માહિતગાર કરવામાં આવ્યા. કેન્સર સર્વાઈવર્સે પોતાના અનુભવ શેર કરી એ વિશ્વાસ જગાવ્યો કે વહેલા નિદાન થવાથી કેન્સર સારવારયોગ્ય બને છે.
‘પિંક પાવર વોકાથોન’ દ્વારા વર્લ્ડ કેન્સર ડેના વૈશ્વિક સંદેશ જાગૃતિ, એકતા અને પગલા ભરવા ને વધુ મજબૂતી મળી. HCG આસ્થા કેન્સર સેન્ટરે ભવિષ્યમાં પણ આવા જાગૃતિ કાર્યક્રમો, સ્ક્રીનિંગ કેમ્પ્સ અને સમર્પિત કેન્સર સારવાર સેવાઓ દ્વારા સમાજની સેવા ચાલુ રાખવાની પ્રતિબદ્ધતા વ્યક્ત કરી.
≡≡≡≡ ≡≡≡≡ ≡≡≡≡
