Nirmal Metro – Best Gujarati Newspaper – Daily – ગુજરાતી સમાચાર – Gujarat
businessnational

દુબઈથી, પ્રેમ સાથે: વિચારપૂર્વક હોલિડે ભેટ પસંદગી માટેની માર્ગદર્શિકા

નવ વિશિષ્ટ સ્થળોને આવરી લેતી આ માર્ગદર્શિકા શહેરના સ્વતંત્ર બુટિક, ડિઝાઇન-કેન્દ્રિત કોન્સેપ્ટ સ્ટોર અને વિશેષ રિટેલર્સ પર પ્રકાશ પાડે છે, જે તહેવારોની મોસમ માટે નવી પ્રેરણા આપે છે.



રાષ્ટ્રીય | ૧૮ નવેમ્બર ૨૦૨૬ | કેટલીક ભેટો પ્રસંગ વીતી ગયા પછી પણ લાંબા સમય સુધી યાદ રહે છે — માત્ર તે શું છે તેના કારણે નહીં, પરંતુ તે પોતાની સાથે જે કહાણીઓ લઈને આવે છે તેના કારણે પણ. જ્યાં સંસ્કૃતિઓ, કારીગરી અને સર્જનાત્મકતા એકસાથે મળે છે એવા શહેરમાં, ખરેખર કંઈક અનોખું શોધવું એ જ અનુભવનો એક ભાગ છે. પ્રાદેશિક ડિઝાઇનના સમકાલીન સ્વરૂપો અને કારીગરોએ બનાવેલી અમૂલ્ય વસ્તુઓથી લઈને સ્વાદિષ્ટ વાનગીઓ અને વ્યક્તિગત રુચિ મુજબ તૈયાર કરાયેલી સુગંધો સુધી, દુબઈ ભેટની શક્યતાઓની એક આખી દુનિયા રજૂ કરે છે.

આ હોલિડે સીઝનમાં શહેરની કેટલીક સૌથી રસપ્રદ વસ્તુઓ શોધો — જેમાંની દરેકની પોતાની એક નાનકડી કહાણી છે.

સિટીઝમાં ચૂંટેલી વસ્તુઓ

કલા, ડિઝાઇન અને કંઈક હટકે વસ્તુઓની કદર કરનારાઓ માટે સિટીઝ (Cities) અવશ્ય જોવા જેવું છે. આ મલ્ટી-બ્રાન્ડ કોન્સેપ્ટ સ્ટોર પ્રાદેશિક પ્રતિભાઓના વૈવિધ્યસભર સંગ્રહને એક જ સ્થળે લાવે છે, જેમાં શિલ્પો અને ડિઝાઇનર વસ્તુઓથી લઈને અનોખા ગેજેટ્સ અને સંગ્રહણીય વસ્તુઓ સુધી બધું જ ઉપલબ્ધ છે. અહીં સમયાંતરે બદલાતાં ઇન-હાઉસ પ્રદર્શનોમાં વિશિષ્ટ કૃતિઓ પણ રજૂ કરવામાં આવે છે, જેથી કંઈક અનોખું શોધવા માટે આ એક ઉત્તમ સ્થળ બને છે. સિટીઝ પામ જુમેરાહ મોલ, દુબઈ મોલ, દુબઈ હિલ્સ મોલ અને ગેલેરિયા મોલમાં આવેલું છે.

કલ્ચર હાઉસમાં વૈવિધ્યસભર યાદગીરીઓ

આ પ્રદેશની પરંપરાગત પસંદ એવી ખજૂર, જ્યારે થોડી ખાસ રીતે રજૂ કરવામાં આવે ત્યારે એક સુંદર ભેટ બની જાય છે. બતીલ પ્રીમિયમ જાતો અને નવીન ફિલિંગ્સ સાથે આ પરંપરાગત વાનગીને એક નવા સ્તરે લઈ જાય છે, જેમાં કેરેમલાઇઝ્ડ મેકાડેમિયા, કેન્ડીડ આદુ અને નારંગીની છાલનો સમાવેશ થાય છે. સુંદર રીતે પેક કરેલાં ગિફ્ટ બોક્સ, સાથે જ ડેટ બાલ્સમિક અને ડેટ મસ્ટર્ડ જેવી ખજૂરથી પ્રેરિત પ્રોડક્ટ્સ, ખાવાના શોખીનો માટે આકર્ષક વિકલ્પ છે. બતીલ દુબઈ મોલમાં આવેલું છે.

સિલસાલ ડિઝાઇન હાઉસના કલાત્મક ટેબલવેર

રોજિંદા જીવનમાં કલાત્મક સ્પર્શ ઉમેરતી ભેટો માટે, સિલસાલ ડિઝાઇન હાઉસ પ્રાદેશિક ડિઝાઇન પરંપરાઓથી પ્રેરિત સમકાલીન ટેબલવેર રજૂ કરે છે. તેના સંગ્રહમાં કોફી મગ, એક્રેલિક ટ્રે, રંગબેરંગી કોસ્ટર્સ અને ડિનર સેટનો સમાવેશ થાય છે, જેના પર ઘણીવાર અરબી કેલિગ્રાફી અને સ્થાનિક પ્રેરણાવાળી ભાત જોવા મળે છે. લિમિટેડ-એડિશન સંગ્રહો અને સીઝનલ પ્રોડક્ટ્સ બ્લૂમિંગડેલ્સમાં પણ ઉપલબ્ધ છે, જે મહેમાનગતિનો શોખ ધરાવતી કોઈપણ વ્યક્તિ માટે આ વસ્તુઓને એક વિચારપૂર્વકની ભેટ બનાવે છે.

ઓ’ડે રોઝના સ્ટેટમેન્ટ પીસ

વિશિષ્ટ એક્સેસરીઝ અને ખાસ ભેટોની શોધમાં હોય તેઓ અલ વસલ રોડ પર આવેલા ઓ’ડે રોઝની મુલાકાત લઈ શકે છે. સ્ટાઇલિસ્ટ્સ અને કલેક્ટર્સમાં લોકપ્રિય આ બુટિક પ્રાદેશિક લેબલ્સ, સ્ટેટમેન્ટ જ્વેલરી, કપડાં, સુશોભનની વસ્તુઓ અને ઇન્ટિરિયર એક્સેસરીઝને એક જ સ્થળે લાવે છે. લીના રાય અને ક્રિસ્ટલ હેઝની જ્વેલરીથી લઈને અરબી કેલિગ્રાફીથી પ્રેરિત કોફી કપ અને અનોખી ગૃહસજાવટની વસ્તુઓ સુધી, ડિઝાઇનની સૂઝ ધરાવતી વ્યક્તિ માટે અહીં શોધવા જેવું ઘણું છે.

અલ જઝીરા પરફ્યુમ્સમાં ખાસ તૈયાર કરાતી સુગંધો

સુગંધ એક ખાસ વ્યક્તિગત ભેટ બની શકે છે, અને અલ જઝીરા પરફ્યુમ્સ ખરેખર પોતીકું કંઈક બનાવવાની તક આપે છે. દુબઈ મોલમાં આવેલા આ સ્ટોરમાં પરંપરાગત ઊદ અને અરબી સુગંધોની પસંદગી ઉપલબ્ધ છે, જ્યાં મુલાકાતીઓ ડિસ્ટિલ્ડ તેલની સુગંધ ચકાસીને પોતાની પસંદ મુજબ તેનું મિશ્રણ તૈયાર કરાવી શકે છે. ચંદન, ગુલાબ અને ચમેલી જેવી નોટ્સ સાથે, દરેક સુગંધને પસંદગીની શીશીમાં ભરાવી શકાય છે, જે શહેરની એક વ્યક્તિગત યાદગીરી બની જાય છે.

ધેટ કોન્સેપ્ટ સ્ટોરમાં સર્જનાત્મક વસ્તુઓ

મોલ ઓફ ધ એમિરેટ્સમાં આવેલો ધેટ (THAT) કોન્સેપ્ટ સ્ટોર ફેશન, લાઇફસ્ટાઇલ અને ડિઝાઇનને એક જ છત નીચે લાવે છે. તેના સંગ્રહમાં પ્રાદેશિક પ્રેરણાવાળા ભેટ વિકલ્પો છે, જેમ કે અરબી કેલિગ્રાફીથી શણગારેલા પોર્સેલિન કપ અને હાથથી બનાવેલાં પરંપરાગત પિત્તળ અને કાંસાનાં ફાનસ. આ ઉપરાંત ખરીદદારો કપડાં, એક્સેસરીઝ, બેગ્સ અને બ્યુટી પ્રોડક્ટ્સ પણ જોઈ શકે છે, જેથી જુદાં જુદાં વ્યક્તિત્વ અને પસંદ ધરાવતા લોકો માટે કંઈક શોધવા આ એક અનુકૂળ સ્થળ બને છે.

દુબઈમાં ખરીદી એટલે માત્ર ગિફ્ટ બેગમાં શું પહોંચે છે એ જ નહીં, પરંતુ રસ્તામાં થતી નવી શોધો પણ એટલી જ મહત્ત્વની છે. શહેરનાં જાણીતાં લોકપ્રિય સ્થળો અને સ્વતંત્ર સર્જનાત્મક સ્થાનોનો સમન્વય તેના અનેક પ્રભાવોની એક ઝલક આપે છે, જેથી દરેક શોપિંગ સફર આ ડેસ્ટિનેશનનું એક અલગ પાસું જોવાની તક બની જાય છે. આ હોલિડે સીઝનમાં આવનારા પ્રવાસીઓ માટે, થોડું ફરવા-શોધવા માટે સમય રાખવાનું આ વધુ એક કારણ છે.

– સમાપ્ત –

Related posts

Turkish Airlines Revamps its Amenity Kit Concept

Reporter1

ટકાઉ નવીનતા પર વિશેષ ભાર સાથે કર્ણાવતી યુનિવર્સિટીમાં CICON 2026નો પ્રારંભ

Master Admin

ભારતમાં એમેઝોન એડ્સને પુરા થયા દસ વર્ષ; AI ટૂલ્સના લોન્ચ અને જાહેરાતકર્તાઓ માટે નવા અનુભવ સાથે ફુલ-ફનલ એડવર્ટાઇઝિંગ બની સરળ

Master Admin

Leave a Comment

Translate »