મેરિટ્રોનિક્સ બીએસઈ એસએમઈ આઈપીઓ સમીક્ષા

Courtesy:  https://www.chittorgarh.com/

Review By Dilip Davda on May, 2026

મુખ્ય હાઇલાઇટ્‌સઃ
•કંપની સંરક્ષણ, એરોસ્પેસ અને ઔદ્યોગિક ઇલેક્ટ્રોનિક્સ માટે ઉચ્ચ વિશ્વસનીયતા, મિશન કટોકટી ઉત્પાદનોમાં વિશેષતા ધરાવતી ઇલેક્ટ્રોનિક્સ સિસ્ટમ્સ ડિઝાઇન અને મેન્યુફેક્ચરિંગ સેવાઓમાં સંકળાયેલી છે.
•કંપની મોટાભાગે તેની સંકલિત ઉત્પાદન અને ડિઝાઇન સપોર્ટ ઇલેક્ટ્રોનિક સિસ્ટમ્સ સાથે બીટુબી સેગમેન્ટમાં કાર્ય કરે છે.
•કંપનીએ અહેવાલ કરેલ સમયગાળા માટે તેની ટોપ અને બોટમ લાઇન્સ (આવક અને નફા) માં વૃદ્ધિ દર્શાવી છે.
•નાણાકીય વર્ષ ૨૫ થી થયેલો બમ્પર નફો આશ્ચર્ય પેદા કરે છે.
•તેના તાજેતરના નાણાકીય ડેટાના આધારે, ઇશ્યૂ સંપૂર્ણ કિંમતનો (પૂરો પ્રાઇસ થયેલો) દેખાય છે.
•સારી માહિતી ધરાવતા/રોકડ સરપ્લસ ધરાવતા રોકાણકારો મધ્યમથી લાંબા ગાળા માટે ભંડોળ રોકી શકે છે.

કંપની વિશેઃ
મેરિટ્રોનિક્સ લિમિટેડ (એમએલ) એક ઇલેક્ટ્રોનિક્સ સિસ્ટમ્સ ડિઝાઇન એન્ડ મેન્યુફેક્ચરિંગ સેવાઓ (“ઈએસડીએમ”) કંપની છે જે સંરક્ષણ, એરોસ્પેસ, ટેલિકોમ્યુનિકેશન્સ, ડિઝાઇન હાઉસ ઓઇએમ, એન્જિનિયરિંગ સેવાઓ કંપનીઓ અને વિશિષ્ટ ઔદ્યોગિક ઇલેક્ટ્રોનિક્સ માટે ઉચ્ચ-વિશ્વસનીયતા, મિશન કટોકટી ઇલેક્ટ્રોનિક એસેમ્બલીઝ અને સિસ્ટમ્સમાં વિશેષતા ધરાવે છે. તે મુખ્યત્વે બિઝનેસ-ટુ-બિઝનેસ (“બીટુબી”) ઇલેક્ટ્રોનિક મેન્યુફેક્ચરિંગ સેવાઓમાં સંકળાયેલી છે, જેમાં કમ્પોનન્ટ સોર્સિંગ, પ્રિન્ટેડ સર્કિટ બોર્ડ (“પીસીબી”) એસેમ્બલી, સિસ્ટમ ઇન્ટિગ્રેશન, ટેસ્ટિંગ, બોક્સ-બિલ્ડ સોલ્યુશન્સ અને ફિનિશ્ડ ઇલેક્ટ્રોનિક ઉત્પાદનોની ડિલિવરીનો સમાવેશ થાય છે — જે ભારતના વ્યૂહાત્મક સંરક્ષણ અને એરોસ્પેસ કાર્યક્રમો માટે જરૂરી ગુણવત્તાના ધોરણો મુજબ ચલાવવામાં આવે છે.

આ સંકલિત ઉત્પાદન અને ડિઝાઇન સપોર્ટ ક્ષમતા તેને એવા ઉદ્યોગોને સેવા આપવા માટે સક્ષમ બનાવે છે જેને વિશ્વસનીય અને કામગીરી લક્ષી ઇલેક્ટ્રોનિક સિસ્ટમ્સની જરૂર હોય છે. એમએલ ની ઉત્પાદન પ્રક્રિયાનો એક મુખ્ય ભાગ સરફેસ-માઉન્ટ ટેક્નોલોજી (“એસએમટી”) છે, જેમાં ઓટોમેટેડ પ્લેસમેન્ટ સિસ્ટમ્સ અને નિયંત્રિત રિફ્લો પ્રક્રિયાઓનો ઉપયોગ કરીને પ્રિન્ટેડ સર્કિટ બોડ્‌ર્સ (પીસીબી) ની સપાટી પર સીધા જ ઇલેક્ટ્રોનિક ઘટકોને એસેમ્બલ કરવાનો સમાવેશ થાય છે. તેની એસએમટી ક્ષમતાઓમાં બોલ ગ્રીડ એરે (બીજીએ) અને માઇક્રો-બીજીએ ઘટકો જેવી અદ્યતન પેકેજિંગ તકનીકોની એસેમ્બલીનો સમાવેશ થાય છે, જે સામાન્ય રીતે ઉચ્ચ-કામગીરી અને લઘુચિત્ર ઇલેક્ટ્રોનિક સિસ્ટમ્સમાં ઉપયોગમાં લેવાય છે. ૩૧ માર્ચ, ૨૦૨૬ ના રોજ કંપનીની ઉત્પાદન સુવિધા વાર્ષિક ધોરણે એસએમટી એસેમ્બલી માટે ૧૦,૭૫,૦૦૦ બોર્ડ, થ્રુ-હોલ ટેક્નોલોજી (ટીએચટી) એસેમ્બલી માટે ૬,૦૦,૦૦૦ બોર્ડ અને પ્રોડક્ટ એસેમ્બલી/બોક્સ બિલ્ડ માટે ૪,૨૦,૦૦૦ યુનિટની સ્થાપિત ક્ષમતા ધરાવે છે, જે કુલ મળીને વાર્ષિક ૧૭,૮૫,૦૦૦ પ્રોડક્શન યુનિટની સ્થાપિત ક્ષમતા ધરાવે છે.

તેની એસએમટી ક્ષમતાઓ સંરક્ષણ, એરોસ્પેસ અને ઔદ્યોગિક ઇલેક્ટ્રોનિક સિસ્ટમ્સમાં જરૂરી અદ્યતન અને લઘુચિત્ર ઘટકોના ઉપયોગને સપોર્ટ કરે છે. એસએમટી પ્રક્રિયાનું મોટે ભાગે સ્વયંસંચાલિત સ્વરૂપ — જેમાં સોલ્ડર પેસ્ટ પ્રિન્ટિંગ, ઓટોમેટેડ કમ્પોનન્ટ પ્લેસમેન્ટ અને નિયંત્રિત રિફ્લો સોલ્ડરિંગનો સમાવેશ થાય છે — તે સતત ગુણવત્તા અને ચોકસાઇ સક્ષમ કરે છે. તે બોક્સ-બિલ્ડ અને સિસ્ટમ ઇન્ટિગ્રેશન પ્રવૃત્તિઓ પણ હાથ ધરે છે, જેમાં ઇલેક્ટ્રોનિક મોડ્યુલો અને સબસિસ્ટમ્સનું સંપૂર્ણ કાર્યાત્મક અંતિમ ઉત્પાદનોમાં એસેમ્બલી અને ઇન્ટિગ્રેશન સામેલ છે. કંપની સમગ્ર સિસ્ટમ ઇન્ટિગ્રેશન પ્રક્રિયાના ભાગ રૂપે, જ્યાં જરૂર હોય ત્યાં તૃતીય-પક્ષ વિક્રેતાઓ દ્વારા મિકેનિકલ એન્ક્‌લોઝર ફેબ્રિકેશન અને સંબંધિત પ્રક્રિયાઓનું સંચાલન પણ કરે છે, જેનાથી ગ્રાહકો સિંગલ, સંકલિત ઇન્ટરફેસ દ્વારા જોડાઈ શકે છે.

કંપની તેની આવક વ્યવસાયના વિવિધ સેગમેન્ટ્‌સમાંથી મેળવે છે, જેમ કે જોબ વર્ક, ટર્નકી મેન્યુફેક્ચરિંગ/બિલ્ડ-ટુ-પ્રિન્ટ, ઓબ્સોલેસેન્સ મેનેજમેન્ટ (જેમાં અપ્રચલિત ઘટકોની પ્રાપ્તિ અને એન્જિનિયરિંગ સપોર્ટનો સમાવેશ થાય છે) અને ટ્રેડિંગ વેચાણ. ભૂતકાળમાં, તેણે ટેલિકોમ કેબલ જોઇન્ટિંગ કિટ્‌સનું વેચાણ હાથ ધર્યું હતું, જે ત્યારથી બંધ કરવામાં આવ્યું છે. કંપનીએ મુખ્ય ઉદ્યોગ પ્રમાણપત્રો મેળવ્યા છે જે ગુણવત્તા પ્રત્યેની તેની પ્રતિબદ્ધતા અને ઇલેક્ટ્રોનિક્સ ઉત્પાદનમાં વૈશ્વિક સ્તરે માન્ય ધોરણોનું પાલન દર્શાવે છે. કંપનીએ એરોસ્પેસ અને સંરક્ષણ એપ્લિકેશન્સ માટે પ્રિન્ટેડ સર્કિટ બોર્ડ એસેમ્બલીઝ (પીસીબીએ) ના ઉત્પાદન માટે ઇએન ૯૧૦૦ઃ૨૦૧૮ પ્રમાણપત્ર મેળવ્યું છે, જે એએસ ૯૧૦૦ડી અને જેઆઇએસક્યુ ૯૧૦૦ઃ૨૦૧૬ ને સમકક્ષ છે અને તેમાં આઇએસઓ ૯૦૦૧ઃ૨૦૧૫ ગુણવત્તા વ્યવસ્થાપન ધોરણો શામેલ છે. આ પ્રમાણપત્ર પુષ્ટિ કરે છે કે કંપની એરોસ્પેસ અને સંરક્ષણ ઇલેક્ટ્રોનિક્સ ઉત્પાદન માટે જરૂરી કડક ગુણવત્તા વ્યવસ્થાપન પ્રથાઓનું પાલન કરે છે.

ટેલિકોમ્યુનિકેશન કમ્પોનન્ટ સપ્લાયના પ્રારંભિક તબક્કા પછી, કંપનીએ સંરક્ષણ અને એરોસ્પેસ ઇલેક્ટ્રોનિક્સ ઉત્પાદનમાં પ્રવેશ કર્યો, અને સંરક્ષણ જાહેર ક્ષેત્રના ઉપક્રમો માટે વિક્રેતા તરીકે પોતાને સ્થાપિત કરી. ત્યારબાદ તે ટર્નકી ઇલેક્ટ્રોનિક્સ ઉત્પાદન તરફ વળી છે, જે કમ્પોનન્ટ સોર્સિંગથી લઈને સિસ્ટમ ડિલિવરી સુધીના એન્ડ-ટુ-એન્ડ સોલ્યુશન્સ પ્રદાન કરે છે અને તેણે તાજેતરમાં એક સમર્પિત ઓબ્સોલેસેન્સ મેનેજમેન્ટ ક્ષમતા વિકસાવી છે, જે ગ્રાહકોને જૂની ઇલેક્ટ્રોનિક્સ લાઇફસાયકલ આવશ્યકતાઓ સાથે સંપૂર્ણ સિસ્ટમ રિપ્લેસમેન્ટ વિના જટિલ પ્લેટફોર્મ્સના ઓપરેશનલ આયુષ્યને લંબાવવા માટે સક્ષમ બનાવે છે. આ ઉત્ક્રાંતિ ઉચ્ચ-જટિલતા, ઉચ્ચ-મૂલ્ય ધરાવતા પ્રોગ્રામ જોડાણો તરફ ઇલેક્ટ્રોનિક્સ ઉત્પાદન મૂલ્ય શૃંખલામાં એક ચોક્કસ વ્યૂહાત્મક પ્રગતિ દર્શાવે છે.

તેના ગ્રાહક આધારમાં સંરક્ષણ, એરોસ્પેસ, ઇલેક્ટ્રિકલ એન્જિનિયરિંગ, ભારે ઉદ્યોગો, પાવર અને યુટિલિટીઝ જેવા ક્ષેત્રોમાં કાર્યરત ગ્રાહકોનો સમાવેશ થાય છે. તેણે એરોસ્પેસ, સંરક્ષણ ઇલેક્ટ્રોનિક્સ, કોમ્યુનિકેશન સિસ્ટમ્સ અને ટેકનોલોજી ક્ષેત્રોમાં કાર્યરત વિવિધ પ્રતિષ્ઠિત ગ્રાહકોને સેવા આપી છે. એમએલ ના ગ્રાહક આધારમાં એપોલો માઇક્રો સિસ્ટમ્સ લિમિટેડ, બિટ મેપર ઇન્ટિગ્રેશન ટેક્નોલોજીસ પ્રાઇવેટ ન્િમિટેડ, લિંકવેલ ટેલીસિસ્ટમ્સ પ્રાઇવેટ લિમિટેડ, સાય-કોમ સોફ્ટવેર ઇન્ડિયા પ્રાઇવેટ લિમિટેડ અને સિગ્મા એડવાન્સ્ડ સિસ્ટમ્સ લિમિટેડ અને અન્ય અગ્રણી પીએસયુ ગ્રાહકોનો સમાવેશ થાય છે. તેના અમુક ગ્રાહકો અગ્રણી સરકારી સંસ્થાઓ, જાહેર ક્ષેત્રના ઉપક્રમો (“પીએસયુ”) અને સંરક્ષણ સંબંધિત પ્રોજેક્ટ્‌સ સાથે પણ જોડાયેલા છે, જે તેના ઉત્પાદનો અને સેવાઓની ગુણવત્તાના ધોરણો અને વિશ્વસનીયતા દર્શાવે છે. ૩૧ માર્ચ, ૨૦૨૬ સુધીમાં, તેના પેરોલ પર ૫૭ કર્મચારીઓ અને વધારાના ૨૧ કરાર આધારિત કર્મચારીઓ હતા.

ઇશ્યૂની વિગતો / મૂડીનો ઇતિહાસઃ
કંપની રૂ ૭૦.૦૩ કરોડ એકત્ર કરવા માટે રૂ ૧૦ ના દરેક એવા ૪૭૦૦૦૦૦ ઇક્વિટી શેરનો તેનો પ્રથમ બુક બિલ્ડિંગ રૂટ આઈપીઓ લાવી રહી છે. કંપનીએ રૂ ૧૦ ના દરેક શેર માટે રૂ ૧૪૧- રૂ ૧૪૯ ની પ્રાઇસ બેન્ડ જાહેર કરી છે. લઘુત્તમ અરજી ૨૦૦૦ શેર માટે અને ત્યાર પછી તેના ૧૦૦૦ શેરના ગુણાંકમાં કરવાની રહેશે. આ ઇશ્યૂ સબ્સ્ક્રિપ્શન માટે ૦૧ જૂન, ૨૦૨૬ ના રોજ ખુલશે અને ૦૩ જૂન, ૨૦૨૬ ના રોજ બંધ થશે. શેર બીએસઈ એસએમઈ પર લિસ્ટ થશે. આઈપીઓ કંપનીની આઈપીઓ પછીની પેઇડ-અપ મૂડીના ૨૬.૮૮% હિસ્સો ધરાવે છે. ઇક્વિટી ઇશ્યૂની ચોખ્ખી આવકમાંથી, તે મશીનરી અને સાધનો પર કેપેક્સ માટે રૂ ૨૧.૩૬ કરોડ, અમુક ઉધારની ચુકવણી/પૂર્વચુકવણી માટે રૂ ૧૨.૭૨ કરોડ, કાર્યકારી મૂડી માટે રૂ ૨૧.૯૫ કરોડ અને બાકીની રકમ સામાન્ય કોર્પોરેટ હેતુઓ માટે વાપરશે.

આ આઈપીઓનું એકમાત્ર લીડ મેનેજમેન્ટ જીવાયઆર કેપિટલ એડવાઇઝર્સ પ્રાઇવેટ લિમિટેડ દ્વારા કરવામાં આવી રહ્યું છે, અને બિગશેર સર્વિસીસ પ્રાઇવેટ લિમિટેડ ઇશ્યૂના રજિસ્ટ્રાર છે. ગિરિરાજ સ્ટોક બ્રોકિંગ પ્રાઇવેટ લિમિટેડ માર્કેટ મેકર છે.
કંપનીએ પ્રારંભિક ઇક્વિટી મૂડી ફેસ વેલ્યુ પર ઇશ્યૂ કરી છે, તેણે માર્ચ ૨૦૦૫ – માર્ચ ૨૦૨૬ વચ્ચે રૂ ૩૦.૦૦ – રૂ ૧૦૮.૪૦ પ્રતિ શેરની પ્રાઇસ રેન્જમાં વધુ ઇક્વિટી શેર ઇશ્યૂ કર્યા છે. કંપનીએ મે ૨૦૨૫ માં ૨ શેર સામે ૧૩ ના ગુણોત્તરમાં બોનસ શેર પણ આપ્યા હતા. પ્રમોટર્સ/વેચાણ કરતા હિસ્સેદારો દ્વારા શેર સંપાદન કરવાની સરેરાશ કિંમત રૂ ૦.૦૦, રૂ ૦.૭૮, રૂ ૧.૦૯ અને રૂ ૧.૨૬ પ્રતિ શેર છે.

આઈપીઓ પછી, કંપનીની વર્તમાન રૂ ૧૨.૭૮ કરોડની પેઇડ-અપ ઇક્વિટી મૂડી વધીને રૂ ૧૭.૪? કરોડ થશે. આઈપીઓ પ્રાઇસિંગના અપર બેન્ડના આધારે, કંપની રૂ ૨૬૦.રટ્ઠહઙ્ઘઙ્મી૨ કરોડની માર્કેટ કેપ શોધી રહી છે.

નાણાકીય કામગીરીઃ
નાણાકીય કામગીરીના મોરચે, છેલ્લા ત્રણ નાણાકીય વર્ષોમાં, કંપનીએ કુલ આવક/ચોખ્ખો નફો અનુક્રમે રૂ ૮૬.૦૧ કરોડ / રૂ ૩.૦૫ કરોડ (નાણાકીય વર્ષ ૨૪), રૂ ૧૧૪.૦૪ કરોડ / રૂ ૮.૬૬ કરોડ (નાણાકીય વર્ષ ૨૫), રૂ ૧૫૬.૨૫ કરોડ / રૂ ૧૬.૧૦ કરોડ (નાણાકીય વર્ષ ૨૬) નોંધાવ્યો છે. જ્યારે તેણે અહેવાલ કરેલ સમયગાળા માટે તેની ટોપ લાઇન્સમાં વૃદ્ધિ દર્શાવી છે, ત્યારે વધેલી બોટમ લાઇન આશ્ચર્ય પેદા કરે છે, કારણ કે તેણે ટોપ લાઇન્સમાં આશરે બે ગણા ઉછાળા સાથે બોટમ લાઇન્સમાં પાંચ ગણાથી વધુનો ઉછાળો નોંધાવ્યો છે.

છેલ્લા ત્રણ નાણાકીય વર્ષો માટે, કંપનીએ રૂ ૧૦.૦૮ ની સરેરાશ ઇપીએસ અને ૩૯.૮૨% ની સરેરાશ આરઓએનડબલ્યુ અહેવાલ કરી છે. ૩૧ માર્ચ, ૨૦૨૬ ના રોજ રૂ ૪૧.૫૬ પ્રતિ શેરની તેની એનએવીના આધારે આ ઇશ્યૂ ૩.૫૯ ના પી/બીવી પર પ્રાઇસ થયેલ છે, પરંતુ તેના આઈપીઓ પછીના એનએવી ડેટા ઓફર દસ્તાવેજોમાંથી ગાયબ છે.

જો આપણે નાણાકીય વર્ષ ૨૬ ની સુપર કમાણીને તેની આઈપીઓ પછીની સંપૂર્ણ ડાઇલ્યુટેડ પેઇડ-અપ ઇક્વિટી મૂડીને આધારે ગણતરી કરીએ, તો માંગવામાં આવેલી કિંમત ૧૬.૧૮ ના પી/ઇ પર છે, અને નાણાકીય વર્ષ ૨૫ ની કમાણીના આધારે, પી/ઇ ૩૦.૧૦ પર રહે છે. તેની તાજેતરની કમાણીના આધારે ઇશ્યૂ સંપૂર્ણ કિંમતનો પ્રાઇસ થયેલ દેખાય છે.

કંપનીએ સંદર્ભિત સમયગાળા માટે અનુક્રમે ૩.૫૬% (નાણાકીય વર્ષ ૨૪), ૭.૬૩% (નાણાકીય વર્ષ ૨૫), ૧૦.૩૩% (નાણાકીય વર્ષ ૨૬) ના પીએટી માર્જિન અને ૪૩.૧૩%, ૬૬.૨૧%, ૪૫.૨૬% ના આરઓસીઇ માર્જિન પોસ્ટ કર્યા છે.

ડિવિડન્ડ નીતિઃ
કંપનીએ ઓફર ડોક્યુમેન્ટના અહેવાલ કરેલા સમયગાળા માટે કોઈ ડિવિડન્ડ ચૂકવ્યું નથી. તેણે નાણાકીય કામગીરી અને ભવિષ્યની સંભાવનાઓના આધારે ઓગસ્ટ ૨૦૨૫ માં પહેલેથી જ ડિવિડન્ડ નીતિ અપનાવી લીધી છે.

લિસ્ટેડ સાથીદારો સાથે સરખામણીઃ
ઓફર ડોક્યુમેન્ટ મુજબ, કંપનીએ સેન્ટમ ઇલેક્ટ્રોનિક્સ, વિન્યાસ ઇનોવેટિવને તેના લિસ્ટેડ સાથીદારો તરીકે દર્શાવ્યા છે. તેઓ ૪૬.૫ અને ૬૧.૩ ના પી/ઇ પર ટ્રેડ કરી રહ્યા છે (૨૬ મે, ૨૦૨૬ સુધીમાં). જો કે, તેઓ ખરેખર સમાન ધોરણે સરખામણી કરવા યોગ્ય નથી. આ સરખામણી માત્ર એક આંખમાં ધૂળ નાખવા જેવી દેખાય છે.

મર્ચન્ટ બેન્કરનો ટ્રેક રેકોર્ડઃ
છેલ્લા ત્રણ નાણાકીય વર્ષોમાં (ચાલુ નાણાકીય વર્ષ સહિત) જીવાયઆર કેપિટલ એડવાઇઝર્સ તરફથી આ ૩૬મું મેન્ડેટ છે. છેલ્લા ૧૧ લિસ્ટિંગમાંથી, ૨ સમાન ભાવે લિસ્ટ થયા છે અને બાકીના લિસ્ટિંગ તારીખે ૪.૯૨% થી ૯૦% ની વચ્ચેના પ્રીમિયમ સાથે લિસ્ટ થયા છે.

નિષ્કર્ષ / રોકાણ વ્યૂહરચનાઃ
એમએલ સંરક્ષણ, એરોસ્પેસ અને ઔદ્યોગિક ઇલેક્ટ્રોનિક્સ માટે ઉચ્ચ વિશ્વસનીયતા, મિશન કટોકટી ઉત્પાદનોમાં વિશેષતા ધરાવતી ઇલેક્ટ્રોનિક્સ સિસ્ટમ્સ ડિઝાઇન અને મેન્યુફેક્ચરિંગ સેવાઓમાં સંકળાયેલી છે. કંપની મોટાભાગે તેની સંકલિત ઉત્પાદન અને ડિઝાઇન સપોર્ટ ઇલેક્ટ્રોનિક સિસ્ટમ્સ સાથે બીટુબી સેગમેન્ટમાં કાર્ય કરે છે. કંપનીએ અહેવાલ કરેલ સમયગાળા માટે તેની ટોપ અને બોટમ લાઇન્સમાં વૃદ્ધિ દર્શાવી છે. નાણાકીય વર્ષ ૨૫ થી થયેલો બમ્પર નફો આશ્ચર્ય પેદા કરે છે. તેના તાજેતરના નાણાકીય ડેટાના આધારે, ઇશ્યૂ સંપૂર્ણ કિંમતનો દેખાય છે. સારી માહિતી ધરાવતા/રોકડ સરપ્લસ ધરાવતા રોકાણકારો મધ્યમથી લાંબા ગાળા માટે ભંડોળ રોકી શકે છે.

Review By Dilip Davda on May, 2026

Review Author

DISCLAIMER: No financial information whatsoever published anywhere here should be construed as an offer to buy or sell securities, or as advice to do so in any way whatsoever. All matter published here is purely for educational and information purposes only and under no circumstances should be used for making investment decisions. My reviews do not cover GMP market and operators game plans. Readers must consult a qualified financial advisor before making any actual investment decisions, based the on information published here. With entry barriers, SEBI wants only well-informed investors to participate in such offers. With crazy listings in the recent past, SME IPOs drew the attention of investors across the board and lead to seer madness. However, as SME issues have entry barriers and continued low preference from the broking community, any reader taking decisions based on any information published here does so entirely at their own risk. The above information is based on information available as of date coupled with market perceptions. The Author has no plans to invest in this offer.

About Dilip Davda

Dilip Davda is veteran journalist associated with stock market since 1978. He is contributing to print and electronic media on stock markets/insurance/finance since 1985.

Dilip Davda is a leading reviewer of public issues and NCDs in the primary stock market in India. The knowledge he gained over 3 decades while working in the stock market and a strong relationship with popular lead managers makes his reviews unique. His detailed fundamental and financial analysis of companies coming up with IPOs helps investors in the primary stock market. Dilip Davda has a special interest in analyzing the SME companies and writing reviews about their public issues. His reviews are regularly published online and in news papers.

(Dilip Davda -SEBI registered Research Analyst-Mumbai,

Registration no. INH000003127 (Perpetual)

Email id: dilip_davda@rediffmail.com ).

Courtesy:  https://www.chittorgarh.com/