ગાંધીનગર, ગુજરાત | ૦૮ ઓક્ટોબર ૨૦૨૬ | ભારતની પ્રથમ ‘પાવર લિવિંગ’ કમ્યુનિટી એવી ‘પ્રણા બાય નીલા સ્પેસીસ’ એ ગુજરાતમાં યોજાનારી પ્રથમ હાયરોક્સ ઇવેન્ટ માટે ‘ઈન્ડસલેન્ડ બેંક હાયરોક્સ ગુજરાત’ સાથે તેના અધિકૃત રિયલ એસ્ટેટ પાર્ટનર તરીકે ભાગીદારી કરી છે. આ ઇવેન્ટ 26 થી 28 નવેમ્બર, 2026 દરમિયાન ગાંધીનગરના હેલિપેડ એક્ઝિબિશન સેન્ટર ખાતે યોજાશે અને તે ઈન્ડસલેન્ડ બેંક દ્વારા પ્રસ્તુત કરવામાં આવશે. આ ભાગીદારી એવા સહિયારા વિચાર પર આધારિત બે પ્લેટફોર્મ્સને એકસાથે લાવે છે કે, શ્રેષ્ઠ જીવનશૈલીની શરૂઆત લોકોની શારીરિક અને માનસિક ક્ષમતાઓને ઓળખવા, વિકસાવવા અને જાળવી રાખવા માટે તેમને સક્ષમ બનાવવાથી થાય છે.
હાયરોક્સ, રોજિંદા ફિટનેસના શોખીનો તેમજ અનુભવી રમતવીરો માટે તૈયાર કરવામાં આવેલું વૈશ્વિક ફિટનેસ રેસિંગ ફોર્મેટ પ્રથમ વખત ગુજરાતમાં આવી રહ્યું છે. તેની વિચારધારા ફિટનેસને સુલભ બનાવવા અને વ્યક્તિઓને તેમની ક્ષમતા વિશેની માન્યતાઓથી આગળ વધીને પોતાને પડકારવામાં મદદ કરવા પર કેન્દ્રિત છે. દિલ્હી અને મુંબઈ જેવા શહેરોમાં યોજાયેલી સ્પર્ધાઓ બાદ, ગુજરાતમાં યોજાનારી આ ઇવેન્ટ ભારતમાં આ રમતની વધતી જતી હાજરીમાં વધુ એક મહત્વપૂર્ણ કદમ છે.
આ ફિલસૂફી પાવર લિવિંગ પ્રત્યે પ્રણા ના અભિગમને નજીકથી પ્રતિબિંબિત કરે છે. ગીફ્ટ સિટીમાં સ્થિત, પ્રણા ને એક સર્વાંગી જીવન વાતાવરણ તરીકે ડિઝાઇન કરવામાં આવ્યું છે જે સુખાકારી-કેન્દ્રિત માળખાકીય સુવિધાઓ, ટેકનોલોજી, ફિટનેસ, પુનઃપ્રાપ્તિ અને સમુદાયને એકસાથે લાવે છે જેથી રહેવાસીઓ કેવી રીતે જીવે છે તે શ્રેષ્ઠ બનાવવામાં મદદ મળે. તેની સુખાકારી અને દીર્ધાયુષ્ય ઇકોસિસ્ટમ ફિટનેસ ટેકનોલોજી, પુનઃપ્રાપ્તિ સાધનો, બાયોફિલિક ડિઝાઇન, હવા અને પાણી પ્રણાલીઓ અને શારીરિક જીવનશક્તિ અને માનસિક સુખાકારીને ટેકો આપવા માટે રચાયેલ જગ્યાઓને જોડે છે.
આ ભાગીદારીના મૂળમાં એક સહિયારી સમજ રહેલી છે કે સુખાકારી માત્ર જીમ કે કોઈ એક પ્રવૃત્તિ પૂરતી સીમિત ન હોવી જોઈએ. તેનો મુખ્ય ઉદ્દેશ્ય એવું વાતાવરણ ઊભું કરવાનો છે જે લોકોને વધુ સારું પ્રદર્શન કરવા, ઝડપથી સ્વસ્થ થવા અને રોજિંદા જીવનમાં સ્વાસ્થ્યપ્રદ આદતો કેળવવામાં મદદરૂપ થાય. જ્યાં હાયરોક્સ વ્યક્તિઓને તેમની શારીરિક ક્ષમતા ચકાસવા માટે પ્રોત્સાહિત કરે છે, ત્યાં પ્રણા એવું માળખું અને ઇકોસિસ્ટમ વિકસાવવા માંગે છે જે રેસ પછી પણ તે ક્ષમતાને જાળવી રાખવામાં મદદ કરે, જેથી લોકો વધુ ઊર્જા, સંતુલન અને દીર્ઘાયુ સાથે જીવન જીવી શકે.
નીલા સ્પેસીસ ના સીઈઓ દીપ વડોદરિયાએ કહ્યું, “હાયરોક્સ અને પ્રણા બંને એક સરળ છતાં શક્તિશાળી વિચાર પર આધારિત છે: આપણે ઘણીવાર જેટલું માનીએ છીએ તેના કરતાં વધુ ક્ષમતા ધરાવીએ છીએ. HYROX એવું વાતાવરણ પૂરું પાડે છે જ્યાં લોકો પોતાની જાતને પડકાર આપીને તેમની શારીરિક ક્ષમતાને જાણી શકે છે, જ્યારે પ્રણા ને તે માનસિકતાને રોજિંદા જીવનનો હિસ્સો બનાવવા માટે તૈયાર કરવામાં આવ્યું છે. ‘પાવર લિવિંગ’ દ્વારા, અમે ફિટનેસ અને રિકવરીથી લઈને માનસિક સુખાકારી અને સ્વસ્થ વૃદ્ધાવસ્થા સુધી, ઘર દ્વારા કઈ બાબતો શક્ય બની શકે છે તે અંગે નવેસરથી વિચારી રહ્યા છીએ. ઈન્ડસલેન્ડ હાયરોક્સ ગુજરાત સાથેની અમારી ભાગીદારી એ આ વિઝનનો જ એક સ્વાભાવિક વિસ્તાર છે; અને અમે એવા બે સમુદાયોને એકસાથે લાવવા માટે ઉત્સાહિત છીએ જેઓ સીમાઓ ઓળંગવામાં, સભાનપણે જીવવામાં અને સતત પોતાની જાતને વધુ બહેતર બનાવવામાં માને છે.”
હાયરોક્સ ઈન્ડિયાના કન્ટ્રી હેડ દીપક રાજે કહ્યું, “અમે જ્યારે રાજ્યમાં પ્રથમ વખત ‘ઈન્ડસલેન્ડ હાયરોક્સ ગુજરાત’નું આયોજન કરી રહ્યા છીએ, ત્યારે પ્રણા બાય નીલા સ્પેસીસ’ને અમારા અધિકૃત રિયલ એસ્ટેટ પાર્ટનર તરીકે જોડતા અમને આનંદ થાય છે. અમે એવો અનુભવ ઊભો કરવા માટે ઉત્સુક છીએ જે ગુજરાતના વધુને વધુ લોકોને તેમની ક્ષમતાઓને ઓળખવા અને જાણવા માટે પ્રેરિત કરે.”
હાયરોક્સ સાથેની આ ભાગીદારી, સુખાકારી, કાર્યક્ષમતા અને દીર્ઘાયુષ્ય પર આધારિત એક ઇકોસિસ્ટમ ઊભી કરવાના નીલા સ્પેસીસના વધતા જતા પ્રયાસોને વધુ વેગ આપે છે. અલ્ટ્રાહ્યુમન અને ડ્રીમસ્પેન જેવા વેલનેસ અને હેલ્થ ટેક્નોલોજી પ્લેટફોર્મ્સ સાથેના સહયોગ બાદ, હાયરોક્સ સાથેનું આ જોડાણ રિયલ એસ્ટેટ, ફિટનેસ ટેક્નોલોજી, કાર્યક્ષમતા અને સર્વાંગી સુખાકારીના સંગમસ્થાન પર પ્રણાની સ્થિતિને વધુ મજબૂત બનાવે છે. આ ભાગીદારી નીલા સ્પેસીસ અને હાયરોક્સ વચ્ચે છે; પ્રણા વિશેના દાવાઓ સ્વયં નીલા સ્પેસીસના છે.
== સમાપ્ત ==
