અમદાવાદ, ગુજરાત | ૧૩ નવેમ્બર ૨૦૨૬ | આસ્થા, પ્રેમ અને પરિવારજનો સાથે ખુશીઓ વહેંચવાના સુંદર ભાવને રજૂ કરતાં સૂરજ આર. બડજાત્યાની ફિલ્મ ‘યે પ્રેમ મોલ લિયા’ના મેકર્સે ફિલ્મનું ખાસ ગીત ‘બુલાએ છઠ્ઠી માં’ રિલીઝ કર્યું છે. આ ગીત છઠ પૂજાના પવિત્ર તહેવારને સમર્પિત છે.
આ ગીતમાં આયુષ્માન ખુરાના અને શર્વરી જોવા મળી રહ્યાં છે. બંને કલાકારો વચ્ચેની સુંદર પળો ગીતને વધુ ખાસ બનાવે છે. તહેવારના માહોલમાં બંનેની જોડી અને તેમની શાનદાર કેમેસ્ટ્રી ગીતની સુંદરતામાં વધારો કરે છે.
ગીતમાં આયુષ્માન અને શર્વરી પરંપરાગત વસ્ત્રોમાં જોવા મળે છે. બંને છઠ્ઠી મૈયાના આશીર્વાદ લેતા અને પૂજાના ઉત્સવમાં સામેલ થતા નજરે પડે છે. બંને વચ્ચેનો પ્રેમ અને આત્મીયતા સ્પષ્ટ રીતે જોવા મળે છે. આ ગીત માત્ર ભક્તિભાવ જ નહીં, પરંતુ પરિવારના તમામ સભ્યો સાથે મળીને તહેવાર ઉજવવાની ખુશીને પણ સુંદર રીતે રજૂ કરે છે.
સૂરજ બડજાત્યાની ફિલ્મોમાં સંગીતનું હંમેશાંથી વિશેષ સ્થાન રહ્યું છે. તેમની ફિલ્મોમાં તહેવારો, પૂજા-પાઠ અને પારિવારિક પરંપરાઓ વાર્તાનો મહત્વનો હિસ્સો હોય છે. ‘બુલાએ છઠ્ઠી માં’ દ્વારા તેમણે છઠ પૂજાની આ જ સુંદરતા અને આસ્થાને મોટા પડદા પર રજૂ કરી છે. છઠ પૂજા ખાસ કરીને બિહાર, ઝારખંડ અને પૂર્વી ઉત્તર પ્રદેશમાં ખૂબ જ શ્રદ્ધા અને ઉત્સાહ સાથે ઉજવવામાં આવે છે.
આ ગીતને હિમેશ રેશમિયાએ કમ્પોઝ કર્યું છે. શ્રેયા ઘોષાલ અને કેશવ આનંદે તેને પોતાનો અવાજ આપ્યો છે, જ્યારે ગીતના શબ્દો મનોજ મુન્તશિર શુક્લાએ લખ્યા છે. શ્રેયાનો સુરીલો અવાજ અને હિમેશનું સુંદર સંગીત આ ભક્તિ ગીતને વધુ ખાસ બનાવે છે. ગીતની કોરિયોગ્રાફી શબીના ખાને કરી છે, જ્યારે સિનેમેટોગ્રાફીની જવાબદારી મનોજ કુમાર ખટોઈએ સંભાળી છે.
‘બુલાએ છઠ્ઠી માં’ ફિલ્મ ‘યે પ્રેમ મોલ લિયા’ના મ્યુઝિક આલ્બમમાં ઉમેરાયેલું વધુ એક સુંદર ગીત છે. આ પહેલાં ફિલ્મનાં ‘જય અંબે બોલ’, ‘ઝુમકા પટોલા’ અને ‘સાવન આયા હૈ’ જેવાં ગીતો રિલીઝ થઈ ચૂક્યાં છે. હિમેશ રેશમિયાના સંગીતથી સજેલી આ ફિલ્મમાં તહેવાર, રોમાન્સ અને ભક્તિ જેવા અલગ-અલગ રંગનાં ગીતો સાંભળવા મળશે.
સૂરજ આર. બડજાત્યાના નિર્દેશનમાં બનેલી આ ફિલ્મમાં આયુષ્માન ખુરાના અને શર્વરી મુખ્ય ભૂમિકામાં છે. તેમની સાથે અનુપમ ખેર, સુપ્રિયા પાઠક, સીમા પાહવા, સૌમ્યા ટંડન, સ્વાનંદ કિરકિરે, શાદ રંધાવા, શ્રુતિ સેઠ, ગીતા અગ્રવાલ શર્મા, કૃષ રાવ અને અશ્નૂર કૌર પણ મહત્વની ભૂમિકાઓમાં જોવા મળશે.
રાજશ્રી પ્રોડક્શન્સે મહાવીર જૈન ફિલ્મ્સ સાથે મળીને આ ફિલ્મનું નિર્માણ કર્યું છે. પારિવારિક મનોરંજનથી ભરપૂર આ ફિલ્મ 27 નવેમ્બર 2026ના રોજ સિનેમાઘરોમાં રિલીઝ થશે.
‘બુલાએ છઠ્ઠી માં’ ગીત હવે રિલીઝ થઈ ગયું છે.
== સમાપ્ત ==
