- દર વર્ષે 140 મિલિયન યુનિટ ગ્રીન એનર્જીનું ઉત્પાદન કરે છે
- દર વર્ષે અંદાજે 1,14,800 ટન CO ઉત્સર્જનમાં ઘટાડો કરે છે
- સુધારેલી વિશ્વસનીયતા સુનિશ્ચિત કરવા માટે રિયલ-ટાઇમ એનાલિટિક્સ અને અદ્યતન ફોલ્ટ મેનેજમેન્ટ સિસ્ટમ્સ
અમદાવાદ, ગુજરાત | ૨૨ મે ૨૦૨૬ | ટાટા પાવર કંપની લિમિટેડની સહાયક કંપની અને ભારતના રિન્યુએબલ એનર્જી ક્ષેત્રની અગ્રણી કંપનીઓમાંની એક ટાટા પાવર રિન્યુએબલ એનર્જી લિમિટેડ (TPREL) ગુજરાતમાં 100 મેગાવોટના રોજમલ વિન્ડ પ્રોજેક્ટનું સંચાલન કરે છે. રાજકોટ, અમરેલી અને બોટાદ જિલ્લાઓમાં વિસ્તરાયેલો આ પ્રોજેક્ટ ભારતની રિન્યુએબલ એનર્જી ક્ષમતાને મજબૂત બનાવવામાં તેમજ દેશને વધુ સ્વચ્છ અને ટકાઉ ઊર્જા ભવિષ્ય તરફ આગળ વધારવામાં મહત્વપૂર્ણ યોગદાન આપે છે.
આ પ્રોજેક્ટ જાન્યુઆરી 2017 માં શરૂ કરવામાં આવ્યો હતો અને તેમાં 50-50 મેગાવોટના બે તબક્કાઓનો સમાવેશ થાય છે. તે લાંબા ગાળાના પાવર પરચેઝ એગ્રીમેન્ટ (PPA) હેઠળ GETCO નેટવર્ક મારફતે માત્ર ગુજરાત ઊર્જા વિકાસ નિગમ લિમિટેડ (GUVNL) ને રિન્યુએબલ એનર્જી પૂરી પાડે છે. આ વિન્ડ ફાર્મમાં દરેક 2 મેગાવોટ ક્ષમતા ધરાવતા 50 વિન્ડ ટર્બાઇન જનરેટર્સ (WTGs) નો સમાવેશ થાય છે, જે 80 મીટરની હબ ઊંચાઈ પર સ્થાપિત કરવામાં આવ્યા છે. રોજમલ વિન્ડ પ્રોજેક્ટ દર વર્ષે 140 મિલિયન યુનિટ (MUs) સ્વચ્છ ઊર્જાનું ઉત્પાદન કરે છે, જે દર વર્ષે અંદાજે 1,14,800 ટન CO ઉત્સર્જનને સંતુલિત કરે છે.
પ્રોજેક્ટની એક મુખ્ય વિશેષતા એ રહી છે કે TPREL દ્વારા ઓપરેશનલ એક્સલન્સ અને નવીનતા પર સતત ધ્યાન આપવામાં આવ્યું છે, જેમાં સાઇટ પર RD 93/100 મોડેલના વિન્ડ ટર્બાઇન જનરેટર માટે ઉદ્યોગમાં પ્રથમ વખત ક્રેન-લેસ ગિયરબોક્સ રિપ્લેસમેન્ટ સફળતાપૂર્વક કરવામાં આવ્યું છે. કંપનીએ પ્રદર્શન સુધારવા માટે અનેક પહેલો પણ અમલમાં મૂકી છે, જેમાં Leading Edge Protection (LEP) નો ઉપયોગ અને ઓન-ટાવર બ્લેડ રિપેર જેવી પ્રોઍક્ટિવ પ્રવૃત્તિઓનો સમાવેશ થાય છે, જે ટર્બાઇનની કાર્યક્ષમતા, વિશ્વસનીયતા અને લાંબા ગાળાના ઓપરેશનલ પ્રદર્શનને સુધારવા માટે રચાયેલ છે.
પ્રોજેક્ટના ઓપરેશન્સને TPREL ની CREAMS (Centre of Renewable Energy Analytics, Monitoring & Scheduling) ટીમ દ્વારા સપોર્ટ કરવામાં આવે છે, જે ઓપરેશનલ પેરામીટર્સનું 24×7 રિયલ-ટાઇમ મોનિટરિંગ સક્ષમ બનાવે છે. આથી ઝડપી એનાલિટિક્સ, પ્રેડિક્ટિવ મેન્ટેનન્સ અને સમયસર નિર્ણય લેવાની પ્રક્રિયા શક્ય બને છે. આ ઉપરાંત, સમર્પિત 33 kV ફીડર્સ પર સ્થાપિત કોમ્યુનિકેટિવ ફોલ્ટ ઇન્ડિકેટર ડિવાઇસીસ ઝડપી ફોલ્ટ ડિટેક્શન અને લોકલાઇઝેશનને સપોર્ટ કરે છે, જે ઓપરેશનલ અપટાઇમ અને ગ્રિડની વિશ્વસનીયતા વધારવામાં મદદ કરે છે.
સોલાર, વિન્ડ, હાઈબ્રિડ અને એનર્જી સ્ટોરેજ સોલ્યુશન્સને આવરી લેતા મજબૂત પોર્ટફોલિયો સાથે, TPREL ભારતના રિન્યુએબલ એનર્જી ટ્રાન્ઝિશનને ઝડપી બનાવવા અને વધુ હરિત તથા ટકાઉ ભવિષ્યને શક્ય બનાવવામાં મહત્વપૂર્ણ ભૂમિકા ભજવવાનું ચાલુ રાખે છે.
