⇒ હૃતિક રોશન સાથેના નવા TVC દ્વારા ડુપ્લિકેટ પાણીના બજાર સામે મજબૂત સંદેશ, ગ્રાહકોને અસલી પ્રોડક્ટ પસંદ કરવાની અપીલ
અમદાવાદ, ગુજરાત | ૦૮ મે ૨૦૨૬ | ભારતમાં ડુપ્લિકેટ વસ્તુઓનો બજાર વર્ષોથી ફેલાતો ગયો છે. કોલાબા કોઝવે હોય કે ચાંદની ચોક જેવા મોટા બજારો, અહીં સ્નીકર્સ, સનગ્લાસિસ અને હેન્ડબેગ્સ જેવી અનેક વસ્તુઓની નકલ સરળતાથી જોવા મળે છે. હવે આ જ ટ્રેન્ડ વધુ ચિંતાજનક રીતે પીવાના પાણીના ક્ષેત્રમાં પણ પ્રવેશી રહ્યો છે, જ્યાં લુકઅલાઈક બોટલ્ડ વોટર બ્રાન્ડ્સ ગ્રાહકો માટે ગેરસમજ ઊભી કરી રહી છે.
આ પરિસ્થિતિ વચ્ચે ક્લિયર પ્રીમિયમ વોટરે પોતાનું અત્યાર સુધીનું સૌથી ડિસરપ્ટિવ કેમ્પેઈન લોન્ચ કર્યું છે. ‘પાણી હો તો ક્લિયર’ નામના આ કેમ્પેઈનમાં બ્રાન્ડ એમ્બેસેડર હૃતિક રોશનની લોકપ્રિયતા અને તેમની સિનેમેટિક લેગેસીને કેન્દ્રમાં રાખીને એક મજબૂત અને સ્પષ્ટ સંદેશ આપવામાં આવ્યો છે.
સાત અબજ અમેરિકી ડોલરથી વધુ મૂલ્ય ધરાવતા અને ડબલ ડિજિટ વૃદ્ધિ દરે આગળ વધી રહેલા બોટલ્ડ વોટર માર્કેટમાં છેલ્લા કેટલાક વર્ષોમાં લુકઅલાઈક બ્રાન્ડ્સનું પ્રમાણ ઝડપથી વધ્યું છે. ક્લિયર પ્રીમિયમ વોટર મુજબ, હવે આ મુદ્દો માત્ર માર્કેટિંગ કે બ્રાન્ડિંગ પૂરતો રહ્યો નથી, પરંતુ ગ્રાહકોના આરોગ્ય અને વિશ્વાસ સાથે સીધો સંબંધ ધરાવે છે. તેથી કંપનીએ આ મુદ્દા પર ખુલ્લેઆમ અવાજ ઉઠાવવાનો નિર્ણય કર્યો છે.
કેમ્પેઈન અંગે હૃતિક રોશને જણાવ્યું હતું કે, “છેલ્લા ત્રણ વર્ષથી હું ક્લિયરની ગુણવત્તા પ્રત્યેની પ્રતિબદ્ધતાનો સાક્ષી રહ્યો છું. ગ્રાહકોને સુરક્ષિત પીવાનું પાણી પહોંચાડવાની તેમની અસલિયત અને જુસ્સો પ્રશંસનીય છે. ગ્રાહક સુરક્ષાને કેન્દ્રમાં રાખતી આ કેમ્પેઈનનો ભાગ બનવા બદલ હું ખુશ છું.”
આ કેમ્પેઈનની સૌથી મોટી ખાસિયત એ છે કે તેમાં માત્ર સેલિબ્રિટીનો ઉપયોગ કરવામાં આવ્યો નથી, પરંતુ એક અસરકારક રૂપક રજૂ કરવામાં આવ્યું છે. હૃતિક રોશન લાંબા સમયથી ભારતના સૌથી વધુ નકલ કરવામાં આવતા સ્ટાર્સમાં ગણાય છે. તેમના ડાન્સ મૂવ્સ, ફિલ્મી અંદાજ અને આઇકોનિક પાત્રો વર્ષોથી લગ્ન પ્રસંગો, ટેલેન્ટ શો અને સોશિયલ મીડિયા રીલ્સમાં સતત રિક્રિએટ થતા રહ્યા છે. પરંતુ દરેક નકલ અંતે મૂળ સામે ઓછી પડે છે. કારણ કે બહારનો દેખાવ ભલે સમાન લાગે, પરંતુ સહજતા, ચોકસાઈ અને વર્ષોની મહેનત જેવી બાબતોની સાચી નકલ શક્ય નથી. ક્લિયર પ્રીમિયમ વોટર આ જ સંદેશને પોતાની પ્રોડક્ટ સાથે જોડે છે.
કંપનીનું કહેવું છે કે અનેક લુકઅલાઈક બ્રાન્ડ્સે ક્લિયરની બોટલ, લેબલ ડિઝાઇન અને કેપના રંગો સુધીની નકલ કરવાનો પ્રયાસ કર્યો છે, જેથી ગ્રાહકો માટે અસલી અને નકલ વચ્ચેનો તફાવત કરવો મુશ્કેલ બને. જોકે, પ્રોડક્ટની અંદરની ગુણવત્તા, કડક ધોરણો, સંપૂર્ણ ઓટોમેટેડ પ્રક્રિયા અને મલ્ટી-સ્ટેજ પ્યુરિફિકેશન જેવી બાબતોની નકલ શક્ય નથી.
ક્લિયર પ્રીમિયમ વોટરના ફાઉન્ડર અને સીઇઓ નયન શાહે જણાવ્યું હતું કે, “આ કેમ્પેઈન સ્પર્ધા સામે જીતવા માટે નથી, પરંતુ ગ્રાહકો માટે અવાજ ઉઠાવવા માટે છે. જ્યાં નકલ ગ્રાહકોની સમજણને ધૂંધળી બનાવે છે, ત્યાં અમારી જવાબદારી સ્પષ્ટ સંદેશ પહોંચાડવાનો છે. પાણીની બાબતમાં અસલિયત અનિવાર્ય અને આવશ્યક છે.”
‘પાણી હો તો ક્લિયર’’ ટેગલાઈન સાથે લોન્ચ કરાયેલું આ કેમ્પેઈન માત્ર બ્રાન્ડ પ્રોમિસ તરીકે નહીં, પરંતુ ગ્રાહકો માટે એક સીધો સંદેશ તરીકે પણ રજૂ કરવામાં આવ્યું છે. કંપનીનો દાવો છે કે આ અભિયાન દ્વારા ભારતીય ગ્રાહકોને વધુ સચેત બનાવવાનો, સમજદારીપૂર્વક પસંદગી કરવા પ્રેરિત કરવાનો અને અસલી પ્રોડક્ટ પ્રત્યે વિશ્વાસ વધારવાનો પ્રયાસ કરવામાં આવી રહ્યો છે.
