Courtesy: https://www.chittorgarh.com/
Review By Dilip Davda on June, 2026
• કંપની બીટુબી સેગમેન્ટમાં ત્રણ મુખ્ય શ્રેણીઓમાં રિક્લેમ કરેલા રબરના ઉત્પાદનમાં રોકાયેલી છે.
• કંપનીએ અહેવાલ કરેલા ગાળા માટે તેની ટોપ અને બોટમ લાઇન્સમાં વૃદ્ધિ નોંધાવી છે.
• તેના સાથીદારો કરતા ચડિયાતું પ્રદર્શન કરીને તેના નફામાં (બોટમ લાઇન્સ) અચાનક આવેલો ઉછાળો આશ્ચર્ય જગાવે છે અને તેની ટકાઉપણું સામે ચિંતા ઊભી કરે છે.
• કંપની અત્યંત સ્પર્ધાત્મક અને વિખરાયેલા સેગમેન્ટમાં કાર્ય કરી રહી છે.
• તેના તાજેતરના નાણાકીય ડેટાના આધારે, આ ઇશ્યૂ આક્રમક કિંમતનો (મોંઘો) જણાય છે.
• માત્ર સારી માહિતી ધરાવતા/વધારાની રોકડ ધરાવતા રોકાણકારો જ મધ્યમ ગાળા માટે ભંડોળ રોકી શકે છે.
કંપની વિશેઃ
હોરાઇઝન રિક્લેમ (ઇન્ડિયા) લિમિટેડ (એચઆરઆઈએલ) રિક્લેમ કરેલા રબરના ઉત્પાદનમાં રોકાયેલી છે, જે જૂના ટાયર, રબર ટ્યુબ, ટ્રેડ પીલિંગ્સ અને ઇન્ડસ્ટ્રિયલ સ્ક્રેપ જેવા વપરાયેલા રબર મટિરિયલ્સમાંથી મેળવવામાં આવતું રિસાયકલ કરેલું રબર છે, જેમાં ઇથિલિન પ્રોપિલિન ડાયન મોનોમર (ઈપીડીએમ) નો સમાવેશ થાય છે, જે ગરમી સામે ઉત્કૃષ્ટ પ્રતિકાર માટે જાણીતું કૃત્રિમ (સિન્થેટિક) રબર છે. રિક્લેમ કરેલું રબર કુદરતી અને સિન્થેટિક રબરના ખર્ચ-અસરકારક અને પર્યાવરણને અનુકૂળ વિકલ્પ તરીકે કામ કરે છે અને વિવિધ રબર-આધારિત ઉત્પાદનોના ઉત્પાદનમાં વ્યાપકપણે ઉપયોગમાં લેવાય છે.
કંપની ત્રણ મુખ્ય શ્રેણીઓમાં રિક્લેમ કરેલું રબર ઓફર કરે છેઃ (૧) નેચરલ રબર રિક્લેમ, જે રબર ટાયર કેસિંગ અને ટ્યુબમાંથી બનાવવામાં આવે છે અને સામાન્ય રીતે ફૂટવેર સોલ્સ, ફ્લોર મેટ્સ, ટાયર બેઝ લેયર્સ અને મોલ્ડેડ રબર પ્રોડક્ટ્સમાં વપરાય છે, (૨) સિન્થેટિક રબર રિક્લેમ, જેમાં ઈપીડીએમ અને બ્યુટાઇલ રિક્લેમ રબરનો સમાવેશ થાય છે જે તેલ, ગરમી અને હવામાન સામે પ્રતિકાર જરૂરી હોય તેવી એપ્લિકેશન્સ જેવી કે ઓટોમોટિવ સીલ્સ, હોઝ, ગાસ્કેટ્સ અને કન્સ્ટ્રક્શન પ્રોફાઇલ્સ માટે યોગ્ય છે અને (૩) ક્રમ્બ રબર, જે રિસાયકલ કરેલા ટાયરમાંથી બનાવવામાં આવે છે અને તેનો ઉપયોગ રોડ કન્સ્ટ્રક્શન, સ્પોટ્ર્સ સરફેસ અને રૂફિંગ શીટ્સ જેવા કન્સ્ટ્રક્શન મટિરિયલ્સમાં થાય છે. ગ્રાહકોની જરૂરિયાતોને આધારે ઉત્પાદનો વિવિધ ગ્રેડમાં સપ્લાય કરવામાં આવે છે.
રિક્લેમ કરેલા રબરના ઉત્પાદન માટે, એચઆરઆઈએલ વપરાયેલા રબર મટિરિયલ્સના સ્થિર સપ્લાય પર આધાર રાખે છે, જે સ્થાનિક અને આયાત બંને દ્વારા મેળવવામાં આવે છે. સ્થાનિક સોર્સિંગ ભારતના વિવિધ રાજ્યોમાં ટાયર ડિસ્મેન્ટલર્સ, વેસ્ટ કલેક્ટર્સ અને સ્ક્રેપ ડીલર્સ દ્વારા કરવામાં આવે છે. મુખ્ય કાચા માલમાં આખા ટાયર (રેડિયલ અને ટ્યુબલેસ), સ્ક્રેપ ટ્યુબ્સ, સ્ક્રેપ બ્યુટાઇલ ટ્યુબ્સ, સ્ક્રેપ નેચરલ ટ્યુબ્સ અને અન્ય રબર સ્ક્રેપનો સમાવેશ થાય છે. બહુવિધ સ્થળોએથી સોર્સિંગ કરીને, કંપની કાચા માલની નિયમિત ઉપલબ્ધતા સુનિશ્ચિત કરે છે અને અવિરત ઉત્પાદનને સપોર્ટ કરે છે.
વધુમાં, તેણે ભગવાનપુર, હરિદ્વાર (યુનિટ ૩) ખાતે સ્થિત તેની મેનેજિંગ ફેસિલિટીમાં પ્લાન્ટ અને મશીનરીનું બાંધકામ અને ઇન્સ્ટોલેશન પૂર્ણ કર્યું છે. જો કે આ સુવિધાનો વિકાસ પૂર્ણ થઈ ગયો છે, પરંતુ આ યુનિટમાં વ્યાપારી કામગીરી શરૂ થવાની બાકી છે. વળી, તે પાયરોલિસિસ ઓઇલનું ઉત્પાદન કરવા માટે વિલેજ ગુંદાળા, રાજકોટ, ગુજરાત (યુનિટ ૨) ખાતે મેનેજિંગ ફેસિલિટી સ્થાપવાની પ્રક્રિયામાં છે. આ યુનિટનો વિકાસ નોંધપાત્ર રીતે પૂર્ણ થઈ ગયો છે, જેમાં જરૂરી માળખાંનું બાંધકામ અને પાયરોલિસિસ રિએક્ટર્સનું ઇન્સ્ટોલેશન સામેલ છે. કંપની બીટુબી સેગમેન્ટમાં કાર્ય કરે છે. માર્ચ ૨૦૨૬ સુધીમાં તેનો ૧.૪૪ નો ડેટ-ઇક્વિટી રેશિયો ચિંતા જગાવે છે. ઉક્ત તારીખ સુધીમાં, તેના પેરોલ પર ૮૧ કર્મચારીઓ હતા.
ઇશ્યૂની વિગતો / કેપિટલ હિસ્ટ્રીઃ
કંપની રૂ ૫૪.૨૭ કરોડ એકત્ર કરવા માટે રૂ ૧૦ દરેકના ૫૨૬૯૨૦૦ ઇક્વિટી શેરનો તેનો પ્રથમ બુક બિલ્ડિંગ રૂટ આઈપીઓ લાવી રહી છે. કંપનીએ રૂ ૧૦ દરેકના શેર માટે રૂ ૯૮ – રૂ ૧૦૩ પ્રતિ શેરની પ્રાઇસ બેન્ડ જાહેર કરી છે. લઘુત્તમ અરજી ૨૪૦૦ શેર માટે અને ત્યારપછી તેના ૧૨૦૦ શેરના ગુણાંકમાં કરવાની રહેશે. આ ઇશ્યૂ સબ્સ્ક્રિપ્શન માટે ૧૨ જૂન ૨૦૨૬ના રોજ ખુલે છે અને ૧૬ જૂન ૨૦૨૬ના રોજ બંધ થશે. શેર બીએસઈ એસએમઈ પર લિસ્ટ થશે. આઈપીઓ કંપનીની આઈપીઓ પછીની પેઇડ-અપ મૂડીના ૨૭.૦૦% હિસ્સો ધરાવે છે. ઇશ્યૂની નેટ આવકમાંથી, તે વધારાના પ્લાન્ટ અને મશીનરીના ઇન્સ્ટોલેશન પર કેપેક્સ માટે રૂ ૯.૪૩ કરોડ, વર્કિંગ કેપિટલ માટે રૂ ૬.૦૦ કરોડ, ચોક્કસ ઉધારની ચુકવણી/અગાઉથી ચુકવણી માટે રૂ ૨૬.૭૦ કરોડ અને બાકીની રકમ જનરલ કોર્પોરેટ હેતુઓ માટે ઉપયોગ કરશે.
આ આઈપીઓનું એકમાત્ર લીડ મેનેજમેન્ટ જીવાયઆર કેપિટલ એડવાઇઝર્સ પ્રાઇવેટ ન્િમિટેડ દ્વારા કરવામાં આવે છે, અને કેફિન ટેકનોલોજીસ લિમિટેડ આ ઇશ્યૂના રજિસ્ટ્રાર છે. ગિરિરાજ સ્ટોક બ્રોકિંગ પ્રાઇવેટ લિમિટેડ માર્કેટ મેકર છે.
ફેસ વેલ્યુ પર સમગ્ર પ્રારંભિક ઇક્વિટી મૂડી ઇશ્યૂ કર્યા પછી, કંપનીએ માર્ચ ૨૦૨૫માં ૧૮ માટે ૧ના રેશિયોમાં બોનસ શેર ઇશ્યૂ કર્યા હતા. પ્રમોટર્સ/વેચનાર હિસ્સેદારો દ્વારા શેર સંપાદનનો સરેરાશ ખર્ચ પ્રતિ શેર રૂ ૦.૦૬ અને રૂ ૦.૨૪ છે.
આઈપીઓ પછી, કંપનીની રૂ ૧૪.૨૫ કરોડની વર્તમાન પેઇડ-અપ ઇક્વિટી મૂડી વધીને રૂ ૧૯.૫૨ કરોડ થશે. આઈપીઓ પ્રાઇસિંગના અપર બેન્ડના આધારે, કંપની રૂ ૨૦૧.૦૧ કરોડના માર્કેટ કેપની અપેક્ષા રાખી રહી છે.
નાણાકીય કામગીરીઃ
નાણાકીય કામગીરીના મોરચે, છેલ્લા ત્રણ નાણાકીય વર્ષ માટે, કંપનીએ (એકીકૃત ધોરણે) કુલ આવક/ચોખ્ખો નફો, રૂ ૨૦૪.૩૬ કરોડ / રૂ ૦.૭૧ કરોડ (નાણાકીય વર્ષ ૨૦૨૩-૨૪), રૂ ૩૬૩.૮૯ કરોડ / રૂ ૭.૦૭ કરોડ (નાણાકીય વર્ષ ૨૦૨૪-૨૫), રૂ ૫૦૦.૧૧ કરોડ / રૂ ૧૦.૫૦ કરોડ (નાણાકીય વર્ષ ૨૦૨૫-૨૬) નોંધાવ્યા છે. કંપનીએ તેની ટોપ લાઇન્સમાં વૃદ્ધિ નોંધાવી છે, પરંતુ નાણાકીય વર્ષ ૨૦૨૪-૨૫થી બમ્પર નફો મેળવ્યો છે, જે માત્ર ચિંતા જ ઉભી કરતો નથી, પરંતુ ભવિષ્યમાં તેની ટકાઉપણું સામે પણ પ્રશ્નાર્થ ચિહ્ન મૂકે છે, કારણ કે તે અત્યંત સ્પર્ધાત્મક અને વિખરાયેલા સેગમેન્ટમાં કાર્ય કરી રહી છે.
છેલ્લા ત્રણ નાણાકીય વર્ષ માટે, કંપનીએ રૂ ૫.૪૨ની સરેરાશ ઈપીએસ અને ૩૯.૨૨%ની સરેરાશ આરઓએનડબલ્યુ અહેવાલ કરી છે. ૩૧ માર્ચ ૨૦૨૬ ના રોજ પ્રતિ શેર રૂ ૧૭.૪૩ ની તેની એનએવી ના આધારે આ ઇશ્યૂ ૫.૯૧ ના પી/બીવી પર કિંમત ધરાવે છે, પરંતુ ઓફર દસ્તાવેજોમાં તેના આઈપીઓ પછીના એનએવી ડેટા ખૂટે છે.
જો આપણે નાણાકીય વર્ષ ૨૦૨૫-૨૬ની સુપર કમાણીને આઈપીઓ પછીની સંપૂર્ણ પાતળી કરેલી (ડિલ્યુટેડ) પેઇડ-અપ ઇક્વિટી મૂડી પર ગણીએ, તો માગવામાં આવેલી કિંમત ૧૯.૧૪ ના પી/ઈ પર છે, અને નાણાકીય વર્ષ ૨૦૨૪-૨૫ની કમાણીના આધારે, પી/ઈ ૨૮.૪૫ પર રહે છે. તેના છેલ્લા ત્રણ નાણાકીય વર્ષની કમાણીના આધારે આ ઇશ્યૂ આક્રમક કિંમતનો જણાય છે.
કંપનીએ સંદર્ભિત સમયગાળા માટે અનુક્રમે ૩.૫૦% (નાણાકીય વર્ષ ૨૦૨૩-૨૪), ૧૯.૫૧% (નાણાકીય વર્ષ ૨૦૨૪-૨૫), ૨૧.૨૫% (નાણાકીય વર્ષ ૨૦૨૫-૨૬) ના પીએટી માર્જિન અને ૧૩.૧૧%, ૪૦.૭૦%, ૨ષ્ઠંટ૫.૪૫% ના આરઓસીઈ માર્જિન નોંધાવ્યા છે.
ડિવિડન્ડ પોલિસીઃ
કંપનીએ ઓફર દસ્તાવેજના અહેવાલ કરેલા ગાળા માટે કોઈ ડિવિડન્ડ ચૂકવ્યું નથી. તે તેની નાણાકીય કામગીરી અને ભવિષ્યની સંભાવનાઓના આધારે સમજદારીપૂર્વક ડિવિડન્ડ પોલિસી અપનાવશે.
લિસ્ટેડ સાથીદારો સાથે સરખામણીઃ
ઓફર દસ્તાવેજ મુજબ, કંપનીએ લીડ રિક્લેમને તેના લિસ્ટેડ સાથીદાર તરીકે દર્શાવી છે. તે હાલમાં ૧૬.૬ ના પી/ઈ પર ટ્રેડિંગ કરી રહી છે (૦૯ જૂન ૨૦૨૬ સુધીમાં). જો કે, તેઓ ખરેખર સમાન ધોરણે સરખામણી કરવા યોગ્ય નથી. આ સરખામણી આંખમાં ધૂળ નાખવા જેવી લાગે છે.
મર્ચન્ટ બેન્કરનો ટ્રેક રેકોર્ડઃ
છેલ્લા છ નાણાકીય વર્ષમાં (ચાલુ વર્ષ સહિત) જીવાયઆર કેપિટલ તરફથી આ ૫૯મો આદેશ છે. છેલ્લા ૧૧ લિસ્ટિંગમાંથી, ૨ ફેસ વેલ્યુ પર લિસ્ટ થયા હતા, અને બાકીના લિસ્ટિંગ તારીખે ૪.૯૨% થી ૯૦.૦૦% ની રેન્જમાં પ્રીમિયમ પર લિસ્ટ થયા હતા.
નિષ્કર્ષ / રોકાણ વ્યૂહરચના
એચઆરઆઈએલ બીટુબી સેગમેન્ટમાં ત્રણ મુખ્ય શ્રેણીઓમાં રિક્લેમ કરેલા રબરના ઉત્પાદનમાં રોકાયેલી છે. કંપનીએ અહેવાલ કરેલા ગાળા માટે તેની ટોપ અને બોટમ લાઇન્સમાં વૃદ્ધિ નોંધાવી છે. તેના સાથીદારો કરતા ચડિયાતું પ્રદર્શન કરીને તેના નફામાં અચાનક આવેલો ઉછાળો આશ્ચર્ય જગાવે છે અને તેની ટકાઉપણું સામે ચિંતા ઊભી કરે છે. કંપની અત્યંત સ્પર્ધાત્મક અને વિખરાયેલા સેગમેન્ટમાં કાર્ય કરી રહી છે. તેના તાજેતરના નાણાકીય ડેટાના આધારે, આ ઇશ્યૂ આક્રમક કિંમતનો જણાય છે. માત્ર સારી માહિતી ધરાવતા/વધારાની રોકડ ધરાવતા રોકાણકારો જ મધ્યમ ગાળા માટે ભંડોળ રોકી શકે છે.
Review By Dilip Davda on June, 2026
Review Author
DISCLAIMER: No financial information whatsoever published anywhere here should be construed as an offer to buy or sell securities, or as advice to do so in any way whatsoever. All matter published here is purely for educational and information purposes only and under no circumstances should be used for making investment decisions. My reviews do not cover GMP market and operators game plans. Readers must consult a qualified financial advisor before making any actual investment decisions, based the on information published here. With entry barriers, SEBI wants only well-informed investors to participate in such offers. With crazy listings in the recent past, SME IPOs drew the attention of investors across the board and lead to seer madness. However, as SME issues have entry barriers and continued low preference from the broking community, any reader taking decisions based on any information published here does so entirely at their own risk. The above information is based on information available as of date coupled with market perceptions. The Author has no plans to invest in this offer.
About Dilip Davda
Dilip Davda is veteran journalist associated with stock market since 1978. He is contributing to print and electronic media on stock markets/insurance/finance since 1985.
Dilip Davda is a leading reviewer of public issues and NCDs in the primary stock market in India. The knowledge he gained over 3 decades while working in the stock market and a strong relationship with popular lead managers makes his reviews unique. His detailed fundamental and financial analysis of companies coming up with IPOs helps investors in the primary stock market. Dilip Davda has a special interest in analyzing the SME companies and writing reviews about their public issues. His reviews are regularly published online and in news papers.
(Dilip Davda -SEBI registered Research Analyst-Mumbai,
Registration no. INH000003127 (Perpetual)
Email id: dilip_davda@rediffmail.com ).
Courtesy: https://www.chittorgarh.com/
