નવી દિલ્હી, ભારત | ૨૪ ઓક્ટોબર ૨૦૨૬ | વૈશ્વિક તબીબી ટેક્નોલોજી ક્ષેત્રની અગ્રણી કંપની ઝિમર બાયોમેટ હોલ્ડિંગ્સે ભારતમાં ‘ROSA ની વિથ ઑપ્ટિમાઇઝ’ નામની અદ્યતન ટેક્નોલોજી રજૂ કરવાની જાહેરાત કરી છે. આ ટેક્નોલોજી કંપનીની અગાઉની રોબોટિક ઘૂંટણ સર્જરી પ્રણાલીનું વધુ વિકસિત સ્વરૂપ છે. તે દર્દીની શારીરિક રચના અને વ્યક્તિગત જરૂરિયાતોને અનુરૂપ ઘૂંટણ બદલવાની સંપૂર્ણ સર્જરી કરવામાં સર્જનોને સહાયરૂપ બને છે. આ ટેક્નોલોજીમાં વ્યક્તિગત સર્જિકલ આયોજનની સાથે હાડકાંની સ્થિતિ નક્કી કરવી, હિલચાલ પર નજર રાખવી અને ઘૂંટણનું યોગ્ય સંરેખણ જાળવવા જેવી નવી સુવિધાઓ સામેલ કરવામાં આવી છે. આ સુવિધાઓ સર્જરીમાં ચોકસાઈ વધારવા અને પ્રક્રિયા દરમિયાન વ્યક્તિગત કાર્યપદ્ધતિને કારણે ઊભા થતા તફાવતો ઘટાડવામાં મદદરૂપ થઈ શકે છે.
‘ROSA ની વિથ ઑપ્ટિમાઇઝ’માં દર્દીની વ્યક્તિગત જરૂરિયાતોને અનુરૂપ સર્જરીનો અનુભવ આપવા માટે અનેક અદ્યતન સુવિધાઓ સામેલ છે.
- ઑપ્ટિમાઇઝ પ્લાનિંગ: આ સુવિધા દર્દીના ઘૂંટણની શારીરિક રચના અને ઘૂંટણનું સંતુલન જાળવવા અંગે સર્જનની કાર્યપદ્ધતિને ધ્યાનમાં રાખીને વ્યક્તિગત સર્જિકલ યોજના તૈયાર કરે છે. આ યોજના ઘૂંટણમાં કૃત્રિમ સાંધો યોગ્ય સ્થિતિમાં મૂકવા માટે માર્ગદર્શન પૂરું પાડે છે.
- ઑપ્ટિમાઇઝ લેન્ડમાર્કિંગ: આ સુવિધામાં હાડકાંની સપાટી પર નિશાન કરવાની વિશેષ પદ્ધતિનો ઉપયોગ થાય છે. તે હાડકાં પરનાં મહત્ત્વપૂર્ણ બિંદુઓ ઓળખવાની પ્રક્રિયામાં જુદા જુદા વપરાશકર્તાઓને કારણે ઊભા થતા તફાવતો ઘટાડવામાં મદદરૂપ બને છે.
- ઑપ્ટિમાઇઝ ટ્રેકિંગ: આ સુવિધામાં હિલચાલ પ્રત્યે સંવેદનશીલ ‘ઍક્ટિવ ટ્રૅક’ ટેક્નોલોજીનો ઉપયોગ થાય છે. તેના કારણે કાપવા માટેના માર્ગદર્શક સાધનને હાડકાં સાથે ખીલા વડે બાંધવાની જરૂર રહેતી નથી. પગની હિલચાલ થાય ત્યારે પણ હાડકાંને કાપવાની પ્રક્રિયા નિર્ધારિત દિશા અને સમતલમાં જળવાઈ રહે તે માટે આ ટેક્નોલોજી સહાયરૂપ બને છે.
આ ટેક્નોલોજીના પ્રારંભ અંગે ઝિમર ઇન્ડિયા પ્રાઇવેટ લિમિટેડના મેનેજિંગ ડિરેક્ટર અને ભારતના વડા અજય બગ્ગાએ જણાવ્યું હતું કે, “હાડકાં અને સાંધાની સારવાર હવે વધુ વ્યક્તિગત અભિગમ તરફ આગળ વધી રહી છે. ટેક્નોલોજીના કારણે સર્જરી સંબંધિત નિર્ણયો લેવામાં અને દરેક દર્દીની વ્યક્તિગત જરૂરિયાતોને અનુરૂપ સારવાર કરવામાં નવી તકો ઊભી થઈ રહી છે. અમારી પ્રાથમિકતા એવી ટેક્નોલોજી ભારતમાં લાવવાની છે, જે સર્જનોને દરેક દર્દીની જરૂરિયાત મુજબ સારવારનું આયોજન કરવામાં મદદ કરે. ‘ROSA ની વિથ ઑપ્ટિમાઇઝ’ની રજૂઆત રોબોટિક ટેક્નોલોજીની મદદથી થતી સર્જરીને વધુ અદ્યતન બનાવવાની અમારી સતત પ્રતિબદ્ધતા દર્શાવે છે. આ ટેક્નોલોજીમાં સર્જરીના આયોજનથી લઈને તેના અમલીકરણ સુધી વધુ સુસંગતતા જાળવવામાં સહાયરૂપ બને તેવાં સાધનો આપવામાં આવ્યાં છે.”
‘ROSA ની વિથ ઑપ્ટિમાઇઝ’ને ઝિમર બાયોમેટના ‘ઝેડબી એજ એનાલિટિક્સ’ નામના માહિતી વિશ્લેષણ મંચ સાથે પણ જોડવામાં આવ્યું છે. આ મંચ સર્જનોને માહિતી અને આંકડાઓ આધારિત વિશ્લેષણ પૂરું પાડે છે, જેથી તેઓ દર્દીની સારવાર અંગે વધુ માહિતીસભર અને યોગ્ય તબીબી નિર્ણયો લઈ શકે.
ભારતમાં આ નવી ટેક્નોલોજીની રજૂઆત ઘૂંટણ બદલવાની સર્જરીમાં સર્જનોની વ્યક્તિગત કાર્યપદ્ધતિને સહયોગ આપવા માટે રોબોટિક ટેક્નોલોજીના વિકાસ અને વિસ્તરણમાં ઝિમર બાયોમેટ દ્વારા કરવામાં આવતા સતત રોકાણને વધુ આગળ વધારે છે.
== સમાપ્ત ==
