ABD દ્વારા Q2FY27માં આવકમાં મજબૂત વૃદ્ધિ

— કામગીરીમાંથી આવક 15.8% y-o-y અને 17.1% q-o-qના વધારા સાથે ₹ 1,152 કરોડે પહોંચી.

— 10.0 મિલિયન કેસનું આજ સુધીનું સૌથી વધુ ત્રિમાસિક વેચાણ વોલ્યુમ નોંધાવ્યું. 

મુંબઈ | ૨૭ ઓક્ટોબર ૨૦૨૬ | ભારતમાં અગ્રણી સ્પિરિટ્સ કંપનીઓમાંની એક એલાઇડ બ્લેન્ડર્સ એન્ડ ડિસ્ટિલર્સ લિમિટેડ (ABD) દ્વારા 30 સપ્ટેમ્બર, 2026ના રોજ પૂરા થયેલા ત્રિમાસિક અને અર્ધવાર્ષિક માટેનાં તેનાં અનઓડિટેડ નાણાકીય પરિણામો જાહેર કરવામાં આવ્યાં.

કોન્સોલિડેટેડ નાણાકીય પરિણામો પર એક નજર:

Q2FY27 ત્રિમાસિકની કામગીરીના મુખ્ય અંશો:

• કામગીરીમાંથી આવક ₹ 1,152 કરોડ રહી, જે વાર્ષિક ધોરણે (y-o-y) 15.8% અને ત્રિમાસિક ધોરણે (q-o-q) 17.1%નો વધારો દર્શાવે છે. નાણાકીય વર્ષ 2027ના બીજા ત્રિમાસિક ગાળામાં (Q2FY27) 10.0 મિલિયન કેસનું અત્યાર સુધીનું સૌથી વધુ ત્રિમાસિક વેચાણ નોંધાયું છે, જેમાં કંપનીની તમામ ચાર મિલિયોનેર બ્રાન્ડ્સમાં ત્રિમાસિક ધોરણે થયેલી વૃદ્ધિનું મોટું યોગદાન રહ્યું છે.
• EBITDA ₹ 143 કરોડ રહી, જે વાર્ષિક ધોરણે 10.0% અને ત્રિમાસિક ધોરણે 19.2%નો વધારો દર્શાવે છે. કંપનીએ તેના ‘પ્રીમિયમાઇઝેશન’ પ્રેરિત વૃદ્ધિના એજન્ડાને આગળ વધારવા માટે નવા સ્થાપિત ‘સુપર-પ્રીમિયમથી લક્ઝરી’ પોર્ટફોલિયોમાં રોકાણ ચાલુ રાખ્યું છે અને મુખ્ય બ્રાન્ડ્સનું નવીનીકરણ કર્યું છે.
• PAT (વેરા પછીનો નફો) ₹ 69 કરોડ રહ્યો, જે વાર્ષિક ધોરણે 9.7% અને ત્રિમાસિક ધોરણે 52.0%નો વધારો દર્શાવે છે.
• વૈશ્વિક સપ્લાય ચેઇનમાં આવેલી અડચણોને કારણે થયેલી ₹ 29 કરોડની અસરને બાકાત રાખતાં Q2FY27માં ‘લાઇક-ટુ-લાઇક’ (LTL) EBITDA ₹ 172 કરોડ (વાર્ષિક ધોરણે 32.3% વધુ), LTL EBITDA માર્જિન 14.9% (વાર્ષિક ધોરણે 186 બેસીસ પોઈન્ટ્સનો વધારો) અને LTL PAT ₹ 91 કરોડ (વાર્ષિક ધોરણે 44.3% વધુ) રહ્યો હોત.

આ પરિણામો પર બોલતાં ABDના મેનેજિંગ ડિરેક્ટર અમર સિંહાએ જણાવ્યું હતું કે, “Q2FY27 એ ABD માટે એક મહત્વપૂર્ણ સીમાચિહ્ન છે, જેમાં ત્રિમાસિક વોલ્યુમ પ્રથમ વખત 10 મિલિયન કેસને વટાવી ગયું છે, જેને વિવિધ સેગમેન્ટમાં વૃદ્ધિ દ્વારા ટેકો મળ્યો છે. ઉપરાંત અમે બ્રાન્ડ-બિલ્ડિંગ અને વિતરણ પહેલ સહિત અમારા સુપર-પ્રીમિયમ અને લક્ઝરી પોર્ટફોલિયોના વિસ્તરણમાં રોકાણ કરવાનું ચાલુ રાખ્યું છે. અમારા ક્ષમતા-વિસ્તરણ પ્રોજેક્ટ્સના તાજેતરના કમિશનિંગથી અમારી ઉત્પાદન ક્ષમતાઓ વધુ મજબૂત થઈ છે અને સપ્લાય-ચેઇન કાર્યક્ષમતા અને માર્જિન એક્રિશનમાં સુધારો થવાની અપેક્ષા છે. તહેવારોની મોસમ નજીક હોવાથી અમે અપેક્ષા રાખીએ છીએ કે ટોપલાઇન વૃદ્ધિ ગતિ ચાલુ રહેશે. અમે ફુગાવાના વલણો પર નજીકથી નજર રાખવાની સાથે સંચાલન કાર્યક્ષમતા અને અમારા મૂડીખર્ચ કાર્યક્રમના શિસ્તબદ્ધ અમલીકરણ પર ધ્યાન કેન્દ્રિત કરીએ છીએ.”

Q2FY27 અને તાજેતરની પ્રગતિઓ માટે કામગીરીની સમીક્ષા:

1) પોર્ટફોલિયો અને પ્રદેશોમાં વૃદ્ધિ

• Q2FY27માં 10.0 મિલિયન કેસનું વેચાણ કર્યું, જે Q2FY26માં 9.0 મિલિયન કેસ હતું, જે કુલ વોલ્યુમ વૃદ્ધિ 11.1% દર્શાવે છે, જેમાં માસ પ્રીમિયમ એન્ડ અધર્સ તથા પ્રેસ્ટિજ એન્ડ અબવ (P&A) શ્રેણીઓમાં વૃદ્ધિ જોવા મળી છે.
• આ મજબૂત વોલ્યુમ વૃદ્ધિ ગતિ H1FY27 દરમિયાન જોવા મળી છે, જે દરમિયાન અમે ત્રણ વખત વિક્રમી માસિક વેચાણ હાંસલ કર્યું, જે સપ્ટેમ્બર 2026માં 3.5 મિલિયન કેસથી વધુના અમારા અત્યાર સુધીના સૌથી ઊંચા માસિક વોલ્યુમમાં પરિણમ્યું.
• પ્રીમિયમાઇઝેશન ગતિ ચાલુ રહી, H1FY27માં મૂલ્યમાં P&A સેગમેન્ટનો હિસ્સો 58% હતો, જે H1FY26માં 56% હતો, જ્યારે વોલ્યુમમાં P&Aનો હિસ્સો H1FY27માં 46% છે, જે H1FY26માં 47% હતો.
• મિલિયોનેર બ્રાન્ડ્સ દ્વારા સંચાલિત મુખ્ય સ્થાનિક અને આંતરરાષ્ટ્રીય બજારોમાં વૃદ્ધિ.
• ICONiQ વ્હાઇટ સતત ત્રણ કેલેન્ડર વર્ષ – 2023, 2024 અને 2025 દરમિયાન વિશ્વની સૌથી ઝડપથી વિકસતી મિલિયોનેર વ્હિસ્કી બ્રાન્ડ રહી છે. Q2FY27માં વોલ્યુમ 3.2 મિલિયન કેસ પર પહોંચ્યું, જે Q2FY26માં 2.6 મિલિયન કેસથી 20.6% વધુ છે, સરેરાશ માસિક વોલ્યુમ સતત 1 મિલિયન કેસથી વધુ રહ્યું છે.

2) પ્રીમિયમ વ્હિસ્કી પોર્ટફોલિયો: ધ ઇન્ડિયન એડિટનું લોન્ચિંગ

• સપ્ટેમ્બર 2026માં લોન્ચ કરાયેલી ધ ઇન્ડિયન એડિટ ABDના પ્રીમિયમ વ્હિસ્કી પોર્ટફોલિયોને મજબૂત બનાવે છે, જેમાં ભારતીય માલ્ટ અને ગ્રેન સ્પિરિટને ઉત્તમ સ્કોચ માલ્ટ સાથે મિશ્રિત કરવામાં આવે છે અને તેનું પેકેજિંગ ભારતીય વારસાથી પ્રેરિત છે.
• આ બ્રાન્ડ મહારાષ્ટ્ર, હરિયાણા, ઉત્તર પ્રદેશ, આસામ, ત્રિપુરા, રાજસ્થાન અને ગોવામાં ઉપલબ્ધ છે અને આગળ અન્ય બજારોમાં પણ તેનું વિસ્તરણ કરવામાં આવશે. બ્રાન્ડને વેપાર ભાગીદારો અને ગ્રાહકો તરફથી પ્રોત્સાહક પ્રતિસાદ મળ્યો છે.
• આ ઉત્પાદન 180 મિલી, 500 મિલી અને 750 મિલીના પેક (SKUs)માં ઉપલબ્ધ છે, જેમાંથી મહારાષ્ટ્રમાં 750 મિલીના પેકની કિંમત ₹1,550 છે.

3)      ઓફિસર્સ ચોઇસ બ્લુ: પ્રીમિયમ પેકેજિંગ સાથે નવી ઓળખ

• ઓફિસર્સ ચોઇસ બ્લુએ એક નવી ઓળખ અને પ્રીમિયમ પેકેજિંગ રજૂ કર્યું છે. તેમાં વધુ આકર્ષક બોટલ, મેટ ગોલ્ડ ફોઈલિંગ ધરાવતું પારદર્શક લેબલ અને ઊપસેલા અક્ષરોમાં “Trusted Since 1988” લખેલું માર્કર છે. આ નવી ડિઝાઈન તેની ગુણવત્તા અને સાતત્યના વચનને જાળવી રાખવાની સાથે તેના વારસાને પણ ઉજાગર કરે છે.
• સપ્ટેમ્બર 2026થી ઉત્તર પ્રદેશ, મહારાષ્ટ્ર, હરિયાણા અને પશ્ચિમ બંગાળમાં આ નવું પેકેજિંગ રજૂ કરવામાં આવ્યું છે, જેને ગ્રાહકો તરફથી સારો પ્રતિસાદ મળ્યો છે. આગામી સમયમાં તબક્કાવાર રીતે અન્ય બજારોમાં પણ તેનો વિસ્તાર કરવામાં આવશે.

4)      મોરાદાબાદમાં બોટલિંગ યુનિટની શરૂઆત: ઉત્તર પ્રદેશમાં ઉત્પાદન ક્ષમતાનું સુદ્રઢીકરણ

• ઓક્ટોબર 2026માં ABDએ ઉત્તર પ્રદેશના મોરાદાબાદ ખાતે તેના બોટલિંગ એકમમાં વ્યાપારી કામગીરી શરૂ કરી, જેની પ્રારંભિક ક્ષમતા વાર્ષિક 6 મિલિયન કેસની છે. આ એકમ જાન્યુઆરી 2026માં આશરે ₹70 કરોડમાં હસ્તગત કરવામાં આવેલી સંપત્તિનો એક ભાગ હતું, જેને ત્યાર બાદ આશરે ₹40 કરોડના રોકાણ સાથે અપગ્રેડ કરવામાં આવ્યું હતું.
• આ એકમ ABDની મુખ્ય બજારોમાંના એકમાં તેની આંતરિક બોટલિંગ ક્ષમતાને મજબૂત બનાવે છે. તેનાથી સેવા કાર્યક્ષમતામાં સુધારો થવાની સાથે, આંતરિક બોટલિંગમાં વધારો અને ફ્રેન્ચાઈઝી ફીની બચતને કારણે ખર્ચમાં પણ ફાયદો થવાની અપેક્ષા છે.

5)      રંગાપુરમાં માલ્ટ ડિસ્ટિલરીની શરૂઆત: આંતરિક માલ્ટ ઉત્પાદન ક્ષમતાનું સુદ્રઢીકરણ

• ઓક્ટોબર 2026માં ABDએ તેલંગાણાના રંગાપુરમાં પોતાની માલ્ટ ડિસ્ટિલરી શરૂ કરી. આ પ્રોજેક્ટમાં આશરે ₹75 કરોડનું રોકાણ કરવામાં આવ્યું છે અને તેની વાર્ષિક ક્ષમતા આશરે 4.0 મિલિયન બલ્ક લિટર છે. આ સુવિધા ABDના હાલના ઉત્પાદન સંકુલ સાથે જોડાયેલી છે, જ્યાં ENA ડિસ્ટિલરી, IMFL બોટલિંગ યુનિટ અને PET બોટલ ઉત્પાદન પ્લાન્ટ પણ આવેલા છે.
• આ ડિસ્ટિલરીથી ABDના વિકસતા P&A પોર્ટફોલિયોની માલ્ટની જરૂરિયાત પૂરી કરવામાં મદદ મળવાની અપેક્ષા છે. તેનાથી બાહ્ય સ્ત્રોતો પરની નિર્ભરતા ઘટવાની અને ભવિષ્યમાં ‘સિંગલ માલ્ટ વ્હિસ્કી’ પોર્ટફોલિયોના વિકાસમાં પણ સહાય મળવાની ધારણા છે.

6) આંતરરાષ્ટ્રીય બજારો: ભૌગોલિક વિસ્તારોમાં હાજરીનો વિસ્તાર

• પહેલું આંતરરાષ્ટ્રીય ઉત્પાદન એકમ: ઓગસ્ટ 2026માં ABDએ સ્થાપિત સ્થાનિક ભાગીદાર સાથે એસેટ-લાઇટ કો-બોટલિંગ મોડેલ દ્વારા મલેશિયામાં ઓફિસર્સ ચોઇસ બ્લુ માટે તેની પ્રથમ વિદેશી સ્થાનિક ઉત્પાદન વ્યવસ્થાની જાહેરાત કરી. આ પહેલ દક્ષિણપૂર્વ એશિયામાં ABDના વિસ્તરણમાં એક મહત્વપૂર્ણ પગલું છે, જે ઉત્પાદન ગુણવત્તા અને બ્રાન્ડ ધોરણોનું નિરીક્ષણ જાળવી રાખીને ઓછા મૂડીરોકાણ સાથે બજારમાં ઝડપી પ્રવેશને સક્ષમ બનાવે છે.
• સતત વિસ્તરણ: ABDએ Q2FY27માં તેની આંતરરાષ્ટ્રીય પહોંચનો વિસ્તાર 42 દેશોમાં કર્યો, જ્યારે Q4FY26માં આ સંખ્યા 36 દેશોની હતી. H1FY27 દરમિયાન કંપનીએ યુરોપિયન અને આફ્રિકન બજારો તથા ઓસ્ટ્રેલિયામાં વિસ્તરણ કર્યું છે.
• ABD મેસ્ટ્રોના સુપર-પ્રીમિયમ અને લક્ઝરી પોર્ટફોલિયોનું આંતરરાષ્ટ્રીય સ્તરે વિસ્તરણ ચાલુ રહ્યું અને હવે તે ઓસ્ટ્રેલિયા, કેનેડા, આઇવરી કોસ્ટ, ન્યૂ ઝીલેન્ડ, રવાન્ડા, સિએરા લિયોન અને UAEમાં હાજરી ધરાવે છે.

7) મુખ્ય પુરસ્કારો અને માન્યતાઓ: સ્પિરિટ્ઝ કોન્ક્લેવ અને અચિવર્સ એવોર્ડ્સ 2026

• ABD મેસ્ટ્રો પ્રાઇવેટ લિમિટેડને ‘કંપની ઓફ ધ યર 2026 (ડોમેસ્ટિક)’ બિરુદ આપવામાં આવ્યું હતું અને તેના સુપર-પ્રીમિયમ અને લક્ઝરી સ્પિરિટ્સ પોર્ટફોલિયોની મજબૂતાઈને માન્યતા આપતાં ગોલ્ડ મેડલ પણ મેળવ્યો છે.
• RANGEELA કન્ટેમ્પરરી ઇન્ડિયન વોડકાએ બ્લાઇન્ડ ટેસ્ટિંગ કેટેગરીમાં સ્પર્ધાનો સૌથી પ્રતિષ્ઠિત ‘ગ્રાન્ડ ગોલ્ડ’ મેડલ જીત્યો. YELLO ડિઝાઇનર વ્હિસ્કી અને AODH આઇરિશ વ્હિસ્કી દરેકને ગોલ્ડ મળ્યું, જ્યારે ZOYA પ્રીમિયમ મિક્સ્ડ બેરીઝ જિનને સિલ્વર મેડલ મળ્યો.
• RANGEELA કન્ટેમ્પરરી ઇન્ડિયન વોડકાને ‘પ્રોડક્ટ લોન્ચ 2026 – વોડકા’ હેઠળ ગોલ્ડ મેડલ મળ્યો, જ્યારે AODH આઇરિશ વ્હિસ્કીને ‘પ્રોડક્ટ લોન્ચ 2026 – વ્હિસ્કી પ્રીમિયમ’ શ્રેણી હેઠળ સંયુક્ત રીતે ગોલ્ડ મેડલ મળ્યો છે.

આ સન્માનો વિવિધ શ્રેણીઓમાં ABD મેસ્ટ્રોના મજબૂત પ્રદર્શનને તેમ જ સુપર-પ્રીમિયમ અને લક્ઝરી સ્પિરિટ્સ પોર્ટફોલિયો તૈયાર કરવાની તેની પ્રતિબદ્ધતાને ઉજાગર કરે છે.

== સમાપ્ત ==